Mitengo 33
33
Kukhukhela Egipta kala Mowabhi
(33:1-49)
1Aawa ngu ona mapfhumba a vanana va ka Israyeli, va nga huma ngu ditikoni ka Egipta, madingano ni mabutho awe, ngu dianza da Mosi ni da Aroni. 2Se Mosi a bhate ngu kuhuma kwawe, madingano ni mapfhumba awe, nga tile Mkoma a nga va leletisa tona, mbimo yile va nga huma, va tsimbilisile tiya:
3Ngu mtxima wo khata, va to khukha ngu Ramisesi, i ti ditshiku da digumi ni mtxhanu, ka mtxima wo khata. Mangwanani ka kona, i ti ditshiku da Pasika, va to huma vanana va ka Israyeli ngu dianza do guleka, masoni ka votshe Vaegipta, 4Vaegipta va to kelelela vale va nga ti datwe ngu Mkoma, ka otshe matiwula, se Mkoma a to lamula sizimu sawe. 5Na va di khukhile vanana va ka Israyeli ngu Ramisesi, va ti ya humula Sukote. 6Se va to khukha ngu Sukote, veya humula Etani, ku manekako magwito ka txiwula. 7Se va to khukha ngu Etani, ve tshumela veya Pi-Hayiroti, ku nga rendekelana ni Bhahali-Zefoni, se ve humula masoni ka Migidholi. 8Se va to khukha ngu Pi-Hayiroti, ve txhatuka ngu hagari ka linene, kala txiwulani, va to tsimbila mndani ka masiku mararu txiwulani ka Etani, veya humula Mara. 9Se va to khukha ngu Mara, ve ta Elime; se Elime ku ti ti ni digumi da sisima sa mati, ni mtxhanu wa magumi ni mambidi a mikhokho, va to humula konaho. 10Se va to khukha ngu Elime, veya humula ka Linene lo Bhilivila. 11Se ngu ka Linene lo Bhilivila veya humula ka txiwula txa Sini. 12Se va to khukha ngu txiwulani ka Sini veya humula Dhofika. 13Se va to khukha ngu Dhofika, veya humula Alusi. 14Se va to khukha ngu Alusi, veya humula Refidhime; sekoko eho ku si nga ni mati o dingana kusela.
15Va to khukha koko ngu Refidhime, veya humula txiwulani ka Sinayi. 16Va to khukha ngu txiwulani ka Sinayi, veya humula Kibroti-Hatavha. 17Va to khukha ngu Kibroti-Hatavha, veya humula Hazerote. 18Se va to khukha ngu Hazarote veya humula Ritima. 19Se va to khukha ngu Ritima veya humula Rimoni-Perezi. 20Se va to khukha ngu Rimoni-Perezi, veya humula Libhina. 21Se va to khukha ngu Libhina, veya humula Risa. 22Se va to khukha ngu Risa, veya humula Kehelata. 23Se va to khukha ngu Kehelata, veya humula mmangoni ka Seferi. 24Se va to khukha ngu mmangoni ka Seferi, veya humula Haradha. 25Se va to khukha ngu Haradha, veya humula Makelote. 26Se va to khukha ngu Makelote, veya humula Tahate. 27Se va to khukha ngu Tahate, veya humula Tera. 28Se va to khukha ngu Tera, veya humula Mitika. 29Se va to khukha ngu Mitika, veya humula Asimona. 30Se va to khukha ngu Asimona, veya humula Moserote. 31Se va to khukha ngu Moserote, veya humula Bhene-Jahakamu. 32Se va to khukha ngu Bhene-Jahakamu, veya humula Hori-Hagidhigadhi. 33Se va to khukha ngu Hori-Hagidhigadhi veya humula Jotibhata. 34Se va to khukha ngu Jotibhata, veya humula Abrona. 35Se va to khukha ngu Abrona, veya humula Eziyoni-Gebheri. 36Se va to khukha ngu Eziyoni-Gebheri, veya humula txiwulani ka Zini, i ku Kadhesi. 37Se va to khukha ngu Kadhesi, veya humula mmangoni ka Hori, magwito ka mafu a Edhomi.
38 # Wona ni ka: Dhewut. 10:6. Sekoko Aroni mphaxeli, a to kwela mmangoni ka Hori, madingano ni kuruma ka Mkoma; se a fete koneyo, ngu mtxima wa wutxhanu, na ku di pindile mune wa magumi a malembe, na vanana va ka Israyeli va di humile ngu ditikoni ka Egipta, ka ditshiku do khata da mtxima. 39Se Aroni i di wa tanga ya 100 da malembe, ni malembe mararu, mbimo yi a nga fa, mmangoni ka Hori.
40 # Wona ni ka: Mit. 21:1. Se a ti pfite Mkanana, mfumeli wa Aradhi, a nga txi zumba wulambwe ka ditiko da Kanana, a ti to va bwaka vanana va ka Israyeli.
41Se va to khukha ngu Hori, veya humula Salmona. 42Se va to khukha ngu Salmona, veya humula Punoni. 43Se va to khukha ngu Punoni veya humula Obhoti. 44Se va to khukha Obhoti, veya humula simangwanani ka Abharimu, magwito ka Mowabhi. 45Se va to khukha ngu simangwanani ka Abharimu, veya humula Dhibhomi-Gadhi. 46Se va to khukha ngu Dhibhomi-Gadhi veya humula Alimoni-Dhiblatayimi. 47Se va to khukha ngu Alimoni-Dhiblatayimi, veya humula mimangoni ka Abharime, ko rendekelana ni Nebho. 48Se va to khukha ngu mimangoni ka Abharime, veya humula mikovani ka Vamowabhi, hafuhi ni Jordhani, ka Jeriko. 49Se va to zumba hafuhi ni Jordhani, kukhukhela Bheti-Jesimote, kala Abhele-Sitime, mikovani ka Vamowabhi.
Txizimu txi lulamisela vathu na va si se txhatuka mnambo wa Jordhani
(33:50--36:13)
Txizimu txi ruma kututumisa Vakanana
50 Mkoma a wombile ka Mosi, mikovani ka Mowabhi, hafuhi ni Jordhani, ka Jeriko, a txi khene: 51Gela vanana va ka Israyeli u txi khawe:
Aha mi no va mi di txhatukile mnambo wa Jordhani, miya ditikoni ka Kanana, 52mi na tutumisa votshe va zumbako ka dona, masoni kwanu, ni kukhundumusela sotshe sithombe sawe; kambe mi na khundumusela sotshe sifananiso sawe sa tisimbi, mi na khundumusela sotshe sithombe sawe; 53se mi na honyola ditiko mi zumba ka dona; ngako ni nga mi ninga ditiko diya, kuva di mi lumba. 54Se ngu kuxaxuva tixolo, mi na mana ditiko di na maha thomba yanu, madingano ni mimwaya yanu; ngu wungi wa kona, mi na talelwa ngu tithomba, eyo dikato di no wela kwakwe; madingano ni tihunzu ta vatate vanu, mi na teka tithomba. 55Aniko ngako mi si tutumisi vazumbi va ditiko dile masoni kwanu, se ava mi no va leka ve zumba, vona va na maha mipa amu ka maso anu, ni mindombo makatani kwanu, se va na mi tsindaveta ka ditiko diya mi no zumba ka dona. 56Se ti na maneka ti to ni maha kwanu, ati ni nga ti fela kumaha kwawe.
Currently Selected:
Mitengo 33: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.