Psom 43
43
Lapriyer enn dimounn an-exil
1O Bondie, pran mo par;
proklam mo inosans,
defann mwa kont bann dimounn infidel;
delivre mwa
dan grif bann manter ek move dimounn.
2Tomem Bondie ki mo protekter!
Kifer to finn abandonn mwa?
Kifer mo bizin kontinie soufer
persekision mo lennmi?
3Avoy to lalimier ek to laverite;
fer zot gid mwa lor sime
ki amenn nou ver Sion, montagn sakre,
e dan to Tanp kot to reste.
4Lerla mo pou al divan to lotel, O Bondie,
twa ki lasours mo boner.
Ar sitar mo pou sant to louanz,
O Bondie, mo Bondie!
5Kifer mo tris koumsa?
Kifer traka touf mwa?
Mo bizin met mo lesperans dan Bondie
e kontinie loue li,
mo Sover e mo Bondie.
Currently Selected:
Psom 43: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
