Teekɨtɨga 26
26
Kujkub londɨ
(Oo 36:8-38)
1A i ɗa kujkub londɨ kɨ pal kub kɨlah kɨ ɗa kɨ kɨllakub kɨ sɔl lom lom kɨɓew kɨkil musɨmusɨ kɨ kɨkɨre wor wor kɨ kɨkɨre pirɨr kɨ ɓakumta serubg kɨ joo'n tit kɨgo goosɨ jo kubt. 2Pal kub kɨɗen ngala a i metɨr kam ngala i kɨlah gidaisɔɔ, na tat pal kub kɨɗen a i metɨr joo. Pal kubg'n non tube ngald kɨ tatd a asɨn na. 3Pal kub mi a urɨnd kad nat. Pal kub mi kɨmadg a urɨnd kad nat tɔ. 4A i ɗa kum kɨlag kɨkil musɨmusɨ ta pal kubt kɨkurnat kɨkɨɗa kɨtɨga kɨdɔboit. A i ɗa titbe ta pal kubt kɨmad kɨkurnat kɨtɨga kɨdɔboit tɔ. 5A i ɗa kum kɨla dɔmi ta pal kubt kɨkurnat kɨkɨɗa kamla a i ɗa kum kɨla dɔmi ta pal kubt kɨmad kɨkurnat tɔ. 6A i ɗa ninga lɔrg dɔmi kɨta lan pal kubg kɨ joo'n non nat kad kujkub londɨ, a i kɨɗa. 7A i ɗa pal kubkutdɔ tɔ kɨ bĩ bĩãg kɨtakad i nyakutdɔ kujkub londɨ. A i ɗa pal kubkutdɔ'n non asɨ kɨlah gidaikɨɗa. 8Kubkutdɔ kɨɗen ngala a i metɨr kɨlah gidaimi, na tat pal kub kutdɔ kɨɗen a i metɨr joo. Pal kubkutdɔ kɨkɨlah gidaikɨɗa'n non ngald kɨ tatd a asɨn na. 9Pal kubkutdɔ kɨmi a i urd nat dang, na pal kubkutdɔ kɨbojidet dang tɔ. Pal kubkutdɔ kɨkõkɨbojidet a i teeta kam nat nõ kujkub londɨ. 10A i ɗa kum kɨla dɔmi ta pal kubkutdɔt kɨkurnat kɨkɨɗa kɨ tag kɨdɔboit, kɨ kum kɨla dɔmi ta pal kubt kɨmad kɨkurnat kɨtɨga kɨdɔboit tɔ. 11A i ɗa ninga kasɨ dɔmi, a i tɨla ningag kum kɨlagt kɨta lan kujkubt nat kɨtakad i kuj kɨɗa. 12Gaj pal kubkutdɔ kɨkurnat kɨ tɔi ngal kujkub londɨ, a i nusɨ pal kubkutdɔ kɨkurnat kɨ nãin kari ye, a so kɨber gid kujkub londɨ. 13Na ndeg pal kubkutdɔ a so kɨber kad kujt ko nu kɨ ko ne ut dɔ kujkub londɨ tɔi pal kub kɨkurnat asɨ metɨr kɨɗa ko nu kɨ ko ne. 14A i ɗa nyakutdɔ mad kɨta kujkub kɨ ndar bal batg kɨnda kɔl kɨ nyakutdɔ mad kɨ ndar angg kɨ kam mant dõ dɔt tɔ. 15A i tɔl kag akasiag kɨ tat kɨta kujkub londɨ, na a i ndad dõ. 16Ngal kag kɨ tat kɨɗen a asɨ metɨr mi, na tat kag kɨ tɔl kɨɗen a asɨ gaj kɨ mɨta kam kɨ gajt kɨsɔɔ metɨrt. 17Kag kɨɗen a i tɔsɨ taa ad tɔ joo. Titbe la a i ɗan ta kag kɨ tɔlg'n non tube kɨta kujkub londɨ ye. 18A i tɔl kag kɨta kujkub londɨ, a i tɔl kag dɔjoo kɨta kada ko dɔɔ. 19A i pel larjã kad i nyahɔ ta kag asɨ dɔsɔɔ kɨta la ta girr kag kɨdɔjoo'n non nyahɔ a i joo girr barkagt kɨɗa kɨta taa kɨ tɔ joo, na nyahɔ a i joo girr barkagt kɨmad kɨta taa kɨ tɔ joo tɔ. 20A i ɗa barkag dɔjoo tɔ kɨta kujkub londɨ ad i kada kɨmad ko dɔɔ 21kɨ nyahɔd larjã dɔsɔɔ nyahɔ a i joo girr kag kɨɗa, na nyahɔ a i joo girr kag kɨmad tɔ. 22A i tɔl kag kɨbojidet kɨta gid kujkub londɨ ko lokudkàdt. 23A i ɗa kag joo kɨta dɔkum gid kujkub londɨ kɨjoo. 24A ĩn kɨ la nat jo ber, a ĩn kɨ dɔ nat kɨɗabe mbã tee ta somdt, ad i mbã ningat kɨdasa, a i titbe kɨta barkag kɨjoo'n non, a ĩn kɨtɔ dɔkum kɨjoo. 25Kag kɨ tɔl a i jijoo nat kɨ nyahɔd larjã kɨlah gidaikɨbojidet, nyahɔ a i joo girr kagt kɨɗa, na nyahɔ a i joo girr kagt kɨmad tɔ. 26A i tɔsɨ kag akasia kɨ ngal mi kɨta hɔ kag kɨtal kɨkad kujkub londɨ kɨkɨɗa nat 27kɨ kag kɨ ngal mi kɨta hɔ barkagg kɨkad kujkub londɨ kɨmad nat, kɨ kag kɨ ngal mi kɨta hɔ kag kɨ tɔl kɨgid kujkub londɨ ko lokudkàdt nat tɔ. 28Kag kɨ ngal kɨ ngawden kag kɨtal a and bulo taat kɨɗa keme mbã kɨ taat mad tɔ. 29A i ut kag kɨ tɔl'n non kɨ lɔr, a i ɗa ninga lɔrg kɨtakad kag kɨngalg a ton tit, a i ut kag kɨngalg'n non kɨ lɔr tɔ. 30A i tɨla kujkub londɨ ta nat ad ɗa dõ kɨgo nyandajt kɨ m'ɔji dɔ mbalbot. 31A i ɗa kubganglo kɨ kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew, kɨ ɓakumta serubg ĩn joo'n kɨgo goosɨ jo kubt. 32A i gaa do pilie kag akasiagt kɨsɔɔ kɨ kut kɨ lɔr, dɔ konggt lod kɨ ĩn lɔr, pilieg'n non ĩn kɨ ndah dɔ nyahɔdt sɔɔ kɨ ĩn larjã. 33A i ga kubganglo'n non dõ kɨtakul ningag kɨ ga konggt. A i un sund najkɨma, ndaa kam lot kɨgid kubganglot'n non. Kubganglo a gang lokɨjaɓat nat kɨ lokɨjaɓat kɨtɔi tɔi. 34A i ndah nyakutdɔ dɔ sund najkɨmat kam lot kɨjaɓat kɨtɔitɔi. 35A i nda tabɨl nõ kubganglot, na lamba kɨ tabɨl a sumbana sew kad kujkubt londɨ ko keme, lamba a i ko kɨdɔɔ, na a i nda tabɨl ko kɨɓodo ko keme. 36A i ɗa kubkut tabit kɨta lo kand kam kujkubt kɨ kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew kɨgo goosɨ jo kubt. 37A i ɗa pilieg mi kɨ kag akasia kɨta ga kubkut tabit'n non dɔdt. A i utd kɨ lɔr, kongg lod a ĩn lɔr tɔ, na a i lẽ ningakasɨ ɗan nyahɔ mi kɨta pilieg'n non.
Currently Selected:
Teekɨtɨga 26: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
