ဢွၵ်ႇၵႂႃႇ 37

တၢင်းဢၼ်ႁဵတ်းတိူၵ်ႈပတီႉၺိၺ်ႇၸဝ်ႈ

(တူၺ်း၊ ဢွၵ်ႇ 25:10-22)

1ၵမ်းၼၼ်ႉ ပေႇၸလေႇလႃႉဢဝ်မႆႉဢၵႃႇသႃႉ ႁဵတ်းတိူၵ်ႈတႃႇ ဢၼ်ၼႃႈယၢဝ်းမၼ်း မီးသွင်သွၵ်ႇၶိုပ်ႈ၊ ၼႃႈပွတ်းမၼ်းသွၵ်ႇၶိုပ်ႈ၊ ၼႃႈသုင်မၼ်း သွၵ်ႇၶိုပ်ႈဢေႃႈ။- 2မၼ်းဢဝ်ၶမ်းလွတ်ႈငၢၼ်ႇဢုမ်ႇႁေႃႇၽၢႆႇတၢင်းၼွၵ်ႈမၼ်း ၽၢႆႇတၢင်းၼႂ်းမၼ်းသေလႄႈ ႁဵတ်းၶိူင်ႈၶႅပ်းၶမ်း ဢၼ်လဵပ်ႈႁွပ်ႈၵႃႈတီႈ ၼိူဝ်ႁိမ်းမၼ်းသေဢေႃႈ။- 3မၼ်းလေႃႇႁဵတ်းၶူၺ်ႇၶမ်းသီႇၶူၺ်ႇပုၼ်ႈမၼ်းလႄႈ သႂ်ႇဝႆႉၵႃႈတီႈသီႇၸဵင်ႇမၼ်းၼၼ်ႉၼႃႈၼိုင်ႈသွင်ၶူၺ်ႇ၊ ၼႃႈၼိုင်ႈသွင်ၶူၺ်ႇဢေႃႈ။- 4မၼ်းဢဝ်မႆႉဢၵႃႇသႃႉႁဵတ်းၵၢၼ်းႁၢပ်ႇလႄႈ ဢဝ်ၶမ်းဢုမ်ႇႁေႃႇသေယဝ်ႉ၊- 5ဢဝ်ၵၢၼ်းႁၢပ်ႇၸိူဝ်းၼၼ်ႉ သွတ်ႇသႂ်ႇၵႃႈၼႂ်းၶူၺ်ႇၶမ်းဢၼ်မီးၵႃႈတီႈၼႃႈတိူၵ်ႈတႃႇၸိူဝ်းၼၼ်ႉဝႆႉပုၼ်ႈဢၼ် တၵ်းႁၢပ်ႇတိူၵ်ႈတႃႇၼၼ်ႉဢေႃႈ။

6မၼ်းဢဝ်ၶမ်းလွတ်ႈငၢၼ်ႇ ႁဵတ်းပလၢင်ႇတီႈၽေႇဢပႅတ်ႈ ဢၼ်ၼႃႈယၢဝ်းမၼ်းမီးသွင်သွၵ်ႇၶိုပ်ႈ၊ ၼႃႈပွတ်းမၼ်းမီးသွၵ်ႇၶိုပ်ႈၼၼ်ႉဢေႃႈ။- 7မၼ်းဢဝ်ၶမ်းႁဵတ်းၶေႇရူႉၽဵမ်ႇသွင်ပႃးဢေႃႈ။ မၼ်းတွင်ႈႁဵတ်းလႄႈဝႆႉၵႃႈၼိူဝ်ပလၢင်ႇ တီႈၽေႇဢပႅတ်ႈ ၵႃႈတီႈၼႃႈပွတ်းမၼ်းၼၼ်ႉ ယေႈၽၢႆႇယေႈပႃးဢေႃႈ။- 8မၼ်းႁဵတ်းၶေႇရူႉၽဵမ်ႇပႃးၼိုင်ႈ ၵႃႈတီႈၼႃႈပွတ်းမၼ်းၽၢႆႇၼိုင်ႈ ဢိၵ်ႇတင်း ၶေႇရူႉၽဵမ်ႇပႃးၼိုင်ႈ ၵႃႈတီႈၼႃႈပွတ်းမၼ်းၽၢႆႇၼိုင်ႈဢေႃႈ။ မၼ်းႁဵတ်း ၵႃႈၼႂ်းတူဝ်ပလၢင်ႇတီႈၽေႇဢပႅတ်ႈၼၼ်ႉ ဢွၵ်ႇပဵၼ်ၶေႇရူႉၽဵမ်ႇသွင်ပႃး ယေႈၽၢႆႇယေႈပႃးဢေႃႈ။- 9ၶေႇရူႉၽဵမ်ႇသွင်ပႃးၼၼ်ႉ ၵီႈပိၵ်ႇၶဝ်ၶိုၼ်ႈၼိူဝ်လႄႈ ဢဝ်ပိၵ်ႇၶဝ်မုင်းႁူမ်ႇပလၢင်ႇ တီႈၽေႇဢပႅတ်ႈၼၼ်ႉယူႇ၊ ဝၢႆႇၼႃႈတေႃႇၵၼ်ယူႇသေလႄႈ တူၺ်းပလၢင်ႇတီႈၽေႇဢပႅတ်ႈၼၼ်ႉယူႇဢေႃႈ။

