Luka 16
16
1Akawawurra waanalosha wakwe, Heokie na mundu mmasi, eokie na kirote; uu akalinganywa hakwe, ti ezarazara mali makwe. 2Akamwitanga akamburra, Nikini iki nikisikia wanga yako? Ng’ola lutaro lwa urote wako, amu touidimawa kuoka kirote. 3Kirote ula akaghamba ngoroni, Niareheze amu mzuri wangu aniwushijia urote? Siidima kuima; nawona soni kuomba. 4Naidiwa kutisiwa ninearehaze, nesa, nineikaniwushijwe ghati ya urote wangu, wanitighe nyumbeni hawo. 5Akawaitanga wasile wa mzuri wakwe mundu ose, akamburra wa kuwoka, Uawa kini na mzuri wangu? 6Akaghamba, Vighesho ighana vya mafuta. Akamburra, Uha karatasi yako, ikaa si utame makumi masano. 7Ekiidiwa akamburra ungi, Na we uawa kini? Akaghamba, Vighesho ighana vya ngano. Akamburra, Uha karatasi yako utame makumaane. 8Mzuri wakwe akamwisisa kirote kila wa kucha: amu waana wa magheri ama wechee kukela waana wa kyangaji hena irika lawo. 9Nami namburra unywi, Mukuarehie wambuya hena Mamona ma uwiwi, nesa meneikamaduhuke wamutighe unywi ghati ya kaa ja tendarasi. 10Ula emwitikiji hena kindu kidongo; mwitikiji naye kibaha; na ula mbiwi hena kindu kidongo, mbiwi naye hena kibaha. 11Huwo musioke waitikiji hena mamona ma uwiwi, niani enemwinga kindu chedi? 12Na musioke waitikiji hena kindu cha wandu, niani enemwinga kila chenyu? 13Tehena muzoro aidima kuwatumikia wazuri weri; amu enemshishirwa mwe, ekimkunda wa keri; kana enemgura mwe, ekimdaa wa keri: tomuidima kumtumikia Izuwa na Mamona.
14Wakavisikia ivi vyose Wafarisayo, weokie wekunda mali, wakamsola. 15Akawawurra, Unywi mukuareha wenye uwedi msongorana wa wandu; kake Izuwa atisiwa ngoro jenyu: amu kila keba ghati ya wandu ni ushishiro msongorana wa Izuwa. 16Kiteto na waroti mtano Yohana; too magheri mala Sumu Yedi ya ufumwa wa Izuwa yatindwa, na mundu ose euingia hena zinya. 17Kake ianguhe wanga na isanga kuvetia, kukela kadongo ka Kiteto kugwa. 18Ose emshiga mche wakwe ekiaika ungi ashinda; na ula emwaika ula eshigiwe ni mume ashinda.
19Heokie na mundu mmasi, edokie bandera na bafuta, ekiizihirwa misi yose na uwedi. 20Na mkiwa mwe, izina lakwe Lazaro, akaoka agerwa mbengeni hakwe, mwenye vionda, 21ekilangwa kuighuta navyo vigwie mezeni hakwe mmasi; mtano nguro najo jaza jisone vionda vyakwe. 22Ikaoka, mkiwa akafwa, akatikwa ni malaika mbafuni hakwe Ibrahimu. Akafwa na mmasi ula, akajikwa. 23Na ghati ya ahera akawushija meso makwe, ekioka ghati ya kuwawiwa, akambona Ibrahimu hae, na Lazaro mbafuni hakwe. 24Akaiya akaghamba, Apa Ibrahimu, unisarie, umtume Lazaro, adunye mtoo wa kichaa chakwe na mbombe, anidofijie lumi lwangu; amu nawawiwa ghati ya moto uu. 25Akaghamba Ibrahimu, Mwana wangu, kumbuka, uingiwe vyedi vyako ghati ya kukia kwako, na Lazaro huwo viwiwi; kake ingeriaha ye asowoka, na we wawawiwa. 26Na wanga ya ivi ghati hetu uswi na unywi hena iwongo ibaha ligeriwe, wasiidime wala wekundie kufuma aha kuza henyu, nete wa uko wasikele hetu. 27Akaghamba, Nakuomba, apa, umtume nyumbeni ha apa wangu; 28amu nina wandwetu wasano: awang’olie mburi, wasize nawo handu aha ha kuwawiwa. 29Ibrahimu akateta, Wena Musa na waroti, wawasikije woo. 30Akaghamba, Hai, apa Ibrahimu; kake ekitonga hawo mwe ghati ya wefwie, wenechwa‐muti. 31Akamburra, Wesiwasikie Musi na waroti, nete mwe ghati ya wefwie ekiwuka ekiza teweneitikija.
Currently Selected:
Luka 16: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
