Hoixgara 16
16
1Egi Derbe egi Listra‐eja hina egi horuxujre wironaghisha eja unjena, Timotheus rashra higairena, Judhinughisha hinigra herena egi harnaxguna, eshi hianjra Hellenist hisha herena.
2E wakhinubra Listra egi Ikonium‐eja‐nagra phi hornaxgunakshana.
3E Paulus hakishu regi giphinana, egi russana egi majhena, ma‐eja Jud jhinagra hawau harnaj higinanke hianjra Hellenist hisha herera.
4Egi jhinagra wowarairegi wogusra wawogarnankshana uinekjege, e Apostelra egi xetera Jerusalem‐eja nagra U‐washirena.
5Egi deshesge hiranaga wohokhu‐hojhira harnaxgura mashjawahirena, egi hambga roha hijornashinakshana.
6Egi jaja Phrigia egi Galatia mara harnaj houinegi Naxirag Wakanjangra Asia‐eja hoit‐era wihokhura roxina,
7Egi jaja Misia‐eja hapahiranaga, Bithinia e howarenainekje, eshi Jesus Naxirag harnira inke wagiunina.
8Egi Misiara haixairena Troas‐eja hahirena.
9Egi Paulus haheregi washanja hirena, wang hisha Makedonia‐eja hereisha nashinjena egi gikarajshana, wena: Makedonia‐regi howahure egi hingijirawire.
10Egi washanjara hajarnaga hageja, higuana Makedonia‐eja howare‐naixjiwina. Hirukanara hiperes‐wangahi wangagigo waungaja hirairena woragphira hiwihokhunkjege.
11Esge Troas‐eja wajowe tawina, rojaxji Samothrakia e wawatawina egi haininegi Neapolis‐eja hahiwina.
12Egi eja tawira, Philippi‐eja hahiwina, e jhinag hoxetera herena Makedonia mainja, egi koloni nakshana. Egi jhinageja hamb jarnahangi hauwina.
13Egi Sabath hambregi jhinag jang nijejeja hahiwina, gikarajra eja hahireshunuge egi mianagwina, egi hinug hajirera wawakit’awina.
14Egi hinugisha Lidia higairera Purpur wiruwisha herena, jhinag Thiatira‐eja hereisha, e Maura gikarajnank’u naixguwina. E najge harnira Hirukanara giruhas‐shana, hinugjege Paulus washa jagu era harnagixguxjina.
15Egi jaja ni‐hawaxuinegi egi hojhira harnaj, hinugjega hinaxurug‐naiwina, wena: Hirukanara harnaxgu hirainashiwingishi jhi wajhieja hokawawire, egi eja hiwushawire, egi hahi‐hinaxurugwina.
16Egi herena, gikaraj hahiwira, hinug warnihisha waxopinishishig harnine joweja washa horagisha, hakijawina, e hirukanara hakarani hajirena, washara rokana hiruxurug nankshana joweja washa horagjega.
17E Paulus egi ne hiroinagwina, egi uwana, wena: Wangnagre Mau eshana xetera ware warnira waunankshana, e wankshighoi nagura wangogirag hajirawina.
18Egi washa de‐e hamb roha shesge hina. Eshi Paulus najgerategshana, hakjampshana egi naxiragjega wagena: Jesus Kristus rash harnira hawau u‐ashina hinugjega eja hihinabre. Egi higuana howagixeja hihinabshana.
19Egi jaja hinugjega hirukana warnira hajairegi washinruxurugnagra nigeowakerera Paulus egi Silas harukoshirawina woehieja harniokawairawina jhinag hirukanara hounanka eja.
20Egi manape hungeja warni‐hahirena, wairena: Wangnagre Judra waunankshana jhinag harniwinegi woxera rokana hinankshana.
21Egi woshga wangagigus nangwina, e woehieja wangarogixi hirawira rusra egi ura, Roman hiniwinge esge.
22Egi worohanka hishge harnaj nashinena wakhiraire. Egi manape hungra wainira wagirugas hirena, egi nanksig hiroji wa’shirena.
23Egi jaja roha wawojinegi jhi‐wawornassairena, jhiwornasse hirukanara wawirakaraxji wa’shirena.
24E shesge hi’shirawigi, jhi‐wornasse hojhi rog rogjieja wornassairena egi si warninera nainja howaxug shjawahirena.
25Egi hahe‐kissagregi Paulus egi Silas gikaraj‐hirena, egi Maura rajang nawainena. Egi hornassairera warnaxguinena.
26Egi sagrexji mara hixgara rokanana jhi‐wornassehojhi ini haminagra hixgana egi higuana jhirobra harnaj gihas‐hirena, egi rusgijra harnaj shgarairena.
27Egi jhi‐wornasse hojhi hirukanara nananki hikhina, egi jhi‐wornasse hojhi jhirobra gihas nank’u wajarna wigijguxra kurussana egi d’ekinkjege, jhi‐hornassairera gias hireguni hirege.
28Eshi Paulus mashja giwana wena: Inke washankishganine harnaj higi‐hauanagwina.
29Egi hiratashakerehi tarna egi damb‐hurna egi gissassa jina, egi Paulus egi Silas jowehireja jimpshana,
30Egi harni‐wawihinabshana, egi wena: Hirukanawira jasge hagi nia‐aimbjaneshe?
31Egi wairena: Hirukana Jesus Kristus harnaxgune egi horajhira.
32Egi Hirukanara hoit’e harnira hirokit’airena, egi jarnaga jhi‐ejakhi harnaj.
33Egi hahe howagixeja warussana egi wiroji hohimbra wawagirusharna, egi higuana niwawaxuinena, e hereanaga egi warnira harnaj.
34Egi jaja eojhieja warnigigi, jowehireja waruj wagishurna, egi wogishawajena Maura harnaxgunjege eojhira harnaj wakarakishu.
35Egi jaja hambgi manape hungra warukos hijowarewagigina wairena: Wangnanka wagirushjanehiwire.
36Egi jhiwornasse hojhi hirukanara jagu airare, Paulus hogiragshana. Manape hungra ningirushjanehi jihiwina, esge rashguni karawire.
37Eshi Paulus wawagena: Harusharanixji hunjinawina inke haewinawini, Roman harniwi‐nunige, egi jhihornaisairawina, egi shegunegi nuxawa hihinab hingigirekjanihawishe? Jasgegi inke shesgarnikjanena. Eshi exji hajirekjena egi harni hihinab‐hirekjawina.
38Egi warukosnanka hoit’e de‐e manape hungnanka wawogiraghirena, egi naxirairena jaja naxguinegi Roman waunangra.
39Egi hahirena egi wawokit’airena egi harni‐wawihinabhirena egi jhinageja ningewakere warnagi‐inena.
40Egi jhi‐wornasse hojhieja hihinabhirena egi Lidia hojhieja hokawairena egi jaja wakhinub‐hirera wajairegi, wakurukheg hirena egi wakiruje hirena.
Currently Selected:
Hoixgara 16: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
