THAMA 20

1Nake Ngai akĩaria mohoro maya mothe, akiuga atĩrĩ, 2Niĩ nĩ niĩ Jehova Ngai waku ũrĩa wakũrutire bũrũri wa Misiri, o nyũmba-inĩ ya ũkombo.

3Ndũkanagĩe na ngai ingĩ tiga niĩ.

4 # Thama 34.17; Alaw 19.4; 26.1; Gũcok 4.15-18; 27.15. Ndũkanethondekere mũhianano mwacũhie, kana mũhianĩre wa kĩndũ o gĩothe gĩĩ kũrĩa igũrũ, kana wa kĩndũ gĩĩ gũkũ thĩ, kana wa kĩndũ kĩĩ maĩ-inĩ marĩa me mũhuro wa thĩ; 5#Thama 34.6,7; Ndar 14.18; Gũcok 7.9,10.ndũkanaciinamĩrĩre kana ũcitungatĩre; nĩ gũkorũo niĩ Jehova Ngai waku ndĩ Ngai wĩ ũiru, ngakinyĩria ciana waganu wa maithe, nginya rũciaro rũa gatatũ na rũa kana rũa andũ arĩa ma’thũire; 6na ngaiguĩra andũ ngiri na ngiri tha, o arĩa manyendete na makaigua maathani makwa.

7 # Alaw 19.12. Ndũkanagwete rĩĩtwa rĩa Jehova Ngai waku na itherũ, nĩ gũkorũo Jehova ndakoiga atĩ mũndũ ndehĩtie ũrĩa ũgwetaga rĩĩtwa rĩake na itherũ.

8 # Thama 16.23-30; 31.12-14. Ririkanaga mũthenya wa thabatũ ũwamũrage. 9#Thama 23.12; 31.15; 34.21; 35.2; Alaw 23.3.Rutaga wĩra mĩthenya ĩtandatũ, ũgeka maũndũ maku mothe; 10no mũthenya wa mũgwanja nĩ thabatũ ya Jehova Ngai waku; mũthenya ũcio ndũkanarute wĩra o na ũrĩkũ, wee mwene, kana mũrũguo, kana mwarĩguo, kana ndungata yaku ya mũndũ mũrũme, kana ya mũndũ-wa-nja, kana ũhiũ waku, kana mũgeni ũrĩa ũrĩ gwaku mũciĩ; 11#Kĩam 2.1-3; Thama 31.17.nĩ gũkorũo Jehova ombire igũrũ na thĩ, na iria rĩrĩa rĩnene, o na indo ciothe iria irĩ kuo mĩthenya ĩtandatũ; akĩhurũka mũthenya wa mũgwanja; nĩ ũndũ ũcio Jehova akĩrathima mũthenya ũcio wa thabatũ, akĩwamũra.

12 # Gũcok 27.16; Mat 15.4; 19.19; Mar 7.10; 10.19; Luk 18.20; Ef 6.2; Ef 6.3. Tĩa thoguo na nyũkwa, nĩguo matukũ maku maingĩhe ma gũtũũra bũrũri ũrĩa ũheetwo nĩ Jehova Ngai waku.

13 # Kĩam 9.6; Alaw 24.17; Mat 5.21; 19.18; Mar 10.19; Luk 18.20; Rom 13.9; Jak 2.11. Ndũkanoragane.

14 # Alaw 20.10; Mat 5.27; 19.18; Mar 10.19; Luk 18.20; Rom 13.9; Jak 2.11. Ndũkanatharanie.

15 # Alaw 19.11; Mat 19.18; Mar 10.19; Luk 18.20; Rom 13.9. Ndũkanaiye.

16 # Thama 23.1; Mat 19.18; Mar 10.19; Luk 18.20. Ndũkanaigĩrĩre mũndũ ũrĩa ũngĩ kĩgenyo.

17 # Rom 7.7; 13.9. Ndũkanacumĩkĩre nyũmba ya mũndũ ũrĩa ũngĩ, ndũkanacumĩkĩre mũka wa mũndũ ũrĩa ũngĩ, kana ũcumĩkĩre ndungata yake ya mũndũ mũrũme kana ya mũndũ-wa-nja, kana ndegwa yake, kana ndigiri yake, o na kana kĩndũ gĩake gĩothe.

18 # Ahib 12.18,19. Na rĩrĩ, andũ arĩa othe maarĩ ho makĩigua ngwa ikĩgamba, na makĩona heni, o na makĩigua mũgambo wa coro ũkĩgamba; ningĩ makĩona kĩrĩma kĩu gĩgĩtoga ndogo; na mona maũndũ macio, makĩinaina, magĩthenga hau makĩrũgama haraya. 19Magĩkĩĩra Musa atĩrĩ, Aragia na ithuĩ arĩ wee, na nĩtũkũigua, no Ngai nĩagĩtige kwaria na ithuĩ tũtigakue. 20Nake Musa akĩĩra andũ atĩrĩ, Tigai gwĩtigĩra; nĩ gũkorũo Ngai nĩ gũũka okĩte kũmũgeria, na atĩ ũhoro wake wa ũrĩa etigagĩrũo ũmũkore, mũtikehie. 21Nao andũ acio magĩkĩrũgama haraya, nake Musa agĩkuhĩhĩria nduma-inĩ ĩrĩa ndumanu harĩa Ngai aarĩ.

22Nake Jehova akĩĩra Musa atĩrĩ, Ũyũ nĩguo ũhoro ũrĩa ũkwĩra ciana cia Isiraeli, atĩrĩ, Inyuĩ inyuene nĩmwĩoneire atĩ nĩ niĩ njarĩtie na inyuĩ ndĩ o igũrũ. 23Mũtikanathondeke ngai ingĩ cia kũhoyanĩrio na niĩ, ngai cia betha, o na kana ngai cia thahabu; mũtikanaciĩthondekere o na atĩa. 24’Thondekagĩra kĩgongona ũgĩake na tĩri, na ũrutagĩre igũrũ rĩakĩo mahaki maku ma njino o na magongona ma ũiguano, ma ndũrũme ciaku, o na ndegwa ciaku; o na ningĩ atĩrĩ, kũndũ kũrĩa guothe ndĩrĩtũmaga rĩĩtwa rĩakwa rĩririkanagĩrũo-rĩ, kũu nĩkuo ndĩrĩmũkoraga, na nĩndĩrĩmũrathimaga. 25#Gũcok 27.5-7; Josh 8.31.O na ũngĩkorũo nĩũkanjakĩra kĩgongona na mahiga-rĩ, ndũkanagĩake na mahiga maicũhie; nĩ ũndũ-rĩ, ũngĩkĩrutĩra wĩra na gĩacũhia ũgĩgĩaka-rĩ, nĩũgakĩgwatia thahu. 26Ningĩ-rĩ, ndũkanahaice kĩgongona-inĩ gĩakwa na ngaathĩ, nĩ getha ndũkonwo ta wĩ njaga wĩ ho.

Currently Selected:

THAMA 20: OGKBIBLE

Highlight

Compare

Copy