Spegan 2
2
Pheyu Kobu ma Dndulan Theruy Kksaun
1Rmengo Moseh ma Aharon ka Utux Tmninun: 2“Txtaxa seediq Israel we, asi ka mosa pnskraya pnslawa daha nanak. Mpuyu pnswayan rudan daha pkobu ma, mpquri pkobu kssiyo kobu mrtaso.
3Meniq nklaan hido we, psquri nklaan hido. Tqpuruh Yehudah we mpuyu pnskraya pnslawa daha pkobu. Qbsuran mdudul supi seediq Yehudah we Naxson laqi Aminadab. 4Snpegan ka heyi supi na we 7 mang 46'00 heyi. 5Pkobu ssiyo na we pnswayan rudan Yisaskar. Qbsuran mdudul seediq Yisaskar we Netanel laqi Cuar. 65 mang 44'00 heyi ka snpegan heyi supi daha. 7Pnswayan rudan Jebulun, qbsuran mdudul seediq Jebulun we Eliyab laqi Xelon. 85 mang 74'00 heyi ka snpegan heyi supi daha. 9Kana pnkobu na Yehudah, spooda kana snpegan daha we 18 mang 65'00 heyi. Dheya ka meniq berah bale dndulan theruy kksaun.
10Meniq toma na we, ptqpuruh pkobu hiya ka pnskraya pnslawa Reuben. Qbsuran mdudul seediq Reuben we Elicur laqi Sedeyur. 114 mang 65'00 heyi ka snpegan heyi supi daha. 12Pkobu ssiyo na we pnswayan rudan Simeon. Qbsuran mdudul seediq Simeon we Selumiel laqi Curisaday. 13Snpegan ka heyi supi daha we 5 mang 93'00 heyi. 14Pnswayan rudan Gad, qbsuran mdudul seediq Gad we Elyasap laqi Reuel. 15Snpegan heyi ka supi daha we 4 mang 56'50 heyi. 16Kana nkobu Reuben, spooda kana snpegan daha we 15 mang 14'50 heyi. Dheya ka Tg2 qpuruh msnegul lntudan theruy mkkesa.
17Kobu mrtaso ma kobu nLewiy we ga meniq ckceka kobu dndulan theruy mkkesa ka dheya. Hmuwa mesa pkobu ka dheya de, so kiya knksaan daha uri. Knkingal qpuruh we maha tnbkean daha ma, maha nanak pnskraya pnslawa daha nanak.
18Quri pryaxan hido we, ptqpuruh pkobu hiya ka pnskraya pnslawa Eprayim. Qbsuran mdudul seediq Eprayim we Elisama laqi Amihud. 19Snpegan ka heyi supi daha we 4 mang ma 5'00 heyi. 20Pkobu ssiyo na we pnswayan rudan Menaseh. Qbsuran mdudul Menaseh we Gamliel laqi Pedahcur. 21Snpegan ka heyi supi daha we 3 mang22'00 heyi. 22Pnswayan rudan Binyamin, qbsuran mdudul Binyamin we Abidan laqi Gidiuni. 23Snpegan ka heyi supi daha we 3 mang 54'00 heyi. 24Kana pnkobu na Eprayim, spooda kana snpegan daha we 10 mang 81'00 heyi. Dheya ka Tg3 qpuruh msnegul dndulan theruy mkkesa.
25Quri tgdaya we, spooda ratuc dndulan daha we pkobu hiya ka pnskraya pnslawa Dan. Qbsuran mdudul seediq Dan we Axiejer laqi Amisaday. 26Snpegan ka heyi supi daha we 6 mang 27'00 heyi. 27Pkobu ssiyo na we pnswayan rudan Aser. Qbsuran mdudul Aser we Pagiel laqi Okran. 28Snpegan ka heyi supi daha we 4 mang 15'00 heyi. 29Pnswayan rudan Naptaliy, qbsuran mdudul Naptaliy we Axira laqi Eynan. 30Snpegan ka heyi supi daha we 5 mang 34'00 heyi. 31Kana nkobu Dan we 15 mang 76'00 heyi. Smnegul hata daha nanak mkkesa bukuy.”
32Kana dseediq Israel nii we snpegan pnooda pusu tama daha ma, pnooda knkingal qpuruh pnkobu daha smepu. Kana daha we 60 mang 35'50 heyi. 33Ani si ini spegi ckceka seediq Israel ka seediq Lewiy. Mntena so tnugesa Utux Tmninun rnengo na Moseh. 34Kana seediq Israel we muyu tnugesa Utux Tmninun rnengo na Moseh moda ka dheya. Pkobu knkingal pnskraya pnslawa daha nanak. Muyu knkingal pusu rdrudan ma tnsapah tama daha theruy mkkesa ka dheya.
Currently Selected:
Spegan 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
