Nkanee 18
18
Asɔfo Ma Levifo Hɔn Som Ho Kyɛfa
1Na EWURADZE see Aaron dɛ, Ɔwo nye wo mbabanyin nye w’egyanom fi a wɔka wo ho no nsoa ahotseweebea no ho emumuyɛ: na ɔwo nye wo mbabanyin a wɔka wo ho no nsoa hom asɔfodzi ho emumuyɛ. 2Na wo nuanom no so, Levi ebusuakuw no, w’egya n’ebusuakuw no, fa hɔn ka woho bra ho, ma wɔmboa wo wɔ ɔsom no mu: mbom ɔwo nye wo mbabanyin a wɔka wo ho no nsom wɔ dasebuw no enyim. 3Na wɔnhwɛ w’ahwɛdodze, nye Buw no nyinara ahwɛdodze no: ahotseweebea ndzɛmba ho nye afɔrmbukyia no ho nko ara na mma wɔmmba, amma woeennwuwu, hɔn o, hom o. 4Na wɔnka wo ho, na wɔnhwɛ ehyiadzibuw no n’ahwɛdodze, dɛ mbrɛ Buw no no ho edwuma nyinara tse: na mma ɔhɔho bi mmba hom nkyɛn. 5Na hom nhwɛ ahotseweebea ahwɛdodze no, nye afɔrmbukyia no ahwɛdodze no: amma ebufuhyew bi aammba Israelmba do bio. 6Na mara, hwɛ, mafa wo nuanom Levifo no mefi Israelmba no mu: mama hom dɛ wɔyɛ akyɛdze a wɔdze ama EWURADZE, dɛ wɔnyɛ ehyiadzibuw no ho edwuma. 7Na ɔwo nye wo mbabanyin a wɔka wo ho no nhwɛ hom asɔfodzi no wɔ afɔrmbukyia no n’adze biara mu, na ntwamutam no mu dze no mu; na hom mfa nsom: medze asɔfodzi no mema hom dɛ akyɛdze dwuma: na ɔhɔho a ɔba ho no wonku no.
8Na EWURADZE kasaa kyerɛɛ Aaron dɛ, Hwɛ, emi dze, medze me mado afɔr ahwɛdodze ama wo, mekyerɛ Israelmba adzekrɔnkrɔn nyinara, medze ama ɔwo nye wo mbabanyin no osian ngosera no ntsi, dɛ daa ahyɛdze. 9Iyi na ɔnyɛ wodze wɔ krɔnkrɔndze mu adzekrɔnkrɔn a wɔdze esie efi ogya no mu no mu: hɔn ayɛyɛdze biara, mekyerɛ hɔn edziban afɔr biara, nye hɔn bɔn ho afɔr biara, nye hɔn asodzi ho afɔr biara a wɔdze brɛ me no, ɔnyɛ krɔnkrɔndze mu adzekrɔnkrɔn mma ɔwo nye wo mbabanyin no. 10Dzi no wɔ bea a hɔ yɛ krɔnkrɔn: ɔbanyin biara ndzi bi; ɔnyɛ krɔnkrɔn mma wo. 11Na iyi nyɛ wodze; hɔn ayɛyɛdze mu ɔmado afɔr, mekyerɛ Israelmba hɔn ohim afɔr nyinara; medze ama ɔwo, nye wo mbabanyin, nye wo mbabaa a wɔka wo ho, dɛ daa ahyɛdze: obiara a no ho tsew wɔ wo fi mu no ndzi bi. 12Ngo mu papa nyinara, nye wenyin nye eburow mu papa nyinara no mu nduadzewakan a wɔdze ma EWURADZE no, ɔwo na medze ama wo. 13Hɔn asaase do nduadzewa nyinara mu edziban beree a wɔdze brɛ EWURADZE no, ɔnyɛ wodze; obiara a no ho tsew wɔ wo fi mu no ndzi bi. 14Israel mu adze biara a woehyira do ama nyɛ wodze. 15Adze biara a obue ɔyafun, wɔ honam a wɔdze brɛ EWURADZE no nyinara mu, nyimpa nye abowa nyina, nyɛ wodze: naaso ɔpon na pon nyimpa mbakan, nye abowa a hɔn ho nntsew mbakan so pon hɔn. 16Na hɔn a wɔrobɔpon hɔn a woedzi bosoom no, pon hɔn, dɛ mbrɛ w’abotwa tse, sika dwetɛbona enum, dɛ mbrɛ ahotseweebea dwetɛbona a ɔnoara nye gera eduonu. 