Jona 1
1
Jona ngako a txi tutuma Txizimu
1Se dipswi da Mkoma di to ta ka Jona, mwana Amitayi, di txi kha dona:
2Khukha, tsula ka Didhoropa da Hombe da Ninivha, u txi ya di kawuka, nguko wubihi wa dona wukwete, uza wuhoka kwangu.
3Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma. 4Aniko Mkoma a to rumela moya wa hombe lineneni, se ku to maheka txihuhuri txa hombe lineneni, se txitimela txi txi nga txo lava ni kubhandeka. 5Sekoko vatsimbitisi va txitimela va to thava, mmwani ni mmwani a to dila ka txizimu txakwe, va txi rinzetela matini totshe tithomba ti ti nga ti ti txitimelani, kasi kuhungula kunemela ka txona; konaho, Jona a to relela hahatshi, ka wukhalo wo zumba simaha, a txi ya otela e mana wukohe wo tshima ngutu.
6Se mthangeli wa txitimela a to tshuketela kwakwe a txi m'gela tiya: Wo va ni txani u otelako kani? Wuka, khukha u dhana Txizimu txako; kutilava ngu kumaha keto, Txizimu txi nga hi alakanya, kasiku hi si lovi.
7Se mmweyo ni mmweyo a ti ti khene ka mmwani: Ngonani hi ta xaxuva tixolo, kasiku hi na ziva tito, nji txani txi hi mahako hi humelelwa ngu phango yiya. Va to xaxuva tixolo, se xolo yi ya wela Jona. 8Sekoko va to m'gela ku kha vona: Hi nga hi gela awe konkuwa, a txi txi hi mahako hi telwa ngu dikhombo diya. Ngu wuhi mthumo wako kani? Niku uta ngu hayi kani? Ngu dihi ditiko dako kani? Kona u wa lixaka muni awe kani?
9Se ene a to va gela a txi khene: Ani ni Muhebheru, ni thava Mkoma, Txizimu txa nzumani, awu a nga maha linene ni mafu a kuoma.
10Sekoko vavamna va to tala ngu kuthava ka hombe, va txi m'gela ku kha vona: U mahete txani awe toneto kani? Nguko va txi tiziva vavamna vale taku, a ti ko tutuma eya kule ni khohe ya Mkoma, nguko ene se a ti ti va gete.
11Se va to mu wotisa va txi kha vona: Hi na kumaha txani athu, kasiku linene li zenga kani? Nguko linene li ti ko guleka ni kuhenya ngutu.
12Se Jona a to va gela a txi khene: Ni guleni, mi txi ni rinza lineneni, se linene li na zenga, nguko ani na tiziva tito, ngu mhaka yangu, mi tetwe ngu txihuhuri txiya txa hombe.
13Hambi keto, vavamna va ti ti txungela, va txi zama kumanela mafu, aniko va ti si sikoti, nguko linene li ti tiya masoni ngu kuhenya ngutu. 14Sekoko va to dila ka Mkoma va txi kha vona: Yowe! Mkoma! Athu ha kukhongotela! Hi nga love ngu mhaka ya wutomi wa wamwamna wuwa, ni ku u nga thele txitimwi kwathu mnoha wa kwa mbi na mnandu; nguko awe Mkoma u mahile ti u nga ti lavisa tona.
15Se va to gula Jona ve mrinza lineneni, se linene li ema kuhenya ka lona. 16Se vavamna vava, va to khata kuthava Txizimu, ngu txithavo txa hombe, ve ningela miphaxo ka Mkoma, ni sixambanyo sawe.
17 Mkoma a to rumela txihaka txa hombe, kasiku txi mita Jona; se Jona a to zumba mndani ka txihaka masiku mararu ni wusiku wa kona.
Currently Selected:
Jona 1: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.