တၢင်းဢၼ်ႁဵတ်းၽိူၼ်ၸဝ်ႈပုၼ်ႈတႃႇသၢၵ်ႈလူႇၶဝ်ႈမုၼ်း

(တူၺ်း၊ ဢွၵ်ႇ 25:23-30)

10မၼ်းဢဝ်မႆႉဢၵႃႇသႃႉႁဵတ်းၶူင်ႇတီႈၵိၼ် ဢၼ်ၼႃႈယၢဝ်းမၼ်းမီးသွင်သွၵ်ႇ၊ ၼႃႈပွတ်းမၼ်းသွၵ်ႇၼိုင်ႈ၊ ဢၼ်သုင်မၼ်း သွၵ်ႇၶိုပ်ႈဢေႃႈ။

11မၼ်းဢဝ်ၶမ်းလွတ်ႈငၢၼ်ႇဢုမ်ႇႁေႃႇမၼ်းလႄႈ ႁဵတ်းၶိူင်ႈၶႅပ်းၶမ်းဢၼ်လဵပ်ႈႁွပ်ႈၵႃႈတီႈၼိူဝ်ႁိမ်းမၼ်းသေဢေႃႈ။- 12မၼ်းႁဵတ်းၶႃႇပၢၼ်း ဢၼ်ၼႃႈပွတ်းမၼ်းမီးၽႃႇမိုဝ်းၼိုင်ႈဢိၵ်ႇတင်းၶိူင်ႈၶႅပ်းၶမ်း ဢၼ်လဵပ်ႈႁွပ်ႈၵႃႈတီႈၼိူဝ်ႁိမ်းမၼ်းၼၼ်ႉဢေႃႈ။- 13ၶူၺ်ႇၶမ်းသီႇၶူၺ်ႇၵေႃႈ မၼ်းလေႃႇႁဵတ်းလႄႈ ဢဝ်ၶူၺ်ႇၸိူဝ်းၼၼ်ႉသႂ်ႇဝႆႉ ၵႃႈတီႈသီႇၸဵင်ႇမၼ်း ဢၼ်မီးၵႃႈၼိူဝ်တိၼ်မၼ်း သီႇၶွၼ်ၼၼ်ႉဢေႃႈ။- 14ၶူၺ်ႇၶမ်းၸိူဝ်းၼၼ်ႉ မီးၵႃႈတီႈႁိမ်းၶႃႇပၢၼ်းလႄႈ ပဵၼ်တီႈယူႇၵၢၼ်းႁၢပ်ႇပုၼ်ႈဢၼ် တၵ်းႁၢပ်ႇၶူင်ႇတီႈၵိၼ်ၼၼ်ႉဢေႃႈ။- 15ပုၼ်ႈဢၼ်တၵ်းလႆႈဢဝ်ႁၢပ်ႇ ၶူင်ႇတီႈၵိၼ်ၼၼ်ႉၸိုင်၊ မၼ်းဢဝ်မႆႉဢၵႃႇသႃႉႁဵတ်းၵၢၼ်းႁၢပ်ႇလႄႈဢဝ်ၶမ်းလွတ်ႈငၢၼ်ႇဢုမ်ႇႁေႃႇသေဢေႃႈ။- 16ၶိူင်ႈဢၼ်မီးၵႃႈၼိူဝ်ၶူင်ႇတီႈၵိၼ်ဢၼ်ဝႃႈ မေႃႈဢႅင်ႇလႂ်၊ ၸေႃႉလႂ်၊ ၵွၵ်းဢႅင်ႇပုၼ်ႈဢၼ်တၵ်းထွၵ်ႇတၵ်းႁိုဝ်ႈလႂ် ဢိၵ်ႇတင်းၵွၵ်းလႂ်ၸိူဝ်းၼၼ်ႉၵေႃႈ မၼ်းဢဝ်ၶမ်းလွတ်ႈငၢၼ်ႇႁဵတ်းဢေႃႈ။

