Okuruga 20
20
Emihango ikumi
(Obw 5:1-21)
1Ruhanga agamba ebi byona ati, 2“Ninye Omukama Ruhanga wawe, ayakwihire omu nsi ya Misiri, omu bwiru.”
3“Otaligira baruhanga bandi atali inye.”
4“Otalibaija kishushani anga kukora kishushani kyona eky'ekintu kyona kyona eky'omw'iguru anga eky'omu nsi anga eky'omu maizi okuzimu. 5Otalibibandamira anga kubifukamira, aha rw'okuba inye Omukama Ruhanga wawe mba Ruhanga ow'eibuba, mbonabonyia abannoba na baijukuru babo kuhika aha muzarwa gwa kashatu n'ogwa kanai. 6Kyonkai abangonza bakahikya emihango yange mbagilira ekisha kuhika aha mizarwa enkumi n'enkumi.”
7“Otaligamba bushai ibara ly'Omukama Ruhanga wawe, ahakuba Omukama taliburwa kumukwata mushango agamba bushai eibaralye.”
8“Ijuka ekiro kya Sabato, oyekomye okwo kili kitakatifu. 9Ebiro mukaga ochwaziike, okore emilimo yawe yona; 10kyonkai ekiro kya mushanju ni Sabato y'Omukama Ruhanga wawe; otaligikoleramu mulimo gwona gwona, yaba iwe anga mutabani wawe, anga muhara wawe, omwiru wawe anga omuzana wawe, anga ekitunganwa kyawe, anga omunyamahanga ali omwawe. 11Inye Omukama eiguru n'ensi, enyanja na byona ebigilimu, nkabitonda omu biro mukaga aha kiro kya mushanju nahumura. Aha rw'ekyo ekiro kya mushanju nkakiha omugisha nakihindura kitakatifu.”
12Okunire sho na nyoko, nirwo olirora ebiro birai omu nsi ey'Omukama Ruhanga wawe alikukuha.
13“Otalita.
14“Otalisiyana.
15“Otaliba.
16“Otalijulira bishuba ahali mutahi wawe.
17“Otalyegomba nju ya mutahi wawe; anga mukaziwe, anga mwiruwe, anga muzanawe, anga nteye, anga ndogobeye, anga ekintu kyona kyona ekilikye.”
18Aho orwo abantu bahuliire okusharuka kw'enkuba, enzamba zikajuga bakabona endabyo zarabya, n'eibanga lyachunka omwika, batina bachundwa. Bemelera harai, 19bagambira Musa bati, “Iwe otugambire, turahulira, Ruhanga atatugambira tukafa.” 20Musa abagambira ati, “Mutatiina; Ruhanga yaija kubalenga, nirwo muliikara mumutinire, mutalija mukafakara.”
Amateka ga ealutare
21Orwo Musa alikugoba omwilima elindindi ogwo Ruhanga yabaire alimu abantu bemelera harai. 22Omukama amugambira ati, “Ogambire Abaisiraeli oti, ‘Mwayebonera okwo inye Omukama nafumora na inywe nyemire omw'iguru. 23Mutalinfukamira kandi mukashuba mukakora na baruhanga ab'efeza anga ab'ezahabu. 24Munyombekere ealutare y'eitaka mube niyo muntambiliraho ebihongo by'okwokibwa n'eby'emilembe, entama zanyu n'ente zanyu. Hona mbali ndikuronka kamuba niho munfukamira ndaijagaho mbahe omugisha. 25Kandi k'olinyombekera ealutare y'amabare otaligyombekesa mabare gabaizire; kuba k'oligateraho enyondo oliba ogihagaize. 26Mara otalinyombekera ealutare okagitaho ngazi; k'oligitaho engazi, aha kuzitemba wakwija ojuulira ealutare egyo!’
Currently Selected:
Okuruga 20: RHAY01
Highlight
Share
Compare
Copy
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
