ڢِتُواْوَ 12
12
أَنْ كَڢَ بِكٍ ڧٜىٰتَرٜىٰوَ
1سَيْ يَهْوٜىٰهْ يَثٜىٰ وَ مُوسَٰى دَ هَٰرُونَ سَعَدَّ سُنَ عَثِكِنْ ڧَسَرْ مَصَرْ تُكُنَ،#لِـ ڢِرْ 23.5؛ لِـ ڧِدْ 9.1-5؛ 28.16؛ مَيْ شَـ 16.1-2 2«دَغَ يَنْذُ، وَنَّنْ وَتَ ذَيْ ذَمَ وَتَ نَڢَرْكُواْ نَوَتَنِّنْ شٜىٰكَرَا أَغَرٜىٰكُ؞ 3أَ سَنَرْوَ دُكَنْ جَمَعَرْ إِسْرَٰٓءِيلَ ثٜىٰوَ أَ رَانَ تَغُواْمَ تَوَنَّنْ وَتَ، كُواْوَنٜىٰ مُتُمْ يَطَوْكِ طَنْ ضَغُواْ كُواْ طَنْ عَكُيَ دَغَ ثِكِنْ غَرْكٜىٰ دُواْمِنْ عِيَلِنْسَ دَبَّ طَيَ دُواْمِنْ كُواْوَنٜىٰ غِدَا؞ 4عِدَنْ أَݣَويْ وَنِ عِيَلِنْ دَ بَذَيْ عِيَ ثِنْيٜىٰ دَبَّ طَيَ طُنْغُمْ بَ، سَبُواْدَ بَسُيِيَوَ أَ عِيَلِنْبَ، تُواْ، سَيْ سُهَطَكَيْ تَرٜىٰدَ وَنِ عِيَلِنْ دَسُكٜىٰ ذَمَ كُرْكُسَ؞ ذَاعَ رَبَ دَبَّ بِسَغَ يَوَنْ مُتَنٜىٰنْ دَ ذَاسُثِ؞ 5دُواْلٜىٰنٜىٰ طَنْ ضَغُوانْ يَكَسَنْثٜىٰ مَرَرْ تَبُواْ، مَيْ شٜىٰكَرَا طَيَ؞ كُنَ عِيَ ذَاٻَرْسَ دَغَ غَرْكٜىٰنْ تُمَكِ كُواْ نَأَوَكِ؞ 6ذَاكُ لُورَ دَ طَنْ ضَغُواْنَّنْ حَرْ رَانَ تَغُواْمَشَا حُطُ تَوَنَّنْ وَتَ؞ سَعَنً دُكَنْ تَارُوانْ جَمَعَرْ إِسْرَٰٓءِيلَ ذَاسُ يَنْكَ یَنْ رَغُنَ دَ يَمَّ؞ 7سَعَنً سُطِبَ دَغَ ثِكِنْ جِنِنْ، سُشَاڢَ تَسَمَنْ كَتَكُوانْ ڢِرَمْ دَ غٜىٰڢٜىٰ غٜىٰڢٜىٰنْ ڧُواْڢُواْڢِنْ غِدَاجٜىٰنْ دَ ذَاسُثِ نَامَنْ؞ 8أَ دَرٜىٰنَّنْ ذَاسُ غَسَ طَنْ ضَغُوانْ أَوُتَا، ذَاسُثِ نَامَنْ تَرٜىٰدَ غُرَاسَرْ مَرَرْ يِسْتِ دَ غَنْيَيٜىٰ مَاسُ طَاثِ؞ 9بَذَاعَثِ نَامَنْ طَنْيٜىٰ بَ كُواْ أَدَڢَ شِ دَ ضُوَ بَ، عَمَّا ذَاعَ غَسَ نَامَنْ دُكَ تَرٜىٰدَكَيْ دَ ڧَڢَاڢُنْ دَ كُمَ كَايَنْ ثِكِنْ؞ 10كَدَ كُبَرْ كُواْمٜىٰ يَكَيْ غُواْبٜىٰ؞ دُكْ أَبِنْدَ يَرَغُ حَرْ سَڢٜىٰ سَيْ كُڧُواْنٜىٰشِ؞ 11غَا يَدَّ ذَاكُثِ نَامَنْ، كُيِ طَمَرَ دُواْمِنْ شِرِنْ تَڢِيَ دَ تَاكَلْمَ عَڧَڢَاڢُنْكُ، كُنَ رِڧٜىٰ دَ سَنْدَنْ تَڢِيَرْكُ أَ حَنُّنْكُ دَ سَوْرِ ذَاكُثِ، غَمَا وَنَّنْ بِكٍ ڧٜىٰتَرٜىٰوَ نَ يَهْوٜىٰهْ نٜىٰ؞
12«أَ دَرٜىٰنَّنْ ذَنْبِے تَثِكِنْ ڧَسَرْ مَصَرْ، إِنْكُمَ كَكَّشٜىٰ كُواْوَنٜىٰ طَنْ ڢَارِ عَڧَسَرْ مَصَرْ، طَنْ ڢَارِ نَمُتُمْ دَ نَدَبَّ؞ ذَنْ حُكُنْتَ دُكَنْ أَلُّواْلِنْ مَصَرْ، غَمَا نِنٜىٰ يَهْوٜىٰهْ؞ 13جِنِنْ دَ كُكَ شَاڢَ عَكَتَكَنْ ڢِرَمْ نَڧُواْڢُواْڢِنْكُ ذَيْ ذَمَ عَلَمَ عَكَنْ غِدَاجٜىٰنْ دَ كُكٜىٰ دَ ذَمَ؞ سَعَدَّ نَغَ جِنِنْ، ذَنْ ڧٜىٰتَرٜىٰ غِدَاجٜىٰنْكُ، كُمَ بَابُ بَلَعِنْ دَ ذَيْ هَلَكَاكُ، لُواْكَثِنْدَ نَهَلَّكَ ڧَسَرْ مَصَرْ؞ 14رَانَرْ نَنْ ذَاتَ ذَمَ مُكُ رَانَرْ تُنَاوَا؞ ذَاكُ دِنْغَ يِنْ بِكِنْتَ تَسُجَّدَ غَ يَهْوٜىٰهْ؞ دَغَ نَنْ حَرْ إِيَاكَرْ ڟَارَرَّكِنْكُ ذَاكُ كِيَايٜىٰتَ، غَمَا وَنَّنْ يَا ذَمَ ڧَٰعِدَثٜىٰ تَدِنْدِنْدِنْ؞»#ڢِتْ 23.15؛ 34.18؛ لِـ ڢِرْ 23.6-8؛ لِـ ڧِدْ 28.17-25؛ مَيْ شَـ 16.3-8
بِكٍ غُرَاسَرْ مَرَرْ يِسْتِ
15 يَهْوٜىٰهْ يَثٜىٰ «ذَاكُيِ ݣُونَ بَݣَويْ كُنَ ثِنْ غُرَاسَرْ مَرَرْ يِسْتِ؞ أَ رَانَ تَڢَرْكُواْ ذَاكُ كَوَرْدَ يِسْتِ دَغَ غِدَاجٜىٰنْكُ؞ غَمَا دُكْ وَنْدَ يَثِ غُرَاسَ مَيْيِسْتِ تُنْدَغَ رَانَ تَڢَرْكُواْ تَبِكٍ حَرْ ذُوَا رَانَ تَبَݣَويْ، ذَاعَ كَوَرْ دَشِ دَغَ ثِكِنْ جَمَعَرْ إِسْرَٰٓءِيلَ؞#1 كُوارْ 5.7 16أَ رَانَ تَڢَرْكُواْ تَبِكٍ دَ كُمَ أَ رَانَ تَبَݣَويْ، ذَاكُيِ تَارُواْ مَيْ ڟَرْكِے؞ بَذَاعَيِ وَنِ عَيْكِ عَثِكِنْ وَطَنَّنْ ݣُونَكِے بَ، سَيْدَيْ شِرِنْ أَبِنْدَ ذَاعَ ثِ؞ 17ذَاكُ كِيَايٜىٰ وَنَّنْ بِكٍ غُرَاسَرْ مَرَرْ يِسْتِ، غَمَا أَوَنَّنْ رَانَ نَڢِتَرْ دَكُو دَغَ ڧَسَرْ مَصَرْ ڧُنْغِيَ ڧُنْغِيَ؞ دَغَ نَنْ حَرْ إِيَاكَرْ ڟَارَرَّكِنْكُ، ذَاكُ كِيَايٜىٰ وَنَّنْ رَانَ، غَمَا وَنَّنْ يَا ذَمَ ڧَٰعِدَ ثٜىٰ تَدِنْدِنْدِنْ؞ 18عَثِكِنْ وَتَ نَڢَرْكُواْ دَغَ يَمَّ تَرَانَ تَغُواْمَشَا حُطُ ذُوَا يَمَّ تَرَانَ تَعَشِرِنْ دَ طَيَ، ذَاكُثِ غُرَاسَرْ مَرَرْ يِسْتِ؞ 19عَثِكِنْ وَطَنَّنْ ݣُونَكِے بَݣَويْ، بَذَاعَ تَرَرْ دَ كُواْ عَلَمَرْ يِسْتِ أَغِدَاجٜىٰنْكُبَ؞ دُكْ وَنْدَ عَكَ سَامٜىٰشِ يَنَ ثِنْ أَبِنْدَ يَكٜىٰدَ يِسْتِ، ذَاعَ كَوَرْ دَشِ دَغَ جَمَعَرْ إِسْرَٰٓءِيلَ، كُواْ شِ بَڧُواْ نٜىٰ كُواْ شِ طَنْ ڧَسَا نٜىٰ؞ 20دُكْ عِنْدَ كُكٜىٰدَ ذَمَ، بَذَاكُثِ وَنِ أَبِنْدَ يَكٜىٰدَ يِسْتِبَ، سَيْدَيْ غُرَاسَرْ مَرَرْ يِسْتِ؞»
بِكٍ ڧٜىٰتَرٜىٰوَ
21مُوسَٰى يَا كِرَا دُكَنْ دَتَّاوَنْ إِسْرَٰٓءِيلَ يَا ثٜىٰ «كُتَڢِے كُذَاٻَا وَ عِيَلَنْكُ طَنْ ضَغُواْ كُواْ طَنْ عَكُيَ، كُيَنْكَ دُواْمِنْ بِكٍ ڧٜىٰتَرٜىٰوَ؞ 22كُواْوَنّٜىٰنْكُ يَطَوْكِ سُواْسُوانْ إِظُوابْ، يَڟُواْمَ ثِكِنْ جِنِنْ طَنْ ضَغُوانْ دَيَكٜىٰ ثِكِنْ ݣُونُواْ، سَيْ كُيَيَّڢَا جِنِنْ عَكَنْ سَمَنْ كَتَكَنْ ڢِرَمْ دَ غٜىٰڢٜىٰ غٜىٰڢٜىٰنْ ڧُواْڢُواْڢِنْكُ؞ كَدَ وَنِ دَغَ ثِكِنْكُ يَڢِتَ دَغَ ثِكِنْ غِدَنْسَ حَرْ وَايٜىٰوَرْ غَرِ؞ 23غَمَا يَهْوٜىٰهْ ذَيْبِے تَثِكِنْ ڧَسَرْ دُواْمِنْ يَكَكَّشٜىٰ مَصَرَاوَا؞ عَمَّا سَعَدَّ يَغَ جِنِنْ عَكَنْ سَمَنْ كَتَكُوانْ ڢِرَمْ دَ غٜىٰڢٜىٰ غٜىٰڢٜىٰنْ ڧُواْڢَرْ، يَهْوٜىٰهْ ذَيْ ڧٜىٰتَرٜىٰ وَنَّنْ ڧُواْڢَ، كُمَ بَذَيْ بَرْ مَيْ هَلَّكَرْوَ يَشِغَ غِدَاجٜىٰنْكُ يَكَكَّشٜىٰ یَیَنْ ڢَارِنْكُبَ؞#إِبْرَ 11.28 24ذَاكُ كِيَايٜىٰ وَنَّنْ غَمَا يَا ذَمَ ڧَٰعِدَ ثٜىٰ تَدِنْدِنْدِنْ أَغَرٜىٰكُ دَ یَیَنْكُ؞ 25سَعَدَّ كُكَ شِغَ ڧَسَرْدَ يَهْوٜىٰهْ يَيِ مُكُ أَلْڧَوَرِ ذَيْبَاكُ، ذَاكُ دِنْغَ كِيَايٜىٰ وَنَّنْ ڧَٰعِدَرْ سُجَّدَ؞ 26سَعَدَّ یَیَنْكُ سُكَيِ تَمْبَيَ سُثٜىٰ، ‹مٜىٰنٜىٰنٜىٰ مَنُڢَرْ وَنَّنْ ڧَٰعِدَرْ سُجَّدَ؟› 27سَيْكُ أَمْسَ كُثٜىٰ، ‹وَنَّنْ هَدَايَثٜىٰ تَبِكٍ ڧٜىٰتَرٜىٰوَ نَ يَهْوٜىٰهْ، غَمَا يَا ڧٜىٰتَرٜىٰ غِدَاجٜىٰنْ إِسْرَٰٓءِيلَ عَثِكِنْ مَصَرْ؞ كُواْدَيَكٜىٰ يَا كَكَّشٜىٰ مَصَرَاوَا، بَيْتَٻَ غِدَاجٜىٰنْمُبَ؞› » سَيْ دُكَنْ جَمَعَ سُكَ دُرْڧُسَ سُكَيِ سُجَّدَ؞
28سَيْ إِسْرَٰٓءِيلَاوَا سُكَ تَڢِے سُكَيِ يَدَّ يَهْوٜىٰهْ يَعُمَرْثِ مُوسَٰى دَ هَٰرُونَ؞
بَلَعِ نَغُواْمَ: مُتُوَرْ یَیَنْ ڢَارِ
29دَ ڟَكَرْ دَرٜىٰ سَيْ يَهْوٜىٰهْ يَكَكَّشٜىٰ دُكَنْ یَیَنْ ڢَارِ عَثِكِنْ ڧَسَرْ مَصَرْ دَغَ طَنْ ڢَارِ نَ ڢِرْعَوْنَ، ڢِرْعَوْنَ وَنْدَ يَكٜىٰ ظَوْنٜىٰ عَكُجٜىٰرَرْ مُلْكِ، ذُوَا طَنْ ڢَارِ نَوَنْدَ عَكَ طَوْرٜىٰ عَكُرْكُكُ، حَرْ ذُوَا كُواْوَنٜىٰ طَنْ ڢَارِ نَدَبَّ؞#ڢِتْ 4.22 30ڢِرْعَوْنَ يَا تَاشِ دَ دَرٜىٰ، شِ دَ دَتَّاوَنْسَ دَ دُكَنْ مَصَرَاوَا؞ سَيْ كُوكَا مَيْ ڟَنَنِ يَتَاشِ كُواْعِنَ عَثِكِنْ ڧَسَرْ مَصَرْ، غَمَا بَابُ غِدَنْ دَ بَعَيِ مُتُوَبَ؞ 31سَيْ ڢِرْعَوْنَ يَسَا عَكَ كِرَا مُوسَٰى دَ هَٰرُونَ دَ دَرٜىٰنَّنْ يَثٜىٰ «تَاشِ! كُڢِتَ كُبَرْ مُتَنٜىٰنَ، كُو دَ جَمَعَرْكُ إِسْرَٰٓءِيلَ! كُتَڢِے كُيِ وَ يَهْوٜىٰهْ سُجَّدَ، كَمَرْ يَدَّ كُكَ ڢَطَا؞ 32كُݣُوشِ غَرْكُنَنْكُ نَتُمَكِ دَ أَوَكِ دَ نَشَانُو، كُتَڢِے، كَمَرْ يَدَّ كُكَ ڢَطَا؞ عَمَّا كَاڢِنْ كُتَڢِے كُسَا مِنِ أَلْبَرْكَ؞»
33مَصَرَاوَا سُكَ مَڟَا وَ إِسْرَٰٓءِيلَاوَا سُڢِتَ دَغَ ڧَسَرْسُ دَ سَوْرِ، غَمَا سُنْثٜىٰ «أَيْ، تَامُ تَا ڧَارٜىٰ إِنْ بَسُ تَڢِبَ!» 34سَيْ جَمَعَرْ إِسْرَٰٓءِيلَ سُكَ طَوْكِ غَارِنْ دَ عَكَ ݣُوٻَ دَ ضُوَ سُكَسَا عَݣُونُواْ، عَمَّا بَسُسَا يِسْتِ عَثِكِيبَ؞ سُكَ نَطَ ݣُونُواْنِنْ ثِكِنْ رِيغُنَنْسُ، سُكَ كُوَ رَاتَيَ عَكَڢَطُنْسُ؞ 35إِسْرَٰٓءِيلَاوَا كُوَ سُنْ رِغَا سُنْيِ يَدَّ مُوسَٰى يَعُمَرْثٜىٰسُ؞ سُنْ ضُواْڧِ كَايَنْ دَرَجَ نَأَظُرْڢَا دَ ظِينَارِيَ دَ كُمَ رِيغُنَ دَغَ مَصَرَاوَا؞#ڢِتْ 3.21-22 36يَهْوٜىٰهْ كُوَ يَسَا إِسْرَٰٓءِيلَاوَا سُكَ سَامِ ڢَضٍ جِنِ أَعِدَانُنْ مَصَرَاوَا؞ سَبُواْدَ حَكَ مَصَرَاوَا سُكَ بَاسُ دُكْ أَبِنْدَ سُكَ ضُواْڧَا؞ تَهَكَنٜىٰ إِسْرَٰٓءِيلَاوَا سُكَ ݣُوشِ أَرْزِڧِنْ مَصَرَاوَا سُكَ تَڢِے دَشِ؞
ڢِتُواْوَرْ إِسْرَٰٓءِيلَاوَا دَغَ مَصَرْ
37إِسْرَٰٓءِيلَاوَا سُكَتَاشِ دَغَ رَمَسٜىٰسْ عَڧَسَرْ مَصَرْ ذُوَا سُكُّواتْ؞ دُكَنْسُ مُتُمْ وَجٜىٰنْ دُبُو طَرِے شِدَ نٜىٰ مَظَا كَطَيْ، بَنْدَ مَاتَادَ يَارَا؞ دُكَنْسُ كُوَ سُكَيِ تَڢِيَ دَ ڧَڢَا؞ 38مُتَنٜىٰ مَاسُيَوَ وَطَنْدَ سُو بَ إِسْرَٰٓءِيلَاوَا بَ، سُكَ هَوْرَ تَرٜىٰدَسُو دَ غَرْكُنَنْسُ نَتُمَكِ دَ أَوَكِ دَ نَشَانُو مَاسُيَوَ؞ 39سُكَيِ وَيْنَ مَرَرْ يِسْتِ دَغَ غَارِنْ دَ سُكَ ݣُوٻَ وَنْدَ سُكَ رِڧٜىٰ دَغَ ڧَسَرْ مَصَرْ؞ غُرَاسَرْ بَاتَ دَ يِسْتِ، سَبُواْدَ أَنْكُواْرٜىٰسُ دَ غَغَّاوَا سُڢِتَ دَغَ مَصَرْ، بَسُ كُوَ سَامِ ظَرَڢِ سُشِرْيَ وَكَنْسُ عَبِنْثِبَ، سَيْ غَارِنْ دَ سُكَ ݣُوٻَ؞
40إِسْرَٰٓءِيلَاوَا سُنْ ذَوْنَ عَثِكِنْ ڧَسَرْ مَصَرْ وَجٜىٰنْ شٜىٰكَرَا طَرِے حُطُ دَ تَلَاتِنْ؞ #ڢَارْ 15.13؛ أَيُّكَنْ 7.6؛ غَلْ 3.17 41أَ رَانَرْ دَ شٜىٰكَرَا طَرِے حُطُ دَ تَلَاتِنْ سُكَ ثِكَ، أَوَنَّنْ رَانَ دُكَنْ مُتَنٜىٰنْ يَهْوٜىٰهْ سُكَ ڢِتَ دَغَ ڧَسَرْ مَصَرْ ڧُنْغِيَ ڧُنْغِيَ؞ 42وَنَّنْ دَرٜىٰنْ يَا ذَمَ دَرٜىٰنْ دَ يَهْوٜىٰهْ يَسَا عِدُواْ عَكَنْ مُتَنٜىٰنْسَ دُواْمِنْ يَڢِتَرْ دَسُو دَغَ ثِكِنْ ڧَسَرْ مَصَرْ؞ سَبُواْدَ حَكَ دُكَنْ إِسْرَٰٓءِيلَاوَا ذَاسُ كٜىٰٻٜىٰ وَنَّنْ دَرٜىٰ غَ يَهْوٜىٰهْ دَغَ نَنْ حَرْ ذُوَا إِيَاكَرْ ڟَارَرْسُ؞
ڧَٰعِدُواْدِ نَبِكٍ ڧٜىٰتَرٜىٰوَ
43سَيْ يَهْوٜىٰهْ يَثٜىٰ وَ مُوسَٰى دَ هَٰرُونَ «غَا ڧَٰعِدُواْدِ نَبِكٍ ڧٜىٰتَرٜىٰوَ، بَذَاعَ يَرْدَ بَڧُواْ يَثِبَ؞ 44عَمَّا كُواْوَنٜىٰ بَاوَنْ دَ عَكَ سَيٜىٰشِ دَ كُطِ، ذَيْ عِيَثِ إِنْ دَيْ أَنْيِ مَسَ كَاثِيَ؞ 45بَڧُوانْدَ يَسَوْكَ نَطَنْ لُواْكَثِ كُواْ وَنْدَ عَكَ طَوْكٜىٰشِ عَيْكِنْ هَيَ، بَذَيْثِبَ؞ 46ذَاعَثِشِ عَثِكِنْ غِدَنْ دَ عَكَ دَڢَ، بَذَاعَ طَوْكِ كُواْمٜىٰ دَغَ نَامَنْ عَكَيْ وَجٜىٰبَ؞ بَابُ كُواْ ڧَشِنْسَ طَيَ دَ ذَاعَ كَرْيَ؞#لِـ ڧِدْ 9.12؛ يَحـ 19.36 47دُكَنْ جَمَعَرْ إِسْرَٰٓءِيلَ ذَاسُ كِيَايٜىٰ وَنَّنْ بِكٍ ڧٜىٰتَرٜىٰوَ؞ 48عَمَّا عِدَنْ بَڧُوانْ دَيَكٜىٰ ذَمَ عَثِكِنْكُ يَنَ سُواْ يَيِ بِكٍ ڧٜىٰتَرٜىٰوَ غَ يَهْوٜىٰهْ، كُواْوَنٜىٰ نَمِجِنْ دَيَكٜىٰ تَرٜىٰ دَشِ ذَاعَيِ مَسَ كَاثِيَ؞ سَعَنً ذَيْ عِيَ شِغَ بِكٍ تَرٜىٰدَكُو، كُمَ ذَاعَ طَوْكٜىٰشِ كَمَرْ طَنْ كَسَ؞ عَمَّا وَنْدَ بَعَيِ مَسَ كَاثِيَبَ، بَذَيْ تَٻَثِبَ؞ 49ڧَٰعِدَ طَيَثٜىٰ غَ كُواْوَ، كُواْ طَنْ ڧَسَانٜىٰ كُواْ بَڧُواْنٜىٰ وَنْدَ يَكٜىٰ ذَمَ عَثِكِنْكُ؞»
50دُكَنْ مُتَنٜىٰنْ إِسْرَٰٓءِيلَ سُكَيِ دَيْدَيْ يَدَّ يَهْوٜىٰهْ يَعُمَرْثِ مُوسَٰى دَ هَٰرُونَ؞ 51أَ رَانَرْ نَنْ يَهْوٜىٰهْ يَا ڢِتَرْدَ جَمَعَرْ إِسْرَٰٓءِيلَ دَغَ ڧَسَرْ مَصَرْ ڧُنْغِيَ ڧُنْغِيَ؞
Currently Selected:
ڢِتُواْوَ 12: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
