Matye 19
19
Liloonji li Yeesu mu n'fwiilulu likweelë
(Mak 10.1-12)
1Bunë Yeesu kwamani kuvaanë mëloonji mamoomë, naandi kubotukë fë n'toto Ngalilee i wusë kweendë ku libweeti li Zudee, ku lweeku lum'mesë lu mwiilë Yulëdaanu#19.1 lweeku lum'mesë lu mwiilë Yulëdaanu: ku mëselukulu më ntaangu. . 2Sinkoongë sinenë siye n'laandaangë i naandi wusë belusi bibeedo. 3Mwa Sifalisyaanu kum'belëmë mu kun'seengë n'timë. Baawu kun'yufulë : « Buni, n'kaakiitu wun'vaanë libakëlë n'swa wukubotulilë n'kasyaandi mu yosuku ntoondwe? » 4Yeesu kuvutulë : « Abu beeno lusye taangë kwe linë lisonëmë? “Fë ntonunu yi buloongo, N'vaanji wuvaangë, libakëlë i n'cyeetu#19.4 Ntn 1.17;5.2..” 5Naandi kutubë : Mu lyaawu, libakëlë wum'biikë tataandi i mamaandi i wum'bundënë yimunë n'kasyaandi. Babë bwaali bëm'ba muutu mweekë#19.5 Ntn 1.27; 2.24.. 6Bwa boobo, bësyeeli ko baatu bwaali, vandi muutu mweekë. Keelë muutu kukabulë aba Nzaambi kwabuundë. » 7Sifalisyaanu kun'yufulë : « Cibilë-mbici Moyiizë wuvandikë n'swa ke libakëlë mu kutambikë n'kaandë ke n'kasyaandi mu kuvondilë likweelë i kum'botule#19.7 Det 24.1; Mat 5.31.? » 8Yeesu wuvutulë : « Moyiizë wuluvesuninë n'swa wukuvondilë likweelë mu cibilë mitimiinu yikafëkënë, kasi fë ntonunu, busye beeli boobo ko. » 9Miinu yilukaambë : « Wunë wum'botulë n'kasyaandi be kaambu kuvaalë#19.9 mu kumonë n'kasyaandi wusye vaalë ko. 5.32. i wun'kweelë wun'ka, naandi wavaalë. »
10« Ningë boobo bwa bukelili mu libakëlë yimunë n'kasi, mëyoolë kuleembu kukweelë! » 11Yeesu wusë bëvutulilë : « Bëbakëlë booso bëkeeli yi mëkanë më kubakulilë liloonji olyo, kasi tokë ke banë Nzaambi kun'vaanë mëkanë. 12Licyelikë baatu bëmesë bëkeeli ko n'viingu bubakëlë kutoonë fanë lubutu lwaawu, bën'ka bëbëbotulë likanë ke baatu, bëmesë mu cibilë ci Lwaangu lu mëyilu. Wunë wum'podi kuvitikë mëloonji omo, kwe mëvitikë! »
Yeesu wasakumë bibabanë
(Mak 10.13-16; Lik 18.15-17)
13Oboobo, baatu bisë natë bibabanë kuke Yeesu bwiinji kubëtetikë myooko i kubësambilë, kasi bilaanzi bisë bëfuungë. 14Yeesu wusë tubë : « Bikaanu bibabanë biisë ke miinu! Lubëfuunjyaanu ko, cibilë Lwaangu lu mëyilu luke dedë mweekë baawu#19.14 18.3-5.. » 15Bunë kwabëtetikë myooko, naandi wusë botukë foofë.
Cilesi bakëlë ci cisinë
(Mak 10.17-31; Lik 18.18-30)
16Libakëlë limweekë lisë m'belëmë i kun'yufulë : « A N'loonji, liboti mbici yifwenikini kuvaangë mu kubakë luziingu lu sakë yi sakë? » 17Yeesu wusë n'kaambë : « Cibilë-mbici wulë mu kun'yufulilë mu linë lin'talë liboti? Wumweekë to wumboti. Ningë njeeyi wun'toombë kukotë mu luziingu lu sakë yi sakë, cinzikë tutumu. » 18« Tutumu mbici? » Naandi wusë vutulë : « Kuvoondë ve. Kuvaalë ve. Kwiibë ve. Bumbaanji bu lupuutu kuvaangë ve. 19Cinzikë tataaku i mamaaku, zolë mbasyaaku bo wuyizolili njeveekë#19.19 Lub 20.12-16; Det 5.16-20; Lev 19.18.. » 20Cilesi bakëlë kun'kaambë : « Makë mooso omo yimësalilaangë, mbici yim'podi kuvangooso? » 21Yeesu kun'vutulilë : « Ningë wun'vwa n'ciinzë kuba wulyoomë#19.21 5.48., yeendë, ye sumbisi byosuku wubakisi i we vaani simboongo ke biyeembi, oboobo, njeeyi wum'bakë businë bu mëyilu. Kumanoofo, yiisë, n'daandi fë mbusë. » 22Kwayuwu bikumë obyo, cilesi bakëlë ke yendaangë. Cyuundë kun'kotilë, cibilë wabë yi mpaapë businë.
23Yeesu kukaambë bilaanzi byaandi : « Licyelikë yilukaambë : butudë beenë ke cisinë mu kukotë ku Lwaangu lu mëyilu. 24Yilukaambooso : mwiinji kuleengë ke cibulu bën'teelë samo mu kuvyokilë fë livulu li ntuumbu, yi cisinë mu kukotë ku Lwaangu lu Nzaambi. » 25Bilaanzi bunë bayuwu bikumë obyo, bisë bwa libobo i bisë tubë : « Mu lyaawu nani wum'podi kuvuukee? » 26Yeesu kubëtalë i wusë bëkaambë : « Lyaawu olyo mëvangulu mpa ke baatu, kasi ke Nzaambi, litudë likeeli ko. » 27Oboobo Pyeelë wusë n'kaambë : « Tala, beeso twavubikë byakë byooso binë tubakë i twakulaandë fë mbusë. Buni lim'beelë mu beeswe? » 28Yeesu kubëvutulilë : « Licyelikë yilukaambë, mu buloongo bumoonë#19.28 Dan 7.14., bunë Mwaanë muutu wun'kalilë fë ntaanzyaandi yi bumpumu, beeno yiviinu lum'byaalë fë kuumi ntaanji wali mu kufundisi likuumi li mëkomo më mwaali më Islayeelë. 29Wosuku wun'vubikë binë kubakë, mu cibilë ci lizinë lyaami : keti n'zwaandi, baanë baandi bë nguli bëbakëlë i bëcyeetu, tataandi, mamaandi, baanë baandi, kaambofo sisolë syaandi, wun'tambulë fë nkamë li vyaasi i wum'byalilë moonyi wu sakë yi sakë. 30Mpaapë mu banë bëke fë ntwaalë, bëm'ba mbusë i mpaapë mu banë bëke fë mbusë bëm'ba fë ntwaalë. »
Currently Selected:
Matye 19: NTVIL
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
