Psom 79
79
Segner Bondie, sov nou pei
Enn Psom Asaf.
1Ayo Bondie, bann nasion lennmi finn anvayir to patrimwann;
zot finn viol pirte to Tanp sakre
e zot finn detrir Zerizalem.
2Zot ti ofer kadav to bann serviter
kouma manze pou votour;
kadav to bann fidel ti nouri zanimo feros.
3Zot ti fer disan to pep koule kouma dilo;
partou otour Zerizalem,
e personn pa ti la pou anter lemor.
4Nou enn size insilt pou bann vwazin,
zot mok nou, zot sikann nou.
5O SEGNER, ziska kan? To pou ankoler pou touletan?
To lakoler zame li pa pou tengn?
6Diriz to lakoler kont bann tribi
ki pa krwar dan twa;
bann rwayom ki pa rekonet to nom.
7Pa bliye! Zot ki finn devor to pep, Zakob;
zot ki finn detrir so pei.
8Pa pini nou pou pese ki nou anset ti komet;
ena konpasion pou nou,
nou lespwar finn tom bien ba.
9Ed nou, Bondie, twa ki nou Sover,
pou laglwar to nom;
liber nou e pardonn nou
pou laglwar to nom.
10Pa les bann lezot nasion dir,
“Kot zot Bondie ete?”
Fer bann nasion kone, divan nou lizie,
kouma to vanz disan to bann serviter fidel.
11Ekout bann prizonie kriye-plore;
ar to gran lafors liber bann ki dan koulwar lamor.
12O Segner, fer to lennmi pey set fwa pli ser
bann insilt ek kalomni ki zot ti devers lor twa.
13Lerla, nou, to pep, mouton dan to troupo
pou remersie twa eternelman
e pou sant to louanz
depi isi ziska leternite
Currently Selected:
Psom 79: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.