Hogusra 25
25
1Egi Abraham shige hinug‐khanagra egi hijawira Ketura higairena.
2Egi Simran egi Jokshan egi Medan egi Midian egi Ishbak egi Shuah wagarnina.
3Egi Jokshan Sheba hagarninena egi Dedan. Egi Dedan hinigwahira Asshurim egi Letushim egi Leummim hererena.
4Egi Midian hinigwahira Epha egi Epher egi Hanox egi Abida egi Elda‐a hererena. De‐e harnaj Ketura ninkjang warnina.
5Egi Abraham washara jarnaga harnigi harnaj Isaak hok’una.
6Eshi hijawihira wakuruxera hinig‐wahirera e Abraham warnira Abraham washa woga wawok’una egi nigeowakere wagigina hinigra Isaak eja nagra, niambnagregi, sanig wiaxeb‐hueja wiaxebhu mainja.
7Egi de‐e Abraham hamb warