Kwidika 8
8
Chipupu chayuula
1Yehova wamwilili Mosi, nindi, Yaku mwadiyi Fwaro wumwili neyi, Tiya chanahoshiyi Yehova, nindi, Yileki antu ami ayi, akankalakeli.
2Neyi kwonti kweyi kuyileka, nukubabesha ituŋa deyi dejima nayuula.
3Mukaloŋa mukusweja nankashi kuvula yuula, yikukandukamu yikwiŋila mwitala deyi, nimwitala deyi damukachi dakukama lwe-e, nihakadidi keyi, yikwiŋila nimumatala awambuŋeyi, yikuya nihadi antu eyi, nimumajiku eyi, nimunuŋu jeyi.
4Yuula yikuya nihadeyi, nihadi antu eyi, nihadi ambuŋeyi ejima.
5Yehova wamwilili Mosi, nindi, Mwili Aroni neyi, Ololaku chikasa cheyi namukombu weyi hatuloŋa twamaneni, nihatuloŋa twanyanya, nihamajiya, wukandwishumu yuula yiyi mwituŋa daEjipitu.
6Aroni wolweli chikasa chindi hamenji amuEjipitu, #Mas 78:45; 105:30yuula yakandukilumu, yajikili ituŋa daEjipitu wi-i.
7Atutepa niwena elili chochimu nawaŋa wawu, akandwishilumu yuula, yayili mwituŋa daEjipitu.
8Fwaro watambikili Mosi naAroni, wayilili nindi, Mulembelelenu Yehova amfumishili yuula, ayifumishi nikudi antu ami, ami nukuyileka antu akuya akamuketwili Yehova yimuna.
9Mosi wamwilili Fwaro, nindi, ami nakwinkeyi wanta wakutonda ifuku dinakakulembelelaku eyi, niambuŋeyi, niantu eyi, kulonda yuula yikisiki yifumi nihadi eyi, nimumataleyi, yishali kwamukaloŋa hohu.
10Yena nindi, Kumadiki. Mosi nindi, Chakamwekana mwomuwunahoshi, kulonda wakeluki neyi hikwekala #9:14; Kuhit 33:26; 2 Sam 7:22; Mas 86:8; Isa 46:9; Yer 10:6-7wakweseka naYehova Nzambi yetuku.
11Yuula yakafuma nihadeyi, nimumataleyi, nihadi ambuŋeyi, nihadi antu eyi; yakashala kwamukaloŋa hohu.
12Mosi naAroni edikili mwadiŋiyi Fwaro. Mosi watambikili kudi Yehova hansaŋu yayuula yamuleteleliyi Fwaro.
13Yehova welili mwomwahosheliyi Mosi; yuula yafwili nzo-o nimumatala, nimuyipaŋu, nimumaha.
14Ayikuŋwili hamu nyilumba nyilumba, ituŋa dinunka nikununka fwe-te-ti.
15Chamweniyi Fwaro kunawundi dehi, wadikaŋili mumuchima windi, hayitejeluku, mwomwahosheliyi Yehova.
Chipupu chambaleli
16Yehova wamwilili Mosi, nindi, Mwili Aroni neyi, Ololaku mukombu weyi, weti halunkuŋu lwahamaseki, lubalumuki mbaleli mwejima mwahita ituŋa daEjipitu.
17Dichi cheliluwu. Aroni wolweli chikasa chindi namukombu windi, weteli halunkuŋu lwahamaseki, hikukwila mbaleli nihadi antu, hihadi anyama; lunkuŋu lwejima lwahamaseki lwabalumukili mbaleli hohu mwejima mwahita ituŋa daEjipitu.
18Atutepa elili chochimu nawaŋa wawu, nawu aleti mbaleli, hiyatwesheluku. Kwadiŋi #Mas 105:31mbaleli nihadi antu, nihadi anyama.
19Atutepa amwilili Fwaro, nawu, Iwu himunu waNzambi. Muchima waFwaro wachinchikili, hayitejeluku, mwomwahosheliyi Yehova.
Chipupu chawanjinji
20Yehova wamwilili Mosi, nindi, Wakamenekesha budidi, wakemani kumesu aFwaro; wakamuwana hakuya kumenji; wakamwili neyi, Tiya chanahoshiyi Yehova, nindi, Yileki antu ami ayi akankalakeli.
21Neyi kwonti kweyi kuyileka antu ami, ami nakatemesha malembu awanjinji hadeyi, nihadi ambuŋeyi, nihadi antu eyi, nimumataleyi; mumatala awaEjipitu mwakenzala to-o malembu awanjinji, nihamaseki hakeyila bwi-i diwu hohu.
22Denodu ifuku #9:4, 6, 26; 10:23; 11:7nakambulaku ituŋa daGosheni dáshakama antu ami, kulonda mwakabuli kwikala malembu awanjinji, kulonda wakeluki neyi ami yami Yehova hakachi #9:29; 19:5; 20:11kamaseki.
23Hadi antu ami nahadi antu eyi nakambula hakachi. Chinjikijilu ochu chakamwekana kumadiki.
24Dichi cheliliyi Yehova. Kwenjili malembu aweni #Mas 78:45; 105:31awanjinji, eŋilili mwitala daFwaro, nimumatala awambuŋindi, nimwituŋa daEjipitu dejima, ituŋa datokeli bu-lu-lu namalembu awanjinji.
25Fwaro watambikili Mosi naAroni, wayilili nindi, Yenu mumuketwili Nzambi yenu yimuna munu mwituŋa.
26Mosi welili nindi, Hichikuwaha kwila chochochuku, muloŋa chitwakamuketwila Yehova Nzambi yetu yimuna aEjipitu akatumona tunashimani chikupu. Etu twakaketuli yimuna twakashimana kumesu awaEjipitu. Hiyakatwasa malolaku?
27Chiŋa twakaya muchinkalampata kwakulehi kwakwenda mafuku asatu, twakamuketwila Yehova Nzambi yetu yimuna, mwomwakatulejayi.
28Kuchinka Fwaro nindi, Nukuyileka mukuya mumuketwili Yehova Nzambi yenu yimuna muchinkalampata; bayi muya dinu kwakulehi nankashuku. Nlembelelenuku.
29Mosi nindi, Tiya, ami nukukushiya, nukuya nimulembeleli Yehova kulonda malembu awanjinji akafumi kudi Fwaro, nikudi ambuŋindi, nikudi antu indi, kumadiki. Ilaŋa dinu Fwaro bayi akadimbana cheŋi nakubula kuyileka antu ayi nakumuketwila Yehova yimunaku.
30Mosi wamushiyili Fwaro, wayili nakumulembelela Yehova.
31Yehova welili mwomwahosheliyi Mosi, wafumishiluku malembu awanjinji kudi Fwaro, nikudi ambuŋindi, nikudi antu indi, hikwasheli njinji niyimuku.
32Fwaro wadikaŋili mumuchima windi nikapampa kakwawu aka nawa, hayilekeli antuku.
Currently Selected:
Kwidika 8: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
