ILOOWALI 25
25
Wali mai lei Abraham lonto dilelio uwewo
(Boh. Taw. 1:32-33)
1Tei Abraham luli lonika wolo taabua ngota taiĚ’lunte ti Ketura. 2Dilelio boito lopotutu mai mongo walaoĚ’ taiĚ’lunte; Jimran, Yoksan, Medan, Midian, Isybak wau Suah. 3Tei Yoksan tiyamo li Syeba wolei Dedan wau wali mai lei Dedan yito taulo Asyur, taulo Letus wau taulo Leum. 4Mongo walaoĚ’ Midian yito: ti Epa, tei Eper, Heno, Abida wolei Eldaa. Timongolio ngoaĚ’amila wali mai lei Ketura.
5Eleponu tei Abraham helo powalisi maoĚ’ totoonulalo halata upangolio tolei Isihaka, 6tomaasa tutumulio tio malongohi maoĚ’ dadaata palaseni tomongo walaoĚ’ tahe lotapulio mai to didiilelio wewo. LapataoĚ’ he ilahulalio mongo walaoĚ’ boito lolimbata ode lipu to ambahu tiimuru lo KanaaĚ’n, alihu mohalaheoĚ’ monto olei Isihaka walaiĚ’o.
Tei Abraham yilate wau yilobungio
7-8Tei Abraham yilate to umulu mapanggola, deu̒yito-yito ngohetuto pitu lopulaa limo lotaunu. 9Tio yilobungio lomongo walai̒o, deu̒yito-yito tei Isihaka wolei Ismai̒lu, to Gowa Makhpela u dudutuulio to halabolu ambahu tiimuru lo Mamre. Muloololio mai halabolu boito haku lei Epron walae̒e Johar, taulo Het, 10bo matilali lei Abraham lonto taulo Het boito. Ti Sara, dile lei Abraham olo yilobungio mola teto. 11Lapatao̒ tei Abraham yilate mao̒, Allahu Taa̒ala lobalakati olei Isihaka, walae̒e Abraham. Tou̒ boito tei Isihaka bilu-biluloa̒ totili lo ali u ilunte “Tio Taa Mopoo̒tuoto ola-U̒.”
Wali mai lei IsmaiĚ’lu
(Boh. Taw. 1:28-31)
12Tei IsmaiĚ’lu yito walaeĚ’e Abraham woli Hagar, taabua lo Masiri, wato li Sara boito. 13-16Tei IsmaiĚ’lu owalaoĚ’ mopulaa duulota taiĚ’lunte teewe moduduaĚ’ toyunuto pilotutulio mai: tei Nebayot, Kedar, Adbeel, Mibsam, Misyma, Duma, Masa, Hadad, Tema, Yetur, Napis wolei Kedma. Mongo walaoĚ’ boito lowali tiyamo loluuhuru lo mopulaa dulo suku bangusa, wau kambungu wau piloti kemawa limongolio ilunteelio loduduaĚ’ tangguli mongolio ngota-ngota. 17Tei IsmaiĚ’lu o umulu ngohetuto tolo pulaa pitu lotaunu touĚ’ tio yilate. 18Waliilio mola bilu-biluloaĚ’ to wolota lomadala Hawila wau Syur to ambahu tiimuru lo Masiri ode mantahu Asyur. Timongolio hitumula lobuaĚ’ wolo wali mai lei Abraham uwewo.
Pilotutua olei Esau wolei Yako
19Uti-utieelo wungguli lei Isihaka, walae̒e Abraham. 20Tei Isihaka o umulu wopato pulu lotaunu tou̒ tio lonika woli Ribka, towali-yali lei Laban, walae̒e Betuel, ngotaalio lo Aram lonto Mesopotamia. 21Sababu ti Ribka diila loo̒tapu walao̒, tei Isihaka malodua̒ ode Eeya duo̒lo dilelio. Wau Eeya lodungohei dua̒ lei Isihaka, tilinggula ti Ribka maa ilombodaa̒. 22Tio ilombodaa̒ lowalao̒ pingi, wau tou̒ diipo walao̒ boito pilotutu mai, timongolio helo totooo̒ola todelomo talomio. Uali Ribka mao̒, “Yilongola sua̒li botie musi motoduo mai to batangau̒?” Lapatao̒ tio helo molohone mola lohile potuhata lonto Eeya.
23 Eeya malo tahuda mai olio,
“Dulo bangusa woluo todelomo talomoomu;
yioĚ’ mamo potutu mai dulo bangusa u sasaatulua;
tawali-yaliilio lebe molotolaoĚ’ wolo hulangio,
tahulango momaya tawaliyali.”
24Malei dungga saaaĚ’tilio ti Ribka u mopotutu mai, wau tio lopotutu mai walaoĚ’ talolaiĚ’ pingi duulota. 25Tamohuhula lakulio monto welaama, wau alipio debo odelo jumba olambuto. Sababu uito tio ilunte Esau. 26TouĚ’ walaoĚ’ taoĚ’luolio pilotutulio mai, uluuĚ’lio dihu-dihuma paiĚ’ lei Esau. Sababu uito tio ilunte Yako. Tei Isihaka maa o umulu wopato pulu lotaunu touĚ’ timongolio pilotutu mai.
Tei Esau lopotali daaĚ’ hakuulio odelo walaoĚ’ tamohuhula
27WalaoĚ’ duulota boito he oduhenga mola udaaĚ’lio. Tei Esau lowali tamoo-ngalupawa u motolooĚ’ wau yinao motibiluloaĚ’ tohuta datahu wau luasi daaĚ’, bo tei Yako owatade duoĚ’-duoĚ’oto wau yinao motibiluloaĚ’ to bele. 28Tei Isihaka lebe motoliaĚ’ngo tolei Esau, sababu tei Isihaka lebe motohilaa molamela tapu u ilalupo. Bo ti Ribka lebe motoliaĚ’ngo olei Yako.
29Todulahee tuwau tou̒ tei Yako donggo hemotubu sayoli kasa meela, malonao̒ mai tei Esau lonto oa̒alupio. Tio mapilolango. 30Lapatao̒ ualio mao̒ odelei Yako, “Watia polangolo daa̒. Pohileaalo ngoi̒di kasa meela boito.” (Uitolo sababuulio tio ilunteelio Edom.)
31Tametao̒ lei Yako, “Ooo̒, asali wohimupo mai meimulo hakuumu odelo walao̒ tamohuhula daa̒.”
32Ualei Esau, “Poduli wolo haku boito olau̒. Wau̒ polangolo tio̒opatea!”
33Ualei Yako poli, “Potadiyapo meimulo deu̒ wohimu mai hakuumu ode olau̒.”
Yi tei Esau malotadia wau longohi maoĚ’ hakuulio odelei Yako. 34LapataoĚ’ uito tei Yako longohi maoĚ’ olio loti wau sayoli kasa meela boito ngotayadu. Tei Esau malo lamela wau longilu tulusi lonaoĚ’. Odi-odieelo mola tei Esau diila helo maduli hakuulio odelo walaoĚ’ hulango.
Currently Selected:
ILOOWALI 25: LAIGOR
Highlight
Share
Copy
Want to have your highlights saved across all your devices? Sign up or sign in
