MI ÑAMA 23
23
Li fangili a tadima po
1Ŋan da yadi yaa maama n ki tie moani. Ŋan da taani leni o nibiado ki tieni siedi tuofaama.#Ñam 20.16; Lef 19.11-12; Tia 5.20 2Ŋan da taani leni ku niligu ki tieni yaala n bia, ŋan da taani ti buudi yogunu bi niba n yaba naanpo ki tieni yaala n ki tiegi. 3Ŋan da taani o luodo po o buudi nni kelima o luo po.#Lef 19.15
4A yaa tuogi a yibali nua bi o ŋunbo ke o yaadi ŋan guani o opo. 5A yaa laa a yibali ŋunbo ke li tugili bua ki kpa o, ŋan da pendi ki ŋa o, ŋan sedi ki todi o wan tugidi o ŋunbo.#Tia 22.1-4
6Ŋan da tieni o luodo i janbi ki guli o buudi daali. 7Ŋan fangi a yuli leni yaa maama n ki tie moani. Ŋan da kpa yua n ki pia tagili bi o niteginka, kelima n kan saa moamoani o nibiado po.
8Ŋan da gaani li suuli kelima li suuli juandi bi nundanba, ki biandi bi niteginkaaba maama mo fanma.#Lef 19.15; Tia 16.19
9Ŋan da mabini o caano kelima yi bani o caano yema n tie maama, yinba yiba den tie canba Ejipiti diema nni.#Ñam 22.21; Lef 19.33-34; Tia 24.17-18; 27.19
Mi fuodima binli leni mi fuodima daali
10Ŋan tugini bina luoba ki buli a kuani nni ki taani a kpaandi. 11Ama li binleleeli a baa cedi ki tinga n fuo. Yi siiga nni a luoda baa cua lankane ki baa li bonjekaala. Bi yaa ŋa yaala ti moayandi mo baa je lani. Ŋan tieni yeni a duven tiidi leni *olifie tiidi kuli po.#Lef 25.1-7
12Dana luoba ŋan soani ŋan pia yaa tuona kuli. Ama li daleleeli daali ŋan fuodi, ki kpiagi *U Tienu fuodima daali ke a nua leni a ŋunbo mo n fuodi, yeni, a potuado bijua leni o caano mo n baa ki fuodi.#Ñam 20.10-11; 31.15; 34.21; 35.2; Lef 23.3; Tia 5.13-14
13Yin ŋoadi n ñoabona kuli bonŋanla. Yin da tiadi buliba kuli po, ban da gbadi bi maama yi ñoana nni.
Yin baa tiendi yaa jaanbuoli Isalele diema nni
14Li binli nni figilima taa ŋan tieni mi *jaanma n yeli yaa kpiagidi po.#Ñam 34.18-26; Tia 16.1-17 15Ŋan tieni yaa dupen n ki pia *dabinli jaanma hali dana lele, yaa yogunu n bili li binli nni laa bonla yaa po a dikala ŋmaalo yogunu. Ŋan je yaa dupen n ki pia dabinli nani min bili apo yaa ñoabonli yeni kelima laa ŋmaalo nne ke a ñani Ejipiti diema nni. Oba n da cua n kani leni nikuomi.#Ñam 12.14-20; Lef 23.6-8; Coa 28.17-25 16Ŋan jaani u jetaagu jaanma, a kpaandi bonluonka-kpiala leni ŋan buli yaala kuli u kuanu nni. Ŋan go jaani u jetaagu mo yaa jaanma li binli juodima, yaa yogunu ke a taani ŋan soani a kuani nni ki baa yaala.#Lef 23.15-21,39-43; Coa 28.26-31 17Li binli nni figilima taa, ja kuli n tu ja Isalele yaaba siiga baa cua Li Miali Diedo U Tienu nintuali.
18Ŋan da padi npo padili soama leni yaa dupen n pia li dabinli. Ŋan padi npo yaa yanga yaa kpama yeni kan bili ku ñiagu hali lan faa. 19Ŋan cuani Li Miali Diedo a Tienu nintuali, o dieli nni a tinga bonluonka-kpiala. Ŋan da ŋaani ki ŋuabiga ki naa biima nni.#Ñam 34.26; Tia 14.21; 26.2
I ñoaniani leni yaa tundi n ye hali ke bi daa fii
20Mini, n baa soani maleki a nintuali, wan gobidi ki go kubi a li sancenli nni ki teni ŋan pundi min ŋanbi yipo yaa kaanu. 21Cengi o maama, tieni wan yedi a yaala, ŋan da fiini opo yiema, kelima mini n soani o. O kan pa ŋa sugili a yaa fiini opo yiema. 22Ama a yaa tuo wan yedi yaala ki tieni min baa yedi a yaala kuli, n baa tua a yibalinba yaa yibali, a koaginkaaba yaa koanginka. 23N maleko baa kua a liiga ki gobidi ki gedini a yaa nibuoli n tie na denpo: Amola yaaba, Heta yaaba, Felesa yaaba, Kanana yaaba, Hefa yaaba, Jebusa yaaba, n baa bolini bikuli. 24Ŋan da gbaani ki pugi bi *buli, ŋan da soani bipo, ŋan da tieni nani ban tiendi maama. Pua ki mudi bi buli ki go mudi bi butana. 25Yi baa yaa tuuni Li Miali Diedo yi Tienu po. O baa seligi yi jiema leni yi ñima. N baa deli ki ñani u yianu yi siiga. 26Yi diema kan go baa yaa pua yaa tugu n biidi bi yua n tie ŋoaliga. N baa teni ŋan podi hali bonŋanla.
27N baa teni n jawaandi n cuo ŋan baa gedi yaa nibuoli kuli kani ban sani. N go baa teni yi yibalinba kuli n sani yi nintuali. 28N baa soani a lonlona n deli Hefa yaaba, Kanana yaaba leni Heta yaaba a nintuali. 29N kan deli bikuli binyenli ka, kelima mi diema niba yaa gbeni ti moayandi n da yabidi ki kandi ki fii ki yie apo. 30N baa deli ba waamu waamu yo hali ŋan ban fidi ki diedi mi diema. 31A diema baa cili mi ñincianmoanma kani ki yaa caa hali Filisiti yaaba ñincianma, ki go taa mi fanpienma kani ki ban pundi u kpenciamu kani kelima n baa teni ŋan paadi mi diema yaaba. A baa deli ba a nintuali. 32Ŋan da kuani o *ŋantaado leni ba ki buali leni bi buli. 33Ban da kali a diema nni ke ban da ti teni ŋan tieni *tuonbiadi npo. A yaa soani bi buli po, bi baa tua apo diagu.»
U Tienu kuani o ŋantaado leni Isalele yaaba
Currently Selected:
MI ÑAMA 23: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