17Na ɔnantwi abakan, anaa apɔnkye abakan dze, mma mmpon; wɔyɛ krɔnkrɔn: fa hɔn bɔgyaa no petse afɔrmbukyia no do, na hyew hɔn seradze yɛ ogya afɔr a oyi nka huanhuam ma EWURADZE. 18Na hɔn nam nyɛ wodze, dɛ mbrɛ ohim nyan nye aserɛ nyimfa no yɛ wodze no. 19Ndzɛmba krɔnkrɔn mu ɔmado afɔr nyinara a Israelmba dze brɛ EWURADZE no, medze mama ɔwo, nye wo mbabanyin, nye wo mbabaa a wɔka wo ho no, dɛ daa ahyɛdze: ɔyɛ EWURADZE enyim daa nkyen ahyɛmu dze ma ɔwo nye w’asefo a wɔka wo ho no. 20Na EWURADZE see Aaron dɛ, Mma nnya egyapadze wɔ hɔn asaase mu, nkyii so mma nnya kyɛfa bi wɔ hɔn mu: emi nye wo kyɛfa nye w’egyapadze wɔ Israelmba mu.
21Na Levimba no dze, hwɛ, medze Israel mu ebupɛn du du nyinara ama hɔn dɛ egyapadze, ahyɛ hɔn som a wɔsom no ananmu, mekyerɛ ehyiadzibuw no ho ɔsom no a. 22Na ɔdzekɔr yi mma Israelmba no mmba ehyiadzibuw no ho, bɛyɛ na wɔasoa bɔn, na woewuwu. 23Na Levifo no dze wɔnyɛ ehyiadzibuw no ho ɔsom edwuma, na wɔnsoa no ho mbusu: ɔnyɛ daa ahyɛdze wɔ hom ebusuasantsen nyina mu, na Israelmba mu dze worinnya egyapadze. 24Na Israelmba ebupɛn du du a wɔdze ma dɛ ɔmado afɔr ma EWURADZE no, medze ama Levifo no dɛ egyapadze: dɛm ntsi na mase hɔn dɛ, Israelmba mu dze worinnya egyapadze no.
25Na EWURADZE kasaa kyerɛɛ Moses dɛ, 26Afei so kasa kyerɛ Levifo no, na se hɔn dɛ, Sɛ hom regyegye Israelmba no hɔ ebupɛn du du no a medze fi hɔn hɔ ama hom dɛ hom egyapadze no a, ɔno hom mfa no mu ebupɛn du du mu ebupɛn du nyɛ no ɔmado afɔr mma EWURADZE. 27Na wombu hom ɔmado afɔr mma hom dɛ ewuporoweebea eburow, nye wenyintwer mayɛ. 28Dɛm na hom so mbɔ ɔmado afɔr mma EWURADZE wɔ hom ebupɛn du du a, hom gyegye no wɔ Israelmba hɔ nyinara mu; na hom mfa no mu EWURADZE ɔmado afɔr no mma ɔsɔfo Aaron. 29Hom akyɛdze nyinara mu na hom mfa mu EWURADZE ɔmado afɔr biara mbra, no mu papa nyinara, mekyerɛ no mu adzekrɔnkrɔn no. 30Dɛm ntsi se hɔn dɛ, Sɛ hom rema no mu papa no do a, ɔno wombu mma Levifo no dɛ ewuporoweebea ndɔree, nye wenyintwer ndɔree. 31Na hom ndzi no beebiara, hom nye hom efifo: na ɔyɛ hom akatua a ɔhyɛ hom ehyiadzibuw ho ɔsom edwuma ananmu. 32Na sɛ hom ma no mu papa no do a, hom ronnsoa bɔn bi wɔ ne ntsi: na mma hom nnhura Israelmba adzekrɔnkrɔn ho, mma hom eennwuwu.
Currently Selected:
Nkanee 18: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.