O KEJADIAN 36
36
O Esau aidifauku
(1Taw. 1:34-37)
1Nënanga o Esau aidifauku iwihetongöli o Edom. 2#Kej. 26:34 O Esau wokawingi de o Kanaan mangoheka yaruange, enagënanga: o ngo Ada, o Elon o Het manyawa ngoi ora; o ngo Oholibama, o Ana ngoi ora deʼ o Zibeon o Hewi manyawa ngoi hanongo. 3#Kej. 28:9 O ngo Basmat, o Ismael ngoi ora, deʼ o Nebayot ngoi hiranga o dodoto. 4O ngo Ada mongohaka o Elifas, o ngo Basmat mongohaka o Rehuel, 5deʼ o ngo Oholibama mongohaka o Yeus, o Yaelam deʼ o Korah. Mata-mata o ngohaka gënanga ima kil̄au o Kanaan mabereraka.
6De ipaha o Esau wïmal̄a o Yakub deʼ woiki o berera mahomoaika wä ao mata-mata ai hekata, aingohaka, deʼ mata-mata ainyawa naga ai tauoka kamamoi de hagala ai aiwani i popaliara deʼ ai arata wamö mäke-mäkeoka o Kanaan mabereraka. 7O Esau imatingaka de o Yakub karana manga arata iwöeholi hiädono önanga yakunua yowango imateke toomuino. Inoli o berera önanga yogö gogere gënanga manga aiwani yopopaliara duru kahangöe gënanga mainomo imakewedonua. 8Done o Esau iwihi romangö o Edom, wögogere o Seir madaera de mal̄oku-l̄okuoka.
9Nenanga o Esau aidifauku, o Edom manyawa manga ete de manga tohora. 10-13O Esau ngoihekata ami romanga o ngo Ada mongohaka o ngohaka o nauru womatengo, ai romanga o Elifas. Deʼ o Elifas aingohaka o nauru yamotoa, enagënanga: o Teman, o Omar, o Zefo, o Gaetam deʼ o Kenas. O Elifas de ngoihekata paliara, amiromanga o ngo Timna. Munanga mongohaka o ngohaka o nauru ai romanga o Amalek.
O Esau ngoihekata amiromanga o ngo Basmat mongohaka o ngohaka o nauru womatengo ai romanga o Rehuel. Deʼ o Rehuel aingohaka o nauru yäruata, enagënanga; o Nahat, o Zerah, o Syama, deʼ o Miza.
14O Esau ngoihekata amiromanga o ngo Oholibama, enagënanga o Ana ngoi ora de o Zibeon ngoi hanongo, mongohaka o ngohaka o nauru yaruange, enagënanga: o Yeus, o Yaelam deʼ o Korah.
15Nënanga o hoana-o hoana manga haeke o Esau aidifauku: o Elifas, o Esau aingohaka mariaka, ganga o hoana-o hoana i tototuru nënanga manga ete de manga tohora: o Tëman, o Omar, o Zefo, o Kenas, o Korah, o Gaetam deʼ o Amalek. 16Onanga mata-mata o ngo Ada o Esau ngoihekata ami difauku.
17O Rehuel, o Esau aingohaka, ganga o hoana-o hoana i tototuru nënanga manga ete de manga tohora: o Nahat, o Zerah, o Syama, de o Miza. Önanga mata-mata o ngo Basmat o Esau ngoi hekata ami difauku.
18O hoana-o hoana i tototuru nënanga ganga o Esau aidifauku ngoi hekatoka amiromanga o ngo Oholibama o Ana ngoi ora, enagënanga: o Yeus, o Yaelam deʼ o Korah. 19Mata-mata o hoana-o hoana gënanga o Esau aidifauku.
O Seir aidifauku
(1Taw. 1:38-42)
20-21O Edom matonaka maberera madutu i regu o hoana muruono naga o Seir o Hori manyawa aidifauku. O hoana-o hoana gënanga ganga: o Lotan, o Syobal, o Zibeon, o Ana, o Disyon, o Ezer, deʼ o Disyan.
22O Lotan ganga o Hori de o Heman manga bätuku manga ete de manga tohora. (O Lotan de ngoi hiranga, enagënanga o ngo Timna.)
23O Syobal ganga: o Alwan, o Manahat, o Ebal, o Syefo deʼ o Onam manga bätuku manga ete de manga tohora.
24O Zibeon aingohaka o nauru yahinoto, enagënanga o Aya deʼ o Ana. (O Ana nënanga wamömake-make o akere mahau-hauku matiti o tonaka ikökakahaka, maöraha ünanga magogiriaka wogoana ai ama ai keledai.) 25-26O Ana ganga o Disyon ai ama, deʼ o Disyon: o Hemdan, o Esyban, o Yitran deʼ o Keran manga bätuku manga ete de manga tohora. O Anaö ngoi ora momatengo ami romanga o ngo Oholibama.
27O Ezer: o Bilhan, o Zaawan deʼ o Akan manga bätuku manga ete de manga tohora.
28O Disyan o Us deʼ o Aran manga bätuku manga ete de manga tohora.
29-30NĂ«nanga o Hori o Edom mabereraka ai hoana: o Lotan, o Syobal, o Zibeon, o Ana, o Disyon, o Ezer deĘĽ o Disyan.
O Edom ma kokoano
(1Taw. 1:43-54)
31-39Koiwahi naga o koano yopopareta o Israel mabereraka, o kokoano yäheto-hetongo nënanga yopareta o Edom matonakoka imakoki nïkika:
O Bela o Beor aingohaka o Dinhabaino.
O Yobab o Zera aingohaka o Bozraino.
O Husyam o Teman madaeraino.
O Hadad o Bedad aingohaka o Awitino (ünanga wahöhihihanga o Midian manyawa o parangi magoronaka o Moab madaeraka).
O Samla o Masrekaino.
O Saul o Rehobotino o ngairi madatekoka.
O Baal-Hanan o Akhbor aingohaka.
O Hadar o Pahuino (ngoihekata amiromanga o ngo Mehetabeel, o Matred ngoi ora o Mezahab ngoi danongo).
40-43O Esau ganga o Edom mahoana i heto-hetongo nënanga manga ete de manga tohora: o Timna, o Alwa, o Yetet, o Oholibama, o Ela, o Pinon, o Kenas, o Teman, o Mibzar, o Magdiel deʼ o Iram. O hoana moi o hoana moi ihidöaka maromanga o daera yogögogerika.
Currently Selected:
O KEJADIAN 36: TLB
Highlight
Share
Copy
Want to have your highlights saved across all your devices? Sign up or sign in
