MI ÑAMA 15
15
1Lanwani Musa leni Isalele yaaba den yini yaa yanbu n tie na Li Miali Diedo po. Bi den yedi:
«N baa yiini ki kpiagi Li Miali Diedo kelima o bili o jama.
O den luni o taamo leni yua jagi o mi ñincianma nni.#Doa 15.3
2Li Miali Diedo n tie n fidu leni min baa pagi yua
Wani n tie n *faabima.
O tie n Tienu, n baa jigini o.
O tie n baa yaa Tienu, n baa kpiagi o.#Pis 118.14; Esa 12.2
3Li Miali Diedo tie jakoando.
O yeli yi Li Miali Diedo.
4O den luni *Falono yaa teliti
Leni o toatieba kuli mi ñincianmoanma nni,
O toatieba wan jigini yaaba ñuagi mi ñincianma nni.
A ñingola den milini ba.
5Bi den tingi mi ñima nni nani a tana yeni
Ke a ñingola milini ba.
6Li Miali Diedo, a nijienu paalu ki pia lie,
Li Miali Diedo, a jienu mudi a yibalinba cain.
7Kelima a kpiagiciandi n yaba maama yaa po,
A guli a yibalinba,
A den cedi ke a pali beni ki buoni ba nani ti muadi yeni.
8Leni a miani fawaama bebe mi ñima den dogini miba.
Mi ñima den dogini ki se nani li guonli yeni.
A ñingola den juagi mi ñincianma siiga.
9Ti yibali den yedi:
‹N baa deli ki cuo ba ki boagidi ti fagidi hali ki guo.
N baa noadi n jugisiega ki bolini ba.›
10A go den piebi a fuoma ke mi ñincianma den milini ba.
Bi den mia nani ti noabindi yeni hali mi ñima tiipo.
11O, Li Miali Diedo, o laa *bulo n baa fidi
Ki niagi leni a i buli kuli siiga?
Ŋme ye ki naani leni fini yua yaa gagidiŋanma n kaa pia lie?
Li pundi ban jie ŋa ki go pagi fini yua n tiendi mi bancianma.
12A den tandi a nijienu ke ki tinga nali ba.
13Kelima a *ŋanbili yaa po,
A den gobidi ki go faabi bi naa niba,
A gedini ba kelima a paaciamu po
Ke ban teli a yekaanu yu n gagidi ki ŋani po.
14Yaa nibuoli n lindi bandi laa bonla ki digibi
Ti jawaanciandi cuo Filisiti yaaba.
15Edomi yaa badiba ye leni i jeje,
Mi digibima cuo Moabi yaa jakoanda kuli,
Kanana yaaba kuli jigi cie.
16I jeje leni ti jawaandi baa cuo ba.
A buagu paalu baa teni ban tua muula nani li tanli yeni
Bi kan fidi ki tieni liba kuli hali a niba n baa pendi,
Ŋan faabi yaa niba yeni.
17Li Miali Diedo, a baa gedini ba ki ban kaani ba a faali juali po.
Ŋan den ŋanbi yaa kaanu ke li tua a deni yeni
A nii n den ŋanbi yaa *kaangagidiŋamu po.
18Li Miali Diedo baa kaa ti gbandi po
Hali yaa yogunu n ki pia bianu.»
19Falono yaa taami leni o teliti leni o tandanba den kua mi ñincianma nni. Ama Li Miali Diedo den teni ke mi ñincianma yaa ñima daani bipo. Ama Isalele yaaba den cuoni mi ñincianma siiga ke bi taana kuoni cain.
20Miliyami Alono naataanpuoga yua den tie o sawalipualo den taa ki gangaaga ki kubi ga o nuu nni. Bi puoba kuli den ŋua o puoli ki moko kubi mu gangaamu ki jeli ki ciaga. 21Miliyami den gaani Isalele yaaba po bi yani ki yedi: «Yiini mani Li Miali Diedo po kelima o den teni ke o kpiagidi yeli ñani. O den luni o taamo leni yua jagi o mi ñincianma nni.»
Mala ñima
22Musa den teni ke Isalele yaaba fii ki ŋa mi ñincianmoanma. Bi den teli Sula yaa fanpienma nni. Ban den cuoni dana taa yaa cenli banlu mi fanpienma nni baa go den laa mi ñima. 23Bi den pundi Mala, ama baa den fidi ki ñuni Mala ñima kelima mi den to. Lani yaa po yo ke bi yi laa kaanu Mala, yaala n bundi “U tonu.” 24Bi niba den yenbidi Musa po ki yedi: «Ti baa ño be?» 25Musa den kpaani ki mia Li Miali Diedo todima. Li Miali Diedo den waani daaguba ke Musa den luni gu mi ñima nni. Mi ñima den tua ñinŋanma. Lankane ke Li Miali Diedo den puni bi niba li *balimaama leni a ñoabona ki biigi ba. 26O den yedi: «Yi yaa cengi Li Miali Diedo yi Tienu maama bonŋanla, yi yaa tieni yaala n tiegi o nintuali, yi yaa diadi yi tuba ki cengi o balimaama ki go tieni o mabilikaama kuli, n kan pua yi leni min den pua Ejipiti yaaba leni yaa yiani kuli. Kelima n tie Li Miali Diedo yua paagidi a.»
27Bi den pundi Elima, naankani n den pia piiga n ñinbuna lie leni kpakpalidi piilele. Bi den jiidi ki kali lankani ki kuu leni mi ñima.
Mana leni a ñinkpakpala
Currently Selected:
MI ÑAMA 15: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
