MI ÑAMA 22
22
1Bi yaa pigini yua ke o moa ki bua kua ki su, ki pua o ke o kpe, tagiliba ki ye yua n ku o po. 2Ama li yaa sua ke u yienu pudi, i tagili baa yaa ye yua n ku o po. Ama li conconli yeni baa pa wan suni yua i panpaani, o yaa pia pu mo, bi baa kuadi o o subu po.
3Wan suni yaa nua, yaa ŋunbo bi yaa yanbiga da yaa baa fo, yin cuo o yaa yogunu, wan pa yaala ke o suni kuli taalima lie.
Yua n kua o lielo tagili nni
4Nilo yaa teni ke o yandi kua ki ŋmani o lielo duven tiidi, bi o kuanu, o panpaani n baa tie na: O kuanu n loni yaala ke li ŋani ki cie kuli leni duven tiidi bonluonkaala yaala n ŋani ki cie kuli.
5Fantama yaa sia ki ban kadini konkongu, mi yaa bolini *ŋalikama ban yendi yua bi yua da se leni o kankaga, bi kuanu, yua cuoni mi fantama yeni baa pa i panpaani.
6Nilo yaa piani o nisaalilielo ligi bi bonliba ke wan kubi opo. Bi yaa suni laa bonla ban piani yua yaa deni, bi yaa cuo li conconli yeni yaa yogunu o yaa suni yaala kuli o baa pa laa bonla figilima lie. 7Bi yaa bandi li conconli ku diegu daano baa cua U Tienu nintuali ki poli ke waa taa o nisaalilielo bonpiankaala.
8Maama yaa gali niba lie siiga ke li tie nua, bi ŋunbo, bi yanbiga, bi tialakaagu, bi yaa bonla n bia kuli ke baa yedi lani nne, yaaba yaa maama n gali yeni kuli baa gedi U Tienu nintuali. U Tienu yaa muni yua i moani yeni, wani n baa pa o nisaalilielo yaala n bi gali bi maama yeni figilima lie.
9O nilo yaa piani o nisaalilielo o ŋunbo, bi o nua, bi pebiga, bi lan tie yaa yanga kuli ke laa yanga kpe, bi ke ki poagili, bi ke bi suni ga ke niloba ki laa. 10Ban den piani yua yaala n bia yeni baa poli U Tienu yeli nni ke waa taa ban den piani o yaala. Yua n den piani o baa tuo li poli, lanwani ban den piani yua kan pa panpaani. 11Ama li yaa tie ke o lielo teni ke bi suni ki yanga o deni, o baa pa o bondaano ki panpaani. 12Li yaa tie ke moayanga n ŋmani laa yanga, o baa cuani yaala n sieni ban le lan tua siedi. Lanwani panpaaniba kuli ki ye opo ban ku yaa yanga yeni yaa po. 13Nilo yaa ledi yanga o nisaalilielo kani ke ki poagili, bi ke ki kpe ke o bondaano ki ye lienni, yua ledi ki yanga yeni baa pa ki panpaani. 14Ama li yaa sua ke ki yanga daano ye lienni panpaani kan yaa ye.
Mi yema leni mi jaanma bali maama
15O ja yaa banbi yaa *powandiali n daa pia togibaa, ki duani leni o, o baa pa o jafaano yeni baa i biidipanpaani, li yaa puoli o baa taa o wan tua o pua.#Tia 22.28-29 16O jafaano baa yaa yie ke o kan taa o, o baa pa yaa ligi n pundi ban baa pa yaa ligi powandiali po.
17Yin da ŋa yaa pua n tie ñoagidaano leni miali.#Tia 18.10-11 18Yua n taani leni yanga kuli yin kpa o.#Lef 18.23; 20.15-16; Tia 27.21 19Yua n padi a pada i *buli po ke laa tie Li Miali Diedo po kuli, yin kpa o.#Tia 17.2-7
20Yin da janbi ki waani o caano yua n kaa yi siiga fala, kelima yinba yiba den tie canbe Ejipiti diema nni.#Ñam 23.9; Lef 19.33-34; Tia 24.17-18; 27.19 21Yin da faligi kpepuoli bi kpienbiga. 22Yi yaa waani ba fala ke bi mua ki yini nni, n baa gbadi bi moe. 23N pali baa be hali boncianla min kpa yi leni ki jugisiega. Yi puoba baa tua kpepuona, yi bila mo n tua kpienbila.
24A yaa ledi n niba siiga niyendo i ligi, li yaa tie niñinnilo ke o ye leni a, ŋan da tie opo nani yaa pandanba n sieni yeni kaa. Ŋan da buali o ñuadi.#Lef 25.35-38; Tia 15.7-11; 23.19-20 25A nisaalilielo yaa ledi a kani, ke a ga o tialakaagu, a baa guani o cigu ke u yienu daa ba. 26Kelima o kpaligolikaabu kuli n yeni, lani n tie yaa tiagu bebe n maa opo, o baa ti pini be yo ki duani? O yaa tiani ki waani nni n baa gbadi kelima n gba mi niñima.#Tia 24.10-13
27Ŋan da soli U Tienu, ŋan da soli a diema bado moko.#JTT 23.5
28Ŋan da guudi lan waagi ki cuani n biinu a kpaandi nni, leni a duven tiidi bonluonkaala, a baa pa nni a bonjala siiga ki bonjakpiaga. 29A baa tieni yeni a yangbenga leni a yanbidi po moko. Ki bontonkpiaga baa tieni o naa kani dana lele li daniili ŋan taa ga ki pa nni. 30Yi baa yaa tie npo yaa niba n gagidi ki ŋani. Yin da ŋmani mani ki moayanga n ku yaa yanga. Yin taa laa nandi ki pa i sangbanli.#Lef 17.15
Li fangili a tadima po
Currently Selected:
MI ÑAMA 22: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
