MI ÑAMA 17
17
1Isalele yaaba kuli den fii Sini yaa fanpienma nni ki cuoni nani Li Miali Diedo n den bili bipo li ñoabonli maama. Bi den jiidi Lefidima naankani ke mi ñinñokaama naa den ye bi niba po. 2Lanwani bi niba den cua ki cidi Musa li koanli. Bi den yedi: «Pa ti mi ñima tin ño.» Musa den yedi ba: «Be yaa po ke yi cidi nni li koanli? Be yaa po ke yi bigidi Li Miali Diedo yeni?» 3Bi niba den coagi ke u ñunñuunu den gbadi ba ke bi yenbidi Musa po. Bi den yedi: «Be yaa po ke a den teni ke ti ñani Ejipiti nni ki teni ke tinba leni ti bila leni ti yangola baa kpe u ñunñuunu?» 4Musa den kpaani ki yedi: «Li Miali Diedo, n baa tieni lede leni bi naa niba? Li poadi waamu bebe yo ban lugidi nni a tana.» 5Li Miali Diedo den yedi Musa: «Ga bi niba liiga, gandi Isalele nikpela ban yaa yegi leni a. Taa a gbiamu ŋan den pua u kpenciamu leni yu yeni ki yaa cuoni. 6Diidi n baa se a nintuali Holebi yaa tanciangu kani. A baa pua ku tanciangu ke mi ñima baa ña ku niinni bi niba n ño.» Musa den tieni yeni Isalele nikpeliba nintuali. 7O den yini laa kaanu Masa leni Meliba#17.7 Masa leni Meliba bundi mi tulinma leni li koanli. kelima Isalele yaaba den koani li koanli lankani. Bi den biigi Li Miali Diedo ki yedi: «Li Miali Diedo ye ti siiga bi waa ye yo?»
Amaleki yaaba baa Isalele yaaba bu toabu
8Amaleki yaaba den cua ki baa Isalele yaaba bu toabu Lefidima kani. 9Musa den yedi Josue: «Gandi bi niba ki gedi ki tuogi leni Amaleki yaaba. Saala n baa se li juali yuli po ki kubi U Tienu gbiamu n nuu nni.»
10Josue den tieni Musa n yedi o yaala kuli ki gedi ki tuogi bu toabu leni Amaleki yaaba. Musa leni Alono leni Huli den doni li juali yuli po. 11Yaa yogunu ke Musa den yuugi o nuu kuli, Isalele yaaba yaa paalu n den cie. Ama o yaa den jiini o nuu yaa yogunu Amaleki yaaba mo n den pia u paalu ki cie. 12Musa nii den kpiagi ke o coagi ke bi taa li tanli ki bili ke o kali lipo. Alono leni Huli den muubi o nii, niyendo den muubi nuyendu ke o yua mo muubi o nulielu. Lani n den teni ke o nii baa yuugi hali ke u yienu kua. 13Josue den pua Amaleki yaaba leni ki jugisiega ki paadi ba.
14Li Miali Diedo den yedi Musa: «Diani lankuli li tili nni ke yin yaa kubi laa bonla yaa tiadima. Go waani Josue ke n baa ñani Amaleki yaaba yaa tiadima ki tinga nni kuli.»#Tia 25.17-19; 1Sam 15.2-9
15Musa den maa li *padibinbinli. O den puni li li naa yeli: «Li Miali Diedo n tie n *tuudicabili.» 16O den yedi: «Nani Amaleki yaaba n tuo ki yugidi bi nii ki yie Li Miali Diedo yaa bali kalikaanu po maama, yeni moko Li Miali Diedo baa pia leni ba bu toabu nifiima n tu nifiima.»
Musa leni o cuadibaa Jetilo
Currently Selected:
MI ÑAMA 17: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
