Luka 13
13
1Heokie na wandu magheri mala wemtindia mburi ya Wagalilaya, sakame yawo Pilato eirunganye na itasi lawo. 2Akatalua akawawurra, Mwaghamba Wagalilaya awo weokie wenye ng’oki kukela Wagalilaya wose, amu ya mawiwi ama mewagura? 3Si huwo, namburra; kake musichwa muti, na unywi wose muneteka huwo. 4Kana wala ikumi na wanane uwagwie mnara ghati ya Siloam, ukawakoma, mwaghamba awo weokie watekwa kukela wose weikee Yerusalemi? 5Si huwo, namburra, kake musichwa muti, na unywi wose muneteka huwo.
6Akateta mfwanano uu: Mundu mwe eokie na mtini uhandiwe ghati ya mizabibu yakwe; akaza ekienda ndunda wanga yakwe asijiwone. 7Akamburra mwimi wa mizabibu, Yoa, mtano miaka mitatu naza nikienda ndunda wanga ya mtini uu, nisiwone: Uuteme; nini unyamara teri huwo. 8Naye akatalua, akamburra, Mzuri, uushige na mwaka uu, mtano niuforie mbai na mbai, nigere kitondo: 9na ukigera ndunda ikwade, chedi; kwakicha hai, nineutema.
10Akaoka ekilosha ghati ya sunagogi musi mwe wa Sabato. 11Heokie na mche mwenye luhungu lwa wunana miaka ikumi na minane, naye eokie ekikukoda, asiidime kukurongesha. 12Na Yesu ekinambone akamwitanga, akamburra, We mche, wachunguwa hena wunana wako. 13Akamgera mkono; chwi akarongeka, akamwisisa Izuwa. 14Akatalwa mbaha wa sunagogi ekishishirwa amu ya Yesu kuhodja musi wa sabato, akawawurra matorano, Hena misi mitandatu ya ndima imbe kuhira; ghati ya ii izoni muhodjwe, kake musi wa sabato musize. 15Kake Mzuri akatalwa akaghamba, Unywi wakeleki, mundu ose wenyu techungua ng’ombe yakwe musi wa sabato, kutonga nayo aiinge mbombe? 16Na uu, eokie mwana wa Ibrahimu, Shetani emchungie ingeriaha miaka ikumi na minane, teimbe kuchunguwa kichungo iki musi wa Sabato? 17Naye ekioka evighamba ivi wose weteta naye wakagurwa ni soni; matorano mose wakaizihirwa hena vindu vyose vya ubaha eviarehe.
18Akateta, Ufumwa wa Izuwa wafwanana na kini? niufwananishe na kini? 19Ufwanane sa ndembe ya kyardali, mundu eiuhie, akaiwirita mtemeni hakwe, ikamea, ikaoka muti: ndeghe ja wanga jikaikaa mbagheni hakwe. 20Akaghambawa, Niufwananishe na kini ufumwa wa Izuwa? 21Wafwanana na chachu, mche eiuhie, akaiwisa ghati ya vighesho vitatu vya muchu, mtano ukachachwa deng’e.
22Akavetia ghati ya viongo na kaa ekilosha, ekizoka kutonga Yerusalemi. 23Mwe akamburra, Ze, Mzuri? Ni wandu wafaa wekijwa. 24Akawawurra, Mukete lunyarki kuingia hena mbenge sisiri: amu weingi, namburra unywi, weneenda kuingia, wasiidime. 25Mwenye nyumba ekinaidiwe kuwuka, na kufinga luwi, mukighamba Mzuri, Mzuri, utujughuie; naye enetalwa enemburra, Sitisiwemi, mufumiehi; 26niho munewoka kuteta, Tulie msongorana wako, tukanywa, na nzieni hetu ukalosha; 27Naye eneghamba, Namburra unywi, sitisiwemi, mufumiehi; wukeni hangu, unywi wose mwaketa uwiwi. 28Uko kuneoka kiiyo na kutafuna majegho, muneikambawone Ibrahimu, na Isaak, na Yakob, na waroti wose, ghati ya ufumwa wa Izuwa, 29na unywi mwataghwa some. Na weneza kufuma kifuma‐izuwa na kigwaizuwa, kaskazini na kusini, weneikaa ghati ya ufumwa wa Izuwa. 30Yoeni, weoho wa kuidiwika weneoka wa kuwoka, weohowa wa kuwoka weneoka wa kuidiwika.
31Magheri mala wakamzia wandu Wafarisayo wekimburra, Wuka aha, utonge: amu Herode akunda kukukoma. 32Akawawurra, Tongeni, muremburra iging’a uo, Yoa, nakinya maluhungu, nahodja wandu yoo na yawo, mtano musi wa katatu neniidiwika. 33Kake iniwe kutonga yoo, na yawo, na mtondo, amu teidimike mroti kuteka some ya Yerusalemi. 34Ee Yerusalemi, Yerusalemi, mwenye kuwakoma waroti, na kuwagera mabwe wala wetumwe hako! kandu ako nikundie kuwunganya waana wako, sa nguku iwunganya isio si ya mazau makwe, nete tomukundie. 35Yoeni, mwashigiwe nyumba yenyu nduhu: nami namburra, Tomuneniwonawa mtano muneikamughambe, Mtasiwa ula eza hena izina la Mzuri.
Currently Selected:
Luka 13: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
