OO MEYO ACHIMOOWIN ST MARK 9
9
PISKE̔TUSSINA̔HIKUN IX.
1Ākose omisse itāo, Tapwā k’ ititinawaw, Atee̔t ota ka nepowitchik, numoweya kitta koochistumwuk nippoowin, patima eyekoo̔k ke̔ wapu̔tu̔kwawe Muneto oot otānowewin kitta ooche̔chepuyeyik keke soo̔katissewin.
2Ākose ka̔ nikootwaso kesikak Jesus wechāwāo Petera, mena Jamesa, ussitche John, ākose itoo̔tahāo itta ā ispayik wutche ākut itta ā pāukootchik: ākose ke̔ meskoochenakoosew ā wapumikoot. 3Ākose oot ayoowinisa wasetāyewa, naspitch ā wapiskayikee tapiskooch koona; eyekoo̔k āka ookechistāka̔hikāo ota uskee̔k kitta ke̔ isse wapiske̔tat. 4Ākose otee̔tikwuk Eliasa ussitche Mosesa: mena weche peekiskwāmāwuk Jesusa. 5Ākose Peteā peekiskwāo mena omisse itāo Jesusa, Ookemaw, meywasin ota kitta ayayu̔k: keyam ne ga ose̔tanan nistoo mekeewa̔pa; pāuk keya o̔che, mena pāuk Moses o̔che, mena pāuk Elias o̔che. 6Chikāma āka ā kiskāye̔tu̔k tanse kitta itwāt; weya naspitch ā sākissitchik. 7Ākose wusko akowastāhookwuk: ākose ayumewin pā̔tumwuk wuskoo̔k o̔che, omisse ā itwāyik, Āwuko owa ka sakehuk ne’ Koosis: nutoo̔ta̔k. 8Ākose sissekooch, ispe waska ka̔ itapitchik, numoweya oweya owusimā wapumāwuk, piko Jesusa ā wechākootchik. 9Ākose ā pā nee̔tamutchewātchik wutchee̔k o̔che, kunomāo āka kitta we̔tumowayit oweya kāko kākwia ka̔ wapu̔tu̔kik, patima eyekoo̔k napāwe‐Koosisan ke̔ wuniskatche nippoowini̔k o̔che. 10Ākose ke̔ kunowāye̔tumwuk āwuko itwāwin, ā ka̔kukwāche̔tootchik kākwan āwuko wuniskawin nippoowini̔k o̔che.
11Ākose kukwāchimāwuk, omisse, Tanā̔kā oomussina̔hikāwuk wā̔che itwātchik Elias nekan kitta tukoosin? 12Ākose nuskwāwusehāo mena we̔tumowāo, Elias nekan tapwā tukoosin, mena ka̔keyow kākwi ooyustaw; mena tanse ā isse itussina̔hikatāk napāwe‐Koosisan o̔che, kitta kootāye̔tu̔k me̔chāt kākwiä, mena kitta atowayimee̔t. 13Maka k’ ititinawaw, Elias assi tapwā tukoosin, mena ke̔ totowāwuk piko ā itāye̔tu̔kik, ka isse itussina̔hikatāyik weya o̔che.
14Ākose ispe wāte̔tat oo kiskino̔humowakuna, wapumāo ookistukāwe ayiseyinewa ā wechāwayit, mena oomussina̔hikāwa ā ka̔kukwāchimayit. 15Ākose sāmak ka̔keyow ayiseyinewuk, ispe weäpumatchik, naspitch ke̔ mamuskatumwuk, ākose ā nachepa̔hatchik utumiskowāwuk. 16Ākose kukwāchimāo oomussina̔hikāwa, Kākwan ka kukwāchimākook? 17Ākose pāuk ookistukāwe ayiseyineeska̔k o̔che nuskwāwusehāo mena itwāo, Ookemaw, Ke ke̔ pātwatin ne’ koosis, ā ayawat a̔cha̔kwa āka ā ne̔tawāyit; 18Mena piko ittā wātee̔tinikootche, peekoopitik: mena peesetāwutamoo, mena kecheeskapitāo w’epita o̔che, mena utte kowa̔kutoosoo: mena ne ke̔ kukwāchimawuk ke kiskino̔humowakunuk kitta wuyoweetissa̔watchik; ākose numoweya ke̔ kuske̔tawuk. 19Nuskwāwusehāo, mena omisse itwāo, O āka wātapwā̔tumoowineyāk aniskā peā o̔cheyāk, taneyekoo̔k kinwās kā wechātukook? taneyekoo̔k kinwās kā pāhitukook? pātoowik neya. 20Ākose pātoowāwuk: ākose ispe wëapumat, sāmak a̔cha̔kwa peekoopitik; mena pu̔kissin uskee̔k, mena ti̔tipeew ā peesetāwutamoot. 21Ākose kukwāchimāo o̔o’ taweyewa, Taneyekoo̔k uspin oma ka ke̔ otee̔tikoot? Ākose omisse itwāyewa, Ā owasisewit o̔che. 22Mena me̔chātwaw ke̔ muchoostāwāpinik, mena ke̔ pukustowāwāpinik, kitta nissewunachehikoot: maka keespin kākwi kā ke̔ kuske̔tawunā, kitimaninowinan, mena wechehinan. 23Jesus omisse itāo, Keespin ke ga ke̔ tapwā̔tān, ka̔keyow kākwiä wā̔tuneyewa una ka tapwā̔tu̔k. 24Ākose sāmak o̔o’ taweya una owasis tāpwāo, mena omisse itwāo ā o̔chekowapit, Tāpāye̔chekāyun, ne tapwā̔tān; weche̔ta numma ne tapwā̔tumoowin. 25Ispe Jesus weäpu̔tu̔k ayiseyinewa ā pā mamowepa̔hitooyit, kitootāo a̔cha̔kwa āka ka pā̔kisseyit, omisse ā itat, Keya āka nā̔tawāyun mena kākāpe̔tāyun a̔cha̔k, ke see̔kimitin, kitta pā wuyoweewut w’eyowi̔k o̔che, mena ākaweya mena pee̔tokwā w’eyowi̔k. 26Ākose a̔cha̔k tāpwāo, mena peekopitāo naspitch, mena pā wuyoweew w’eyoweyee̔k o̔che: ākose tapiskooch oweyuk ā nippit ke̔ isse ayaw; eyekoo̔k issa piko me̔chāt ā itwātchik, Nippew. 27Maka Jesus sukechee̔chānāo, mena oo̔pināo; ākose wuniskayewa. 28Ākose ispe ka̔ pee̔tokwāt waskahikuni̔k, oo kiskino̔humowakuna kukwāchimik ā pāukootchik, Tanā̔kā neyanan āka ka ke̔ o̔che wuyoweetissa̔wukee̔t? 29Ākose omisse itāo, Oomatoowa numoweya pikonuta kākwi o̔che wuyoweew, piko a umehawin mena kowu̔kutāhoowin o̔che.
30Ākose ākota o̔che sipwā̔tāwuk, mena utte kupiskumwuk Galilee; mena ke̔ itāye̔tum āka oweya kitta kiskāye̔tumeyit. 31Weya ā ke̔ kiskino̔humowat oo kiskino̔humowakuna, mena omisse ā ke̔ itat, Napāo oo’ Koosisan pukitinaw oo’ chee̔cheewa̔k isse ayiseyinewuk, mena kitta nippa̔hāwuk: mena ke̔ nippa̔hee̔tche, kitta wuniskaw ke̔ nistoo kesikayikee. 32Maka numoweya ke̔ nisseto̔tumwuk āwuko itwāwin, mena ke̔ nune̔chewuk kitta kukwāchimatchik.
