MI ÑAMA 16
16
1Isalele yaaba nitaanli kuli den fii Elima ki pundi Sini yaa fanpienma yaama n ye Elima leni Sinayi yaa siiga. Li den tie ban den ñani Ejipiti diema nni ŋmaalo leni piiga n dana muu. 2Isalele niba kuli den yenbidi mi fanpienma nni Musa leni Alono po. 3Isalele yaaba den yedi ba: «Li Miali Diedo yaa den cedi ke ti kpe Ejipiti diema nni tin den kaa ki kuu leni a nanboba yaa yogunu ki go ŋmani dupen ki guodi laa den tu? Kelima yi cuani ti mi naa fanpienma nni ki bua ki teni ku naa niligu kuli n kpe mi koma.»
4Li Miali Diedo den yedi Musa: «Diidi n baa teni mi jiema n ña tanpoli po ki mii yipo. Bi niba baa ña daali kuli ki yaa wuo yaala n dagidi ke n baa biigi ba yeni ki le bi yaa baa cuoni nani n *bali maama n tie maama, bi bi yaa kan yaa cuoni yeni.#Jan 6.31 5Li daluobili bi yaa ŋanbi ban den wodi yaala, bi baa sua ke li cie ban den wuo yaala daali kuli po taalima lie.»
6Musa leni Alono den yedi Isalele yaaba kuli: «Dinla ku yenjuogu yi baa bandi ke Li Miali Diedo n tie yua n ñani yi Ejipiti diema nni. 7Ku tiŋaagu yi baa le Li Miali Diedo yaa kpiagidi kelima o gbadi yi yenbidi, yin yenbidi maama opo. Timo tie ŋmenba ke yi baa yenbidi tipo?» 8Musa den yedi: «Li Miali Diedo baa pa yi ti nandi yin ŋmani ku yenjuogu ki go pa yi dupen ku tiŋaagu yin ŋmani ki guo kelima Li Miali Diedo gbadi yin den yenbidi opo yaa yenbidi kelima timo tie ŋmenba? Laa tie tinba yaa po kaa ke yi yenbidi, li tie Li Miali Diedo po yo.»
9Musa den yedi Alono: «Yedi Isalele yaaba nitaana kuli: Yin nagini mani Li Miali Diedo nintuali, kelima o gbadi yi yenbidi.» 10Alono n da den maadi yaa yogunu leni Isalele yaaba nitaana kuli, bi den gbegi ki diidi mi fanpienma nni ki laa ke Li Miali Diedo kpiagidi doagidi ku tawaligu nni. 11Li Miali Diedo den maadi leni Musa ki yedi o: 12«N gbadi Isalele yaaba yenbidi: Ŋan yedi ba: Dinla yaa yenjuogu yi baa ŋmani ti nandi, ku tiŋaagu mo yi baa ŋmani dupen ki guo, yeni, yi baa bandi ke n tie Li Miali Diedo yi Tienu.» 13Ku yenjuogu a ñinkpakpala den cua ki pini li nagili, ku tiŋaagu mo ku mangu den loni ki lindi li nagili kuli. 14Laa mangu n den yoagi yaa yogunu bonla den bili mi fanpienma nni ki naani leni a tatana. 15Isalele yaaba den diidi ki yedi biyaba: «Line tie be?» Kelima baa den bandi lan tie yaala. Musa den yedi ba: «Li tie Li Miali Diedo n puni yaa dupen ke lan tua yi jiema.#1Kol 10.3 16Diidi Li Miali Diedo n den bili yaa ñoabonli: ‹Yua kuli n wodi yaala n pundi o jiema banlu ki biigi yaa *bonbiigikaala n yi *omela#16.16 Omela: Li tie bonbiigikaala mi bonbima po. O bua ki pundi nani litidi bonba naa. Omela bonba piiga n tie homeli. nilo kuli n biigi ki dagini o niba n de maama. Yua kuli baa wodi yaaba n ye o gbandieli nni yaa po.› »
17Isalele yaaba den tieni yeni ki wodi, bi tianba den wodi ke li yaba, bine mo den wodi waamu. 18Bi yaa wodi bi den yen biigi leni omela. Yua den wodi ke li yaba naa yen sua ke li kandi. Yua den wodi waamu moko naa den yen sua ke li poadi o. Yua kuli den wodi yaala n dagidi o jiema banlu.#2Kol 8.15
Yaa ñoabonbilikaana n ye mana po
19Musa den yedi ba: «Oba n da cedi lan sieni hali ku tiŋaagu.» 20Baa den cengi Musa n den yedi yaala. Bi nitianba den cedi ke li sieni hali ku tiŋaagu ama bi den sua ke li gbie leni a sidibila ki biidi cain. Musa pali den biidi leni ba. 21Tiŋaagu kuli yua kuli yen gedi ki wodi yaala n baa dagidi o jiema po ama u yienu yaa paagi, li yen nandi.