တၢင်းဢၼ်ႁဵတ်းၶူင်ႇတီႈတႆႈၽႆး

(တူၺ်း၊ ဢွၵ်ႇ 25:31-40)

17ၶူင်ႇတီႈတႆႈၽႆးၵေႃႈ မၼ်းဢဝ်ၶမ်းလွတ်ႈငၢၼ်ႇႁဵတ်းဢေႃႈ။ မၼ်းတွင်ႈႁဵတ်းၶူင်ႇတီႈတႆႈၽႆးၼၼ်ႉၸႃႉၸဵမ်တိၼ်မၼ်းတင်းသဝ်မၼ်းဢေႃႈ။ ၵွၵ်းမၼ်း၊ ပုမ်ႇမၼ်းတင်းမွၵ်ႇမူဝ်မၼ်းၸိူဝ်းၼၼ်ႉ ဢွၵ်ႇၵႃႈၼႂ်းတူဝ်မၼ်း ပဵၼ်ၼိူဝ်ႉလဵဝ်ၵၼ်တင်းမၼ်းဢေႃႈ။- 18ၵိင်ႇႁူၵ်းၵိင်ႇတႅၵ်ႇဢွၵ်ႇၵႃႈတီႈသွင်ၽၢၵ်ႇၶၢင်ႈမၼ်း၊ ၽၢႆႇၼိုင်ႈ ၵိင်ႇၶူင်ႇတီႈတႆႈၽႆးသၢမ်ၵိင်ႇ၊ ၽၢႆႇၼိုင်ႈ ၵိင်ႇၶူင်ႇတီႈတႆႈၽႆးသၢမ်ၵိင်ႇဢေႃႈ။- 19ၽၢႆႇၼိုင်ႈၵႃႈတီႈၵိင်ႇမၼ်းၵိင်ႇၼိုင်ႈမီးၵွၵ်းသၢမ်လုၵ်ႈ ဢၼ်မိူၼ်ၸိူဝ်ႉၼင်ႇမၢၵ်ႇပႃႇတမ်ႇၼၼ်ႉ ဢိၵ်ႇတင်းပုမ်ႇမၼ်း တင်းမွၵ်ႇမူဝ်မၼ်းလႄႈ ၽၢႆႇၼိုင်ႈၵႃႈတီႈၵိင်ႇမၼ်းၵိင်ႇၼိုင်ႈ မီးၵွၵ်းသၢမ်လုၵ်ႈဢၼ်မိူၼ်ၸိူဝ်ႉၼင်ႇ မၢၵ်ႇပႃႇတမ်ႇၼၼ်ႉ ဢိၵ်ႇတင်းပုမ်ႇမၼ်းတင်းမွၵ်ႇမူဝ်မၼ်းဢေႃႈ။ ၼင်ႇၼၼ်လႄႈ ပဵၼ်တီႈၵိင်ႇႁူၵ်းၵိင်ႇ ဢၼ်တႅၵ်ႇဢွၵ်ႇၵႃႈတီႈၶူင်ႇတီႈတႆႈၽႆးၼၼ်ႉဢေႃႈ။- 20ၵႃႈတီႈတူဝ်သဝ်ၶူင်ႇတီႈတႆႈၽႆးၼၼ်ႉၵေႃႈ မီးၵွၵ်းသီႇလုၵ်ႈဢၼ်မိူၼ်ၸိူဝ်ႉၼင်ႇ မၢၵ်ႇပႃႇတမ်ႇၼၼ်ႉ ဢိၵ်ႇတင်းပုမ်ႇမၼ်း တင်းမွၵ်ႇမူဝ်မၼ်းၸိူဝ်းၼၼ်ႉဢေႃႈ။- 21ပုၼ်ႈၵိင်ႇႁူၵ်းၵိင်ႇ ဢၼ်တႅၵ်ႇဢွၵ်ႇၵႃႈတီႈသဝ်ၶူင်ႇတီႈတႆႈၽႆးၼၼ်ႉ မီးပုမ်ႇၵႃႈတႂ်ႈငၢမ်ႈသွင်ၵိင်ႇ ဢၼ်ဢွၵ်ႇၵႃႈၼႂ်းတူဝ်မၼ်းလႄႈ ပဵၼ်ၼိူဝ်ႉလဵဝ်ၵၼ်တင်းမၼ်းၼၼ်ႉပုမ်ႇၼိုင်ႈ၊ ၵႃႈတႂ်ႈငၢမ်ႈသွင်ၵိင်ႇဢၼ်ဢွၵ်ႇၵႃႈၼႂ်းတူဝ်မၼ်းလႄႈ ပဵၼ်ၼိူဝ်ႉလဵဝ်ၵၼ်တင်းမၼ်းၼၼ်ႉပုမ်ႇၼိုင်ႈ၊ ၵႃႈတႂ်ႈငၢမ်ႈသွင်ၵိင်ႇဢၼ်ဢွၵ်ႇၵႃႈၼႂ်းတူဝ်မၼ်းလႄႈ ပဵၼ်ၼိူဝ်ႉလဵဝ်ၵၼ်တင်းမၼ်းၼၼ်ႉပုမ်ႇၼိုင်ႈဢေႃႈ။- 22ပုမ်ႇမၼ်းဢိၵ်ႇတင်းၵိင်ႇမၼ်းတင်းလၢႆ ပဵၼ်ၼိူဝ်ႉလဵဝ်ၵၼ်တင်းမၼ်းလႄႈ၊ ၶူင်ႇတီႈတႆႈၽႆးၼၼ်ႉတင်းသဵင်ႈတင်းမူတ်း ဢဝ်ၶမ်းလွတ်ႈငၢၼ်ႇတွင်ႈႁဵတ်းဢေႃႈ။- 23ဝၢၼ်ႇတႆႈၽႆးၸဵတ်းမႂ်ဢိၵ်ႇတင်း ၵိမ်းၺၢပ်ႈၽႆး တင်းၵွၵ်းပုၼ်ႈဢၼ်တၵ်းၶၢမ်ႇဢဝ် ဢၼ်ၺၢပ်ႈၽႆးပႅတ်ႈၼၼ်ႉၵေႃႈ မၼ်းဢဝ်ၶမ်းလွတ်ႈငၢၼ်ႇႁဵတ်းဢေႃႈ။- 24မၼ်းဢဝ်ၶမ်းလွတ်ႈငၢၼ်ႇတလၢၼ်ႇတၢၼ်ႇၼိုင်ႈ ႁဵတ်းၶူင်ႇတီႈတႆႈၽႆးဢိၵ်ႇတင်းၶိူင်ႈမၼ်းၵႃႈမီးတင်းသဵင်ႈတင်းလူင်ဢေႃႈ။

ႁဵတ်းၶဵင်ႇတၢင်းလူႇပုၼ်ႈတၵ်းတုတ်ႇၽႆးၼၢမ်ႇသႃႇ

(တူၺ်း၊ ဢွၵ်ႇ 30:1-5)

