Johan 19

1Cutikah Pilat ni Jesuh cu hruaita in a velsak hngai. 2Culeh ralkaple ni hlingko lukhum ah phiarin Jesuh ih lu parah an khumsak, cun puan sandup an sinsak. 3A hemah pha viangvoin, “Na nunkhua sau hram seh! Judah Siangphahrang!” an tiih a hmai an beeng. 4Pilat cu a va suak ṭhan ih, “Hi pa hi amah sual puh ṭha ka hmu lo ti tan tiahsak hngai dingah amah hi nan hemah ka hruai thok,” tiah a ti hngai. 5Curuangah Jesuh cu hling lukhum khumtia leh puan sandup sintia in a va suak. Pilat ni, “Mipa hi zoh hngeen uh!” tiah a ti hngai. 6Tlangbawi upapawl leh biakinn kiltu palikle ni Jesuh an hmuh tikah, “Thinglamtah ah khengtar! Thinglamtah ah khengtar!” tiah an au. Pilat ni, “Nanmahte hruai u la thinglamtah ah khengtar tu hmen uh; kei cu amah sual puh ṭha ka hmu lo,” tiah a ti hngai. 7Judah mipawl ni, “Daan kan ngei ih acui daan mang a ik ahcun, amah ni Pathian Tiapa e a ti tiak ruangah thi mawi a ii,” tiah an sawn. 8Pilat ni acu cu a zak tikah a hlan vanin a hrul hlehhlo. 9A zung ah a luhpi ṭhan. 10Curuangah Pilat ni, “A ma sawn thok lo ti law? Tan thlah ding leh tan khengtar dingah nawl ka ngei ti na tiah lo maw?” tiah a ti. 11Jesuh ni, “Cungla in piak i hlah ci la ka parah nawl na ngei zo thok lo; curuangah na kut ah a ma ap tu hi a rauhdeuhmi sualnak in a sualmawh,” tiah a ti. 12Acuhnuk cun Pilat ni thlah dingin a zuam. Ihmansela Judah mipawl ni, “Hi pa thlah taw ci ah khumpibawi ih rual na i lo. Mah leh mah siangphahrang e a ti tia tupoh cu khumpibawi ralsan tu an ii,” tiah an au. 13Pilat ni hi aanpawl a zak tikah, Jesuh cu hei suahpi ṭhanin, lungtleep thahmi tual ih thuṭhennak Toṭhiang parah a to. Acu cu Hebru aan in Gabbatha ti a ii. 14Lontaak Puai ca-ih Tuahtimtiak ni a ii; sun hrawng a ii. Judah mipawl hemahcun, “Nan Siangphahrang hi zoh hnik u law,” tiah a ti hngai. 15Anmimi ni, “That kau! That kau! Thinglamtah ah khengtar!” tiah an au. Pilat ni, “Nan Siangphahrang maw ka khentar lei?” tiah a dil hngai. Tlangbawi upale ni, “Khumpi simlo Siangphahrang kan ngei lopi,” tiah an sawn. 16Cutikah Pilat ni Jesuh cu khentar dingah anmah a ap hngai.

Jesuh Khentarnak

(Mat 27:32-56; Mar 15:21-41; Luk 23:26-49)

Curuangah Jesuh cu an tahpi; 17culeh Hebru aan in Golgotha tiih kawhmi Luruh Hmun timi laah amah ih thinglamtah puttia in a tat. 18acunang ahcun thinglamtah parah, mipace pahnih rum, a vorh leh keh ah pakhat veve, Jesuh cu an lalakah, an khengtar. 19Pilat ni laitaar pakhat a ngan ih, thinglamtah parah an tar. Acu cu, “Nazareth khuami Jesuh, Judah Siangphahrang,” ti a ii. 20Jesuh khentar a iknak hmun cu khualipi hrial a ii ih, laitaar cu Hebru, Latin leh Grik aan in ngan a ik ruangah Judah mi tlungpi ni an rel. 21Cutikah Judah tlangbawi upale ni Pilat cu, “‘Judah Siangphahrang’ ti in cu ngan hlah, ‘Hi pa ni Judah Siangphahrang ka ii a ti,’ ti in ngan,” tiah an ti. 22Pilat ni, “Ka ngan rommi cu ka ngan rom,” tiah a ti hngai. 23Ralkaple ni Jesuh an khentar ngah tikah a partlaipawl an phoih ih ralkap pali caah ṭhen khat vek tling dingin ṭhen li ah an ṭhen. A lu in a ke tiang ṭhitpeh omloin tah-mi a angkitual khaw an la. 24Curuangah pakhat leh pakhat, “Hi cu thleek hlah le hu, ahu ni tling lei maw ti tiah dingah tlinhngal tu dawk le hu,” tiah an ti tia. Ahihi Lai Thianghlim ni,

