KARARIADI 22

Mawu Ruata namarenta si Abraham tadeau panumba ngi Ishak

1 # Ibr. 11:17-19 Pira ngkatempo bou e'e Mawu Ruata nanuka kasasatia ngi Abraham. Mawu Ruata nukui, “Abraham!” Bou e'e i Abraham nusumimbahi, “Iya, Mawu.”

2 # 2Taw. 3:1 Angkung u Mawu Ruata, “Tamaiko sarang tana Moria dingang i Ishak, ana u manga simbau, ko tumaniu ikindaghi u. Pai se'e su wul᷊uri simbau ko sarung Daku itibo si kau, pasumbako ana u kere sasumba ko itutung si Sia.”

3Ndai mal᷊ou mborong mal᷊uka-l᷊ukari, i Abraham namengkong kau guna ngu sasumba ko itutung dang nangiki kau e'e su wawo u keledainge. I sie natamai dingang i Ishak l᷊au u dua ngkatau l᷊ange sarang tampa ko niul᷊i u Mawu Ruata si sie. 4Su l᷊ou katilunge nikawua ngi Abraham tampa e'e su raunge. 5Bou e'e i sie nangul᷊i su l᷊ange darua e'e, “Katanae i rua su si'i dingang u keledai i'i. Ia l᷊au anaku makoa sarang pai e'e guna ngu manumba Mawu, hindo i kami musul᷊e si kumu.”

6I Abraham namilo kau guna ngu sasumba ko itutung e'e su pal᷊uka ngi Ishak, dang i sie sisanenge numbawa piso l᷊au tutuhi guna ngu panutung kau. Su tempo ngu i sire kal᷊al᷊enge singkahindo, 7i Ishak nangul᷊i, “Papa!”

I Abraham nusumimbahi, “Pia apa anaku?”

I Ishak nakina, “I kite seng numbawa putung l᷊au kau, kateho su apawe ana u domba guna ngu sasumba ko itutung e'e?”

8I Abraham nusumimbahi, “Mawu Ruata sisanenge sarung manadia ana u domba e'e.” Bou e'e i sire rua nul᷊umal᷊eng turusi.

9 # Yak. 2:21 Su tempo i sire nurating u tampa ko nihabari Mawu Ruata si Abraham, i sie nupararisi simbau mesba dang nanusung kau e'e su wawoe. Bou e'e niikie anae dang nipal᷊al᷊okae su mesba, su wawo u kau e'e. 10Bou e'e, nial᷊ae pisoe guna ngu panika anae. 11Kateho malaikati u Mawu nukatea si sie bou l᷊angi, “Abraham, Abraham!”

I Abraham nusumimbahi, “Iya, Mawu!”

12“Kumbahang mupakaturu ana e'e arako pakuraneng u i sie,” angkung u Mawu bou tingihi u malaikati e'e. “Su orasi i'i Ia matitong himoneu i kau mangadati dang matuhu si Sia, ual᷊ing i kau ta nul᷊umawang guna ngu manarakang ana u mang simbau e'e si Sia.”

13Bou e'e i Abraham nutuhung su sindihange dang nikawuae simbau domba ko ese ko sasungenge nakai su l᷊al᷊ung u nggal᷊umue. I Abraham nangal᷊a domba e'e bou e'e nisumbange su Mawu kere sasumba ko itutung pungganti anae. 14I Abraham nusigho tampa e'e Mawu seng nanadia. #22:14: seng nanadia arako seng nutuhung. #22:14: Mawu arako Mawu nikawua. Dang sarang orasi i'i taumata mang mangul᷊i, “Su wawo u wul᷊uri-E Mawu seng nanadia.”

15Paghisa l᷊ai bou l᷊angi malaikati u Mawu nuhabari si Abraham, 16#Ibr. 6:13-14“Mawu nuhengetang: Ia mutewa dingang u areng-Ku sisane, ual᷊ing i kau seng nukoa hal᷊i i'i dang ta nul᷊umawang guna ngu manarakang ana u mang simbau e'e si Sia, 17#Ibr. 11:12 Ia sarung mangal᷊amati si kau pakaul᷊i-ul᷊i dang mukoa hintou ngu kere wituing su l᷊angi dang nei su apeng ul᷊ie. Manga ana pung u sarung makawata apang roka i sire. 18#Wuk. 3:25Kaul᷊i u bangsa su dunia sarung mukahioro si Sia tadeau Ia mangal᷊amati si sire kere Ia seng nangal᷊amati hintou ngu — ual᷊ing i kau seng nutuhu parenta-Ku.” 19Bou e'e i Abraham nusul᷊e sarang koa u l᷊ange sire rua, bou e'e i sire singkahindo natamai sarang Bersyeba, dang i Abraham natana turusi su se'e.

Hintou ngi Nahor

20I Abraham pia tuhange arenge i Nahor. Bou apa ko nariadi su wul᷊uri Moria e'e, i Abraham nakaringihi himoneu i Milka, kawing i Nahor seng pia anae wal᷊u ko ese, e'e ko: 21i Us, ko iyakang; i Bus, tuaringe; i Kemuel, samuringe nakoa papa ngi Aram; 22i Kesed, i Hazo, i Pildas, i Yidlaf, l᷊au i Betuel, 23ko samuringe ko nakoa papa ngi Ribka. Ko e'e i sire wal᷊u ana ko nipahinding i Milka si Nahor, tuhang i Abraham. 24I Nahor pia dokae arenge i Reuma dang doka e'e nahinding i Tebah, i Gaham, i Tahas l᷊au i Maakha.

Currently Selected:

KARARIADI 22: PLT

Highlight

Copy