Teekɨtɨga 22
22
Mberkɨndag kɨta ba nya ɔrrɨn goot nyaboog kɨ nyag kɨtuj
1Ĩla de tee dɔ ngeɓoogt busɨ kondɔ dɔ mbut lot, na a ndaa ad oi a ne, de'n ndaa ad oi ye, ta mosa i dɔat al. 2Na ĩla kàd ɓa dɔat a ne, ta mosa i dɔat. Ngeɓoog'n non a ba nyaɓoog gog, na ĩla nya goto jiat a ne, a ndugona koo goot nyaɓoogt loa.
Ta dɔ ndeg ta madgt
3Ĩla nyaɓoog i mang ke korro ke bat, na ngahna kumkajir jiat ɓaitɔ a ne, a badɔt nja joo.
4Ĩla de nuj nya kam ndɔɔt, ke kam ndɔɔ nduut lo de mad, ke nyakul loa sanya kam ndɔɔt lo de mad a ne, a badɔt kɨ kand nya kɨmajtɔi kɨ kam ndɔɔt lon, ke kɨ kam ndɔɔ nduut lon. 5Ĩla de mad lahor ndu ad hɔ kong mbã õn nyako kɨ kaw kɨdɔnat, ke nyako kɨ ɗa kam ndɔɔt, ke ndɔɔ mad a ne, de kɨ ngelahorr ye, rota a ba kɨta nyag kɨnuj tube. 6Ĩla de mad ad madɓen nar, ke nya madg kɨta ngom, na ɓoogɨn kam kujt lo ngengoma, ĩla ngahn ngeɓoog'n non a ne, a adɨna badɔt nja joo.
7Ĩla ngahn ngeɓoog al a ne, ngekuj'n non a aw nõ Luwaht kad tɔ tant an n'lajɨn dɔ nyat lo madɓen al. 8Dɔ tagt tube, ke ta lo mang, ke kɨ lo korro, ke kɨ lo bat, ke kub, ke nya mad kɨ nãi in de mad an: Nya lom laten a awɨn kɨ ta lo deg kɨjoo'n non nõ Luwaht, na de'n Luwah hɔa kɨ ta ye, a ba madɓen dɔt njajoo. 9Ĩla de mad ad madɓen korro kad ngom, ke mang, ke bat, ke nyakul mad, na dã nõ oi, ke ngah do, ke ɓoogɨna kanj kad de mad ooa a ne, 10yokɨnda kam tɔ Bɨraɓet a i mbɨna kɨjoogt'n non kɨtakad gerɨn ne ke ngengoma ɔd nya lo madɓen a? Ngedã'n non a ndig dɔt, na ngengoma a ba nya mad al. 11Na ĩla ɓoogɨn dã'n non roat a ne, ngengoma a ba nara ngea.
12Ĩla dãg kɨmut tɔlɨn nyakul'n non a ne, nge ngoma a ɗe kɨ dã kad i nyamanaj, na a ba nya mad kɨta nyakul'n dãg kɨmut tɔlɨna nõ al. 13Ĩla de mad ndɨma nyakul mad ro madɓent, na dã'n non ngah do ke oi goot ngeat a ne, rota a ba nara, 14ĩla ngea i nat sia a ne, a ba nara al. Ĩla nyakul'n non i kɨ ndɨma kɨ nar a ne, gata asɨ ba nara.
Mberkɨndag kɨta gangta dɔ ngéɗa nyag kɨ dang dang kɨgoot al
15Ĩla de mad gool ngomand kɨ ger ngaw al ĩn de hɔ dɔa al, na to sia a ne, a ad nar kɨta taa nẽnt. 16Ĩla bɔwa oron kada ngonɨn kɨdẽ a ne, ngegoola a ba nar kɨ asɨ taa ngon kɨmand kɨ ger ngaw al.
17A nya dekɨdẽ kɨ ngekuma kad ndɨ kɨ dɔn dõ al.
18Dekɨɗen'n to kɨ dã a ne, rota a tɔlɨna kɔ. 19De'n ja mosɨ kadkari ad yo mad, na Bɨraɓe kɨɗabedo al a ne, a nujɨna kɔ.
20A i da kum mbah mad ndo al A i ɗa ngetɔg dɔat al tɔ, kɨta maɗi ĩn kɨdɔsɨ ĩn mbah kam dɔning Ejipt't. 21A i da kum ngengawkoi ke ngonhal ndo al 22Ĩla i da kumd ndo, na a kon kɨdɔmt a ne, rota m'a m'oo dɔ ko lod.
23M'a m'ɓawong kɨtɨngabil sesɨ, m'a m'tɔlsɨ kɨ kiyaɗɔɔ, nẽsɨg a telɨn ngéngawkoig, na ngansɨg a telɨn nganhalg tɔ. 24Ĩla i ad nar deg lom kɨ tĩnat, ad i ngendo kɨ ndɨ nat sei a ne, a i banga tit ngegɨrra be al, a i nda mana dɔt al tɔ 25Ĩla i ta kub lo madɓei lo nyat tɨnat a ne, a i telɨn ada kete nõ kud kàdt.
26Kɨtɔ i nyakutdɔ roa kɨ kɨɗabe, i kub'n a utɨn ron, a ɓi kam ɗit a? Ĩla ko kɨdɔmt a ne, m'a m'oo dɔ, kɨta mĩ ngekookumtondo.
27A i taj Luwah al, a i ndɔl ngekõɓe dɔ degt loi al tɔ 28A i la kadkari adɨm kam nyakot loi kɨ to mbuj kɨ kam man kand nduut loi kanj ndɨ kɔkɨ A i adɨm ngonderi kɨdɨngã ku nganigt.
29A i ɗa titbe tɔ kɨ mangg loi kɨ batg loi. Ngonderr nyakul a to ndɔ tanãimɨta nat kɨ kõn, na ndɔ kɨkõjijoo a ne, a adɨm 30A ĩn deg kɨjaɓat kɨtɔm A i san dã mad kɨ dãg kɨmut tɔlɨna kɨ deg ngahna kam mut al, a i lan adɨn bisɨg.
Currently Selected:
Teekɨtɨga 22: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
