MAŨNDŨ MA ALAWII 2
2
1Na rĩrĩ, hĩndĩ ĩrĩa mũndũ o na ũrĩkũ egũtwarĩra Jehova kĩndũ gĩa kũruta kĩa ihaki rĩa mũtu-rĩ, kĩndũ gĩake gĩa kũruta gĩgatuĩka mũtu mũhinyu mũno; na aũitĩrĩrie maguta, na awĩkĩre ubani; 2acoke aũtwarĩre ariũ a Haruni acio athĩnjĩri-Ngai; naguo mũtu ũcio mũhinyu mũno mũthĩnjĩri-Ngai awĩrũmĩre rũhĩ rũgima hamwe na maguta maguo, o na ubani ũrĩa ũrĩ ho wothe, acicinĩre kĩgongona-inĩ kĩu igũrũ ituĩke ũndũ wa gũtũma andũ maririkanwo nĩ Jehova; rĩu nĩrĩo ihaki rĩa gũcinwo na mwaki, rĩa gũtũma mũtararĩko ũrĩa ũnungaga wega ũiguwo nĩ Jehova; 3nakĩo kĩrĩa gĩgũtigara kĩa ihaki rĩu rĩa mũtu gĩtuĩke kĩa Haruni na ariũ ake; kĩu nĩ gĩtheru mũno kuona atĩ kiumĩte mahaki-inĩ marĩa macinĩirũo Jehova na mwaki.
4Na rĩrĩ, hĩndĩ ĩrĩa ũgũtwara kĩndũ gĩa kũruta kĩa ihaki rĩa mũtu, na gĩkorũo kĩhĩhĩirio ndumbĩrĩra-inĩ-rĩ, gĩgatuĩka mũgate ũtarĩ mũimbie wa mũtu mũhinyu mũno ũkimanĩtio na maguta, kana gĩtuĩke tũmĩgate tũhũthũ tũtarĩ tũimbie tũhakĩtwo maguta. 5Na rĩrĩ, kĩndũ gĩaku kĩrĩa ũkũruta kĩa ihaki rĩa mũtu kĩngĩkorũo nĩ mũgate ũrugĩtwo na mũkebe-rĩ, mũgate ũcio ũgathondekwo na mũtu mũhinyu mũno, na ndũimbio, na ũkorũo ũtukanĩtio na maguta. 6Ũgakĩwenyũranga cienyũ, ũciitĩrĩrie maguta. Rĩu nĩrĩo ihaki rĩa mũtu. 7Na rĩrĩ, kĩndũ gĩaku gĩa kũruta kĩa ihaki rĩa mũtu kĩngĩkorũo nĩ mũgate ũkarangĩtwo na rũgĩo-rĩ, gĩgathondekwo kĩa mũtu mũhinyu mũno, ũkimanĩtio na maguta. 8Narĩo ihaki rĩu rĩa mũtu rĩthondeketwo mĩthemba ĩo rĩtwarĩrũo Jehova; nakĩo kĩndũ kĩu gĩtwarũo kĩigwo harĩ mũthĩnjĩri-Ngai, nake agĩtware kĩgongona-inĩ. 9Nake mũthĩnjĩri-Ngai acoke oe mĩgate ĩmwe ya ihaki rĩu rĩa mũtu ya gũtũma andũ maririkanwo nĩ Jehova, amĩcinĩre kĩgongona-inĩ kĩu igũrũ; rĩu nĩrĩo ihaki rĩa gũcinwo na mwaki rĩa gũtũma mũtararĩko ũrĩa ũnungaga wega ũiguwo nĩ Jehova. 10Nakĩo kĩrĩa kĩrĩtigara kĩa ihaki rĩu rĩa mũtu gĩtuĩke kĩa Haruni na ariũ ake; kĩu nĩ gĩtheru mũno kuona atĩ kiumĩte mahaki-inĩ marĩa macinĩirũo Jehova na mwaki. 11Gũtirĩ ihaki rĩa mũtu wa mũthemba o na ũrĩkũ mũkarutĩra Jehova wĩ mwĩkĩre ndawa ya kũimbia; nĩ gũkorũo mũtigacina ndawa ya kũimbia mĩgate o na atĩa, o na kana ũũkĩ, atĩ nĩguo ituĩke ihaki rĩa gũcinĩrũo Jehova na mwaki. 12Indo icio mũgacirutĩra Jehova mũkĩruta maciaro ma mbere; no rĩrĩ, itikanatwarũo kĩgongona-inĩ igũrũ ituĩtwo cia mũtararĩko ũrĩa ũnungaga wega. 13Ningĩ kĩndũ kĩrĩa gĩothe ũkũruta kĩa ihaki rĩa mũtu ũgĩĩkagĩre cumbĩ; o na ndũkanareke cumbĩ wa kĩrĩkanĩro kĩa Ngai waku wage ihaki-inĩ rĩaku rĩa mũtu; ningĩ indo ciaku ciothe iria ũkũruta, ũcirutanagĩrie na cumbĩ.
14Na rĩrĩ, ũngĩkorũo ũkũrutĩra Jehova ihaki rĩa mũtu na ũkorũo nĩ wa irio cia maciaro ma mbere-rĩ, nĩũkaruta ngano hĩhie na mwaki ĩrĩ magira-inĩ mayo, ĩtuĩke ihaki rĩa mũtu ũrĩa ũrutĩtwo wa indo ciaku cia maciaro ma mbere, nayo ĩtuĩke ngano ya mũgethano itumbũrĩtwo ĩrĩ o magira-inĩ mayo. 15Na ũgekĩra maguta igũrũ rĩayo; ũcoke ũmĩigĩrĩre ubani igũrũ rĩayo; rĩu nĩrĩo ihaki rĩa mũtu. 16Nake mũthĩnjĩri-Ngai agacina ngano ĩmwe ĩtumbũrĩtwo, o na maguta mamwe, hamwe na ubani wothe, cia gũtũma andũ maririkanwo nĩ Jehova; rĩu nĩrĩo ihaki rĩa gũcinĩrũo Jehova na mwaki.
Currently Selected:
MAŨNDŨ MA ALAWII 2: OGKBIBLE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019