Ebr 3
3
Yezu bɛ́ gole á la Muizu-n lɔn
1Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn. 2#MNS 12.7 Lawa mɛn din bɔ á koa bɛa dí kɛ lɛ a lɛa, á bɔlɔgoondɛnaa baa bɛ li, ka Muizu bɛ́ lɔn «á bɔlɔgoondɛnaa baa a dí din tumaa nɛ, Lawa a tɔrɔ minin bii», ka Lawa a boo pɛ lɔn. 3Sonbore, gugurubaa tá a wɔ lɛa á la Muizu ni, ka gugurubaa bɛ́ kion-dɔle wɔ lɛa lɔn, á la kion lɛ dinmaa nɛ. 4Sonbore ne, kion gogoonmaa a dɔle na a tan, sɛnɛ, Lawa n màn din tumaa zɛnaali lɛa. 5Muizu sɛ na á dí-nyali bɔlɔgoondɛnaa baa, Lawa a tɔrɔ minin bii, Lawa bɛ́ re boo mɛn diɛ, á bɛ pɛ. 6Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.
Susui mɛn bɛ́ koa-n Lawa a minin manɛ
7 #
Loe 95.7-11
Bɛ lɛ na á toa, ka Yiri Fu bɛ́ pii lɔn:
«Pelo, bɛ̀ ka Lawa a lɛ-dia ma,
8 ka baran n too kaka kɔ,
ka ka digolon bɛ́ ǹ nə́ n piã
ka Lawa-n lɔn,
ǹ nə́ ga a lɛ li don bii wa.
9Lawa pɛ:
Ma dí mɛn din tumaa nya
lɛ̀ pusi gɔ́ɔ̃ nɛ,
a laanɛ ǹ nə́ bɛ tumaa yɛ,
ka digolon nə́ n da ma gɔ́ɔ̃ li,
ǹ nə́ ga ma lɛ li.
10 Bɛ lɛ nɛ, ma foo yoo ǹ li, má pɛ:
Minin kɛn taasiɛn manə ǹ siɛ̃
biikoo tumaa li,
ǹ ba maa ziin doɛ̃ wa.
11 Bɛ lɛ na á toa,
maa foo-yoo gɔ́ɔ̃ nɛ,
má n liɛ
máa ǹ ba re we maa susu ǹ gána kɛ-n wa.»
12Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa. 13Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa. 14Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ. 15#Loe 95.7-8 Lawa a boo n pii:
«Pelo, bɛ̀ ka Lawa a lɛ-dia ma,
ka baran n too kaka kɔ,
ka ka digolon bɛ́ ǹ nə́ n piã
ka Lawa-n lɔn wa.»
16 #
MNS 14.1-35
Dien man nə́ Lawa lɛ lɛ ma, ǹ nə́ n piã-n dɔn? Muizu min mɛnɛn tumaa nyɛɛnaan bɔ, á soo ǹ ne Ezipti gána nɛ, bɛn lɛn manɛ. 17Lawa foo na á yoo dien li lɛ̀ pusi gɔ́ɔ̃ nɛ? Min mɛnɛn nə sii baraa zɛnaa, bɛn lɛn manɛ, min mɛnɛn nə mɛnaa ǹ nə́ gã don bii ke lɛn. 18Lawa na á n liɛ dien li, mà asɛ susui yɔrɔ bɔ á koa ǹ nɛ gána mɛn nɛ, mà ǹ ba re we bɛ-n duduu wa? A na á n liɛ bɔlɔ tii wolen kɛn lɛn li. 19Wɔ́ yɛ dɔn, wáa ǹ dinin golee Lawa li baã a lɛa, ǹ boo la ǹ nə́ wɔ gána lɛ-n wa.
Currently Selected:
Ebr 3: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.