“Ka partlaipawl an zemtia,

cun ka angkitual cu

tlinhngal an dawk,” #Saam 22:18.

a timi kimsak dingah a ii.

25Acu cu ralkaple ih thiltimi cu a ii. Acu lioah thinglamtah hrialih a diing tu cu Jesuh ih nu, Jesuh ih nungak, #19:25 Nungak: Nu ih unaunu. Klopas ih nupi Mari leh Mari Magdalene an ii. 26Jesuh ni a nu leh, a nu hrialah a dawtmi kaizul, an diin a hmuh hngai tikah a nu cu, “Minu, na tiapa hi!” tiah a ti. 27Cuhnukah kaizul cu, “Na nu hi!” tiah a ti. Acui caan in thawh in kaizul ni amah ih inn ah Jesuh ih nu cu a tlunpi. 28Cuhnukah Jesuh ni a zate a uuktia ti a tiah tikah, (Lai Thianghlim kimsak dingah), “Ka ti a haal,” tiah a ti. 29Acunangah a ṭiomi sabitti in a khatmi thawl pakhat a om. Curuangah puanleng nem acu sungah hnim in hissop timi takung ih vuakmi tungkeu zim ah an ṭawn hnuk in a kaa ah an han neel. 30Jesuh ni sabit cu a tawp ih, “Ka uuk rom,” tiah a ti. Cuhnukah a lu a kuum ih a thaw a deng dah.

A Nak Sun a ii

31Tuahsiittiak ni a ik ruangah Judah thungeitule ni sabbath lioah thinglamtah parih ruak mattaak cu an daw lo. Cui sabbath cu sabbath pipa hleice a ii. Curuangah khentar mipawl cu an ke ek in an ruak thawn dingah Pilat an dil. 32Cuhnukah ralkaple an pha ih Jesuh rum khentarmi pahnih cu an ke an ek. 33Ihmansela Jesuh hem an phat tikah a thi rom ti an hmu ih, a ke an ek lo. 34Ralkap lakih pakhat zong ni a nak tei in a dot, culeh a voi khat ah thi leh ti an va suak. 35(Nan zum ve nakdingah ahihi a hmu tu ni a thutiahmi a sim. A thusim cu a hmaan, cun thutak a sim ti a tiah) 36Hi thilpawl hi, “A ruh pakhat hman eh a i thok lo,”#Suah 12:46; Mip 9:12; Saam 34:20. timi Lai Thianghlim kimsak dingah a cangmi an ii. 37Culeh Lai Thianghlim hmun ce ni, “An sun taak mipa an zoh leh thok,” tiah a sim sei.

Jesuh Vuinak

(Mat 27:57; Mar 15:42-47; Luk 23:50-56)

38Cuhnukah, Judah thungeitule a ṭih hngai ruangih thup kaizul pakhat a ita mi, Arimathea khuami Josef ni Pilat hemah Jesuh ruak lat sen dingin a dil. Pilat ni sennak thu a pia; curuangah a pha ih Jesuh ruak cu a la. 39A peitala, Jesuh hemih zan ah a pha ta tu Nikodimas khaw, pawng 100 tluk a tlaimi myrrh#Mat 2:11 ah zoh. timi rimhmui leh thingthling cawhmi rimhmui kengin a pha ve. 40Jesuh ih ruak cu an la ih, Judah Daan mangin, rimhmui leh sianglaraang#Mat 27:59 ah a sullam zoh. puan in an zawl. 41Jesuh an khentarnak hmun ah duum pakhat a om, culeh duum sungahcun ahuhman vui thah rih lonak thlaan thar pakhat a om. 42Culeh, Judah mi Tuahtimtiak ni le a ii ih, thlaan le a naikau ruangah, Jesuh cu acunangah an vui ta.

Currently Selected:

Johan 19: KHBF

Highlight

Copy