33Ākose pā itoo̔tāo Capernaumi̔k: mena pee̔che waskahikuni̔k ā ayat kukwāchimāo, Kākwan une ka ke̔ pāche ayimootumatooyāk māskuna̔k? 34Maka numoweya kitoowuk: chikāma māskuna̔k weyawaw kā̔chewak oo ke̔ ayimootumatoo̔tawaw, owāna kā mawutche kistāye̔takoosit. 35Ākose na̔uppew, mena nutoomāo metatu̔t nesoosap, mena omisse itāo, Keespin oweyuk nutowāye̔tum kitta nekaneet, āwuko mawutche iskwayach kā ayat, mena kitta utooskāyakunewew mamowe. 36Ākose otināo owasisa, mena a̔yāo tātawitch oo kiskino̔humowakuna: mena ispe ka̔ otinat oo’ spitooni̔k, omisse itāo, 37Piko oweyuk kā otinakwā pāuk ākotoowe owasisa ne we̔yoowini̔k, n’ otinik neya; mena piko oweyuk kā otinit, numoweya neya n’ otinik, maka unehee ka ke̔ pā isitissa̔hooyit.
38Ākose John nuskwāwusehāo, omisse ā itwāt, Ookemaw, ne ke̔ wapumanan pāuk ā wuyoweetissa̔wat muche a̔cha̔kwa ke we̔yoowini̔k, mena numoweya ke pimitissa̔hookoonow: mena ne ke̔ kita̔humowanan, chikāma numoweya ke pimitissa̔hookoonow. 39Maka Jesus omisse itwāo, Ākaweya kita̔huma̔k: chikāma numoweya oweyuk e̔taw kā totu̔k mamuskatche isse̔chekāwin ne we̔yoowini̔k, kā ke̔ sāmak muche ayimoomit. 40Chikāma una āka ka nayā̔tawehikooyu̔k ke wechehikoonow. 41Weya piko oweyuk kā meeyikooyāk ā sakuskināyik mini̔kwakuni̔k nippe ne we̔yoowini̔k, chikāma Christ ā ootayanimimikooyāk, tapwā k’ ititinawaw, numoweya kitta wune̔taw oo tipa̔humakoowin. 42Mena piko oweyuk kā nayā̔tawehat pāuk okoo upistche aya ka tapwā̔toweyit, owusimā kitta meywasineyew weya o̔che keespin pinnepoochekune‐ussineea ukootimee̔t oo’ kwya̔k, mena pukustowāwāpinee̔t wenepākoo̔k. 43Mena keespin ke’ chee̔chee ke nayā̔tawehikoon, munisa: owusimā meywasin keya o̔che kitta pee̔tokwāyun pimatissewini̔k ā maskisseyun, ispee̔ch ā ayayun nesoo me chee̔cheëa kitta itoo̔tāyun muche iskootā̔k, itta iskootāo āka we̔kach kā astowāk: 44Itta oo munechoosimewawa āka kā nippeyit, mena iskootāo āka kā astowāk. 45Mena keespin ke’ sit ke nayā̔tawehikoon, munisa: owusimā meywasin keya o̔che kitta pee̔tokwāyun pimatissewini̔k ā maskisseyun, ispee̔ch ā ayayun nesoo me sita kitta issewāpinikoweyun muche iskootā̔k, itta iskootāo, āka we̔kach kā astowāk: 46Itta oo munechoosimewawa āka kā nippeyit, mena iskootāo āka kā astowāk. 47Mena keespin ke’ skesik ke nayā̔tawehikoon, munepita: owusimā meywasin keya o̔che kitta pee̔tokwäyun Muneto oot otānowini̔k ā pāukwu̔k ke’ skesik, ispee̔ch ā ayayun nesoo me’skesikwa kitta issewāpinikoweyun muche iskootā̔k: 48Itta oo munechoosimewawa āka kā nippeyit, mena iskootāo āka kā astowāk. 49Weya ka̔keyow oweyuk kitta sewe̔takuna̔hoo̔t iskootāo o̔che, mena tu̔to muchoostāhumatoowin kitta sewe̔takuna̔hikatāk sewe̔takun o̔che. 50Sewe̔takun meywasin: maka keespin sewe̔takun ka̔ wune̔tamuku̔ke oo sewe̔takuna̔hikāwin, tanta kā ke̔ isse sewe̔takunahumāk? Kekeskumook sewe̔takun, mena meyo oototāme̔took.
Currently Selected:
OO MEYO ACHIMOOWIN ST MARK 9: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
