Genesisi 46
46
Jakobe aya le Gipite zinwe ni ngango wakwe.
1Israeli i lo suka ni zontlhe lezi a nga wa hi nazo; i lo chikela Berexeba, a phahlela ka Nungungulu wa Isaka, a raru wakwe.
2Nungungulu i lo wulawula na Israeli hi muwoniso wa wusiku, aku: Jakobe, Jakobe! Yena i lo hlamula aku: Hi mina loyi!
3Aku: Hi mina Nungungulu, Nungungulu wa raru wa wena; u nga chavi ku rura uya Gipite, hakuva leyo nzi ta ya ku maha a tiko ga hombe.
4Mina nzi ta relela zinwe na wena le Gipite, hakunene, nzi ta tlhela kambe nzi ku kanzihisa nzi ku neha leno; Josefa i ta vala a mahlo ya wena kufeni ka wena.
5Jakobe i lo suka le Berexeba; a vana va Israeli va lo fambisa Jakobe a dadani wabye, ni vana vabye, ni vasati vabye hi tikareta leti Faro a nga wa ti rumele ku ya va rwala.
6Va lo teka ni mitlhambi yabye, ni nhunzu leyi va nga wa hi nayo tikweni ga le Kanani, va lo komama Gipite, Jakobe ni pswalo wakwe wontihe.
7A vana vakwe ni vazukulu vakwe ni vanhwana vakwe, vazukulu vakwe va xisati, ni pswalo wakwe wontihe, va loya Gipite.
8Laya hi mavito ya vanana va Israeli, lava va ngaya Gipite: Jakobe ni vana vakwe:— matewula ya Jakobe hi Rubeni.
9A vana va Rubeni: Hanoki, na Palu, na Hezroni; na Karmi.
10A vana va Simoni: Jemueli, na Jeminia, na Ohade, na Jakina, na Zohare, na Xaule, a nʼwana wa wasati wa muKanani.
11A vana va Levi: Gerxoni, na Kehate, na Merari.
12A vana va Juda: Ere, na Onani, na Xela, na Perezi, na Zera; kanilezi Ere na Onani va fele tikweni ga le Kanani. A vana va Perezi ku wa hi Hezroni na Hamule.
13A vana va Isakare: Tola, na Puva, na Joba, na Ximroni.
14A vana va Zebuloni: Serede, na Eloni, na Jalela.
15Lava hi vana va Lea, lava a nga beleka ka Jakobe, na va ha hi Padanaramu, na Dina, a nhanyana wa Jakobe; vontlhe a vanana vakwe, a varisanyana ni vanhanyana, va wa hi 33.
16A vana va Gadi: Zifoni, na Hagi, na Xuni, na Ezboni, na Eri, na Arodi, na Areli.
17A vana va Axeri: Imna, na Yixva, na Yixvi, na Beria, na Sera, a makabye wa xisati. A vana va Beria ku wa hi Heberi, na Malkieli.
18Lava hi vanana va Zilpa, loyi Labani a nga mu nyikela ka Lea, a nʼwana wakwe; i lo beleka ka Jakobe 16 wa vanana.
19A vana va Rakeli, a kata Jakobe: Hi Josefa na Benjamini.
20Le tikweni ga Gipite, Josefa i belekile Manasse, na Efraime, vo pswaliwa hi Asenate, nʼwana Potifera, a mupristi wa le Oni.
21A vana va Benjamini: Bela, na Bekera, na Axbeli, na Gera, na Namani, na Ehi, na Roxa, na Mupima, na Hupami, na Arda.
22Lava hi vana va Rakeli, lava a nga beleka ka Jakobe; vontlhe va wa hi 14.
23A nʼwana wa Dani ku wa hi Huximu.
24A vana va Naftali: Jehezeli, na Guni, na Jezera, na Xilema.
25Lava hi vana va Bilha, loyi Labani a nga mu nyikela ka Rakeli, a nʼwana wakwe; i lo beleka ka Jakobe a vanana lava; vontlhe va wa hi ntlhanu ni vambiri.
26Vontlhe vanhu lava va nga famba Gipite zinwe na Jakobe, lava va humileko hi lomu xiwunwini xakwe, va wa hi 66 wa mihefemulo, ahandle ka vasati va vana va Jakobe.
27Makunu a vana va Josefa, lava va nga belekiwa le Gipite, va wa hi vambiri. Vontlhe vanhu va Jakobe lava va ngaya le Gipite, va wa hi 70 wa mihefemulo. Deut. 10:22; Miti. 7:14
28Jakobe i lo ruma Juda ku ranga mahlweni, a kuya ka Josefa, kasi a ya mu kombisa a ndlela ya kuya le Goxeni. Zonake va lo chikela tikweni ga Goxeni.
29Zonake Josefa i lo bohelela a kareta yakwe, i lo kanzihaa ku ya khinga Israeli a raru wakwe le Goxeni. Laha na a chikele kakwe, i lo wela nhanweni yakwe, a rila lomu nhanweni ya raru wakwe xikhati xo leha.
30Israeli aku ka Josefa: Ku enele a kuva nzifa, lezi nzi wonileko a nghohe ya wena, na u kari u hanya.
31Josefa aku ka vanakulobye ni vontlhe va ngango wa raru wakwe: Nza tlhela nzi ya bikela Faro, nzi ta yaku ngalo kakwe: A vanakulori ni yontlhe nghamu ya dadani, lava Va tako hi le tikweni ga Kanani, va chikele ka mina.
32Vona mbarisi, hakuva a ntiro wabye hi ku risa mitlhambi, va tile ni tiyivu tabye ni tihomu tabye, ni yontlhe nhunzu leyi va nga nayo.
33Kasi loku Faro a mu vitana, a ta mu wutisa, ku ngalo: Mitiro ya nwina nja yini ke?
34Nwina mu taku ngalo ka yena: Malanza ya wena mbarisi, kusukela wunwananeni kala lezi, hina ni vararu va hina. Hi kona mu ta ngaya aka le Goxeni, hakuva vontlhe varisi va mitlhambi zinyenyeko lomu Gipite. Gen. 47:6; Ekso. 8:26
Currently Selected:
Genesisi 46: TSC72
Highlight
Share
Compare
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