25ၼႄးၼိုင်ႈၸမ်ႉ၊ မၼ်းဢဝ်တင်းမႆႉဢၵႃႇသႃႉႁဵတ်းယိတ်ႈပလၢင်ႇ တီႈဢၼ်တၵ်းတုတ်ႇၽႆးၼၢမ်ႇသႃႇဢေႃႈ။ ယိတ်ႈပလၢင်ႇၼၼ်ႉ၊ ၼႃႈယၢဝ်းမၼ်းသွၵ်ႇၼိုင်ႈ ၼႃႈပွတ်းမၼ်းသွၵ်ႇၼိုင်ႈ ပဵၼ်သီႇၸဵင်ႇၶိုင်ႈလႄႈ၊ ဢၼ်သုင်မၼ်းမီးသွင်သွၵ်ႇဢေႃႈ။ ၶဝ်လႅမ်မၼ်းၵေႃႈ ပဵၼ်ၼိူဝ်ႉလဵဝ်ၵၼ်တင်းမၼ်းဢေႃႈ။- 26မၼ်းဢဝ်ၶမ်းလွတ်ႈငၢၼ်ႇဢုမ်ႇႁေႃႇၼႃႈၼိူဝ်မၼ်း၊ တင်းၼႃႈႁိမ်းမၼ်းတင်းၶဝ်လႅမ်မၼ်းၸိူဝ်းၼၼ်ႉလႄႈ ႁဵတ်းၶိူင်ႈၶႅပ်းၶမ်း ဢၼ်သႂ်ႇလဵပ်ႈႁွပ်ႈ ၵႃႈႁိမ်းၼိူဝ်မၼ်းသေဢေႃႈ။- 27ၵႃႈတႂ်ႈၶိူင်ႈၶႅပ်းၶမ်း ၵႃႈတီႈၸဵင်ႇယိတ်ႈပလၢင်ႇသွင်ၼႃႈၼၼ်ႉ မၼ်းႁဵတ်းၶူၺ်ႇၶမ်းသႂ်ႇယေႈၼႃႈသွင်ၶူၺ်ႇလႄႈ ပဵၼ်တီႈသွတ်ႇၵၢၼ်းပုၼ်ႈဢၼ်တၵ်းႁၢပ်ႇယိတ်ႈပလၢင်ႇဢေႃႈ။- 28ၵၢၼ်းၸိူဝ်းၼၼ်ႉၵေႃႈ မၼ်းဢဝ်မႆႉဢၵႃႇသႃႉ ႁဵတ်းလႄႈဢဝ်ၶမ်းလွတ်ႈငၢၼ်ႇဢုမ်ႇႁေႃႇသေဢေႃႈ။

တၢင်းဢၼ်ၽေႃႇႁဵတ်းၼမ်ႉမၼ်းဢၼ်သွၼ်းလေႃႇ

(တူၺ်း၊ ဢွၵ်ႇ 30:22-38)

29မၼ်းၽေႃႇႁဵတ်းၸိူဝ်ႉၼင်ႇဢၼ်မေႃယႃၶဝ် ၸၢင်ႈၽေႃႇႁဵတ်းယႃႈယႃၼၼ်ႉ၊ ၼမ်ႉမၼ်းဢၼ်မူတ်းၸၢင်ႇ ပုၼ်ႈဢၼ်တၵ်းတႃးၼၼ်ႉ ဢိၵ်ႇတင်း ၼၢမ်ႇသႃႇပုၼ်ႈဢၼ်တၵ်းတုတ်ႇၽႆး ဢၼ်ဢဝ်တင်းမဵဝ်းၼၢမ်ႇသႃႇ ၽေႃႇႁဵတ်းၸွမ်းၼင်ႇပိင်ႇၺႃႇမေႃယႃ ဢၼ်ၸၢင်ႈၽေႃႇႁဵတ်း ဢၼ်ႁွမ်ဢၼ်ႁူၺ်းၼၼ်ႉဢေႃႈ။

Currently Selected:

ဢွၵ်ႇၵႂႃႇ 37: CBMS

Highlight

Copy

Compare