Smnlean 39
39
Yosehu ma Mqedil Potipar
1Wada desun Micrayim ka Yosehu. Niqan 1 seediq Micrayim Potipar. Heya we qbsuran mpqlahang Paroh. Bnaruy na peeyah seediq Yismael ka Yosehu, kiya ka mnadis Yosehu meyah Micrayim. 2Meniq sapah tnpusu sapah na seediq Micrayim hiya ka Yosehu. Mtheyaq meniq Yosehu ka Utux Tmninun ma ndwaun na bale ka noda na. 3Pusu tnsapah na de, taan na gaga thiqan Utux Tmninun ka heya ma, ooda mnoda baga na we wada malu ba kana. 4Yosehu de kuxul bale pusu tnsapah na ka heya. Dmayo pusu tnsapah na. Smkagul heya psnetur sapah ma, kana ooda we sbege na baga na. 5Peeyah sbege na Yosehu qmlahang ooda sapah ma kana ani maanu ka pusu tnsapah na de, ririh Yosehu smbleyaq sapah seediq Micrayim kiya ka Utux Tmninun. Sbleqan Utux Tmninun kana ka sapah ma kana qnpahan. 6Potipar ge, sbege na baga Yosehu kana. Wano ppuqun na, ini na klai ka ani maanu.
Mseediq bale taan ka Yosehu. 7Bobo noda nii, mqedil tnpusu sapah we spooda na doriq na mege smkuxul Yosehu, rmengo: “Psuupu ta mtaqi!” 8Ini sruwa ka Yosehu, rngagan na ka mqedil tnpusu sapah nii: “Tai! Kana ooda sapah we ini kela ani maanu ka pusu tnsapah mu. Heya we sbege na baga mu kana ka ani maanu. 9Uka ani ima ka mgkala yaku knparu meniq sapah nii. Wano isu, ini na rngii mege yaku kana. Ado isu we mqedil na. Mphuwa ku mesa meepah so nii paru ba qnquwan noda, pqnaqah Utux Baro da ho?” 10Heya we ida so nii rmengo Yosehu klaali. Ida ini qbahang ka Yosehu. Ini na thiqi mtaqi ma, ini osa theyaq heya uri.
11Niqan 1 ali, meyah qmeepah truma sapah na ka Yosehu. Ciida, uka ani 1 seediq meniq truma sapah hiya. 12Blebil lukus na ka mqedil, rmengo: “Psuupu ta mtaqi!” Yosehu we htiyan na baga na ka lukus na, qduriq mosa nganguc da. 13Mqedil nii we, qtaan na gisu na htiyan malix baga na ka lukus ma qduriq nganguc ka heya. 14Kiya de mlawa dseediq meniq sapah, rmengo dheya: “Tai bino, nadis 1 seediq Hiburu meyah tmsiiyax ita hini. Heya we meyah mremux yaku hini ma, satang mpsuupu mtaqi yaku. Kiya de mdiras ku mlawa ka yaku da. 15Mbahang diras mu ka heya de, htiyan na malix yaku hini ka lukus na de, wada qduriq nganguc da.” 16Mqedil nii we, psaun na siyo ka lukus Yosehu, betaq meyah sapah ka pusu tnsapah na. 17Kiya ka kari nii ka srengo na heya: “Nadis su sapah hini ka seediq Hiburu kiya we meyah mremux tmsiiyax yaku. 18Mdiras ku paru de, wada asi hiti malix lukus na yaku hini ma, qduriq mosa nganguc da.”
19Mbahang kari mqedil na ka tnpusu sapah de, rmnengo: “Tnqliyan su we so nii ka noda na yaku.” Kiya de paru seang na ka heya da. 20Tnpusu sapah Yosehu de, qrapun na ka heya, rhugun na sapah kuung, kiya ka rhugan naqah seediq nqbsuran paru. Kiya de shetur sapah kuung hiya ka Yosehu. 21Kiya de msuupu Yosehu ka Utux Tmninun, smbleyaq quri heya. Kuxul bale qbsuran sapah kuung hiya ka heya. 22Kiya de sbege na baga Yosehu kana ka dseediq ga shetur hiya. Kana ooda hiya we spooda na heya qmlahang kana. 23Kana noda meniq baga Yosehu we, ini na slingi kana ka qbsuran sapah kuung. Ado ga msuupu heya ka Utux Tmninun. Utux Tmninun we pndwaun na kana ka qneepah na.
Currently Selected:
Smnlean 39: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