22Li daluobili bi den wodi mi jiema figilima lie, omela bonba lie nilo kuli po. Li nitaanli yudanba kuli den cua ki waani la Musa. 23Musa den yedi ba: «Li Miali Diedo bili laa ñoabonle: Saala tie mi *fuodima daali, yaa fuodima daali n gagidi ki ŋani Li Miali Diedo po: Yin puli yin bua ki puli yaala, ki ŋaani yin bua ki ŋaani yaala. Yaala n sieni kuli, yin bili hali ku tiŋaagu.»#Ñam 20.8-11 24Bi den sieni la hali ku tiŋaagu nani Musa n bili li ñoabonli maama ke li naa den biidi ki naa den pia a sidibila mo. 25Musa den yedi: «Yin je lani dinla kelima li tie U Tienu fuodima daali. Dinla yi kan le mi jiema i kuani nni. 26Dana luoba yin yaa wodi ma, ama li daleleeli, yaali n tie U Tienu fuodima daali pu kaa ye landaali.»
27Li daleleeli bi nitianba den ñani ki baa wodi mi jiema ama baa den laa pu kuli. 28Lani yaa po Li Miali Diedo den yedi Musa: «Yi baa yaa baa yiedi n ñoabonli leni n bali maama hali u laa yogunu ne? 29Tiadi mani ke Li Miali Diedo puni U Tienu fuodima daali, li tie lani yaa po yo ke o puni yi dana lie yaa jiema li daluobili daali. Yua kuli n yaa ka o kaanu, oba n da fii wan ye yaa kaanu li daleleeli daali.» 30Lanwani bi niba den fuo li daleleeli.
31Isalele yaaba den cili laa jiema yaa yeli *mana. Li den tie yaa bonbibu n pieni ki naani leni yaa lalaagu n pua leni ti siadi.#Coa 11.7-8
32Musa den yedi: «Diidi Li Miali Diedo n den bili yaa ñoabonli. Taa mani omela ki gbieni o leni mana ki kubi o yi yaabila po ke ban le min den teni ke yi di yaa jiema mi fanpienma nni min den ñani yi Ejipiti diema nni yaa yogunu.» 33Musa den yedi Alono: «Taa ki tadiga ki gbieni ga mana lan pundi omela yaa banlu ki bili ga Li Miali Diedo nintuali ki yaa kubi ga yi yaabila po.»#Ebl 9.4 34Alono den bili ga Siedi kpaku nintuali ke lan yaa ye ki da biidi nani Li Miali Diedo n den bili li ñoabonli Musa po maama yeni.
35Isalele yaaba den di mana hali bina piinaa banlu hali yaa yogunu ke bi den kua bi niba n ye yaa diema nni. Bi den di mana hali ki ban pundi Kanana diema banlu.#Jos 5.12 36Omela bonla piiga n tie yaa bonbiigikaala n yi *efa yendo.
Masa leni Meliba ñima
Currently Selected:
MI ÑAMA 16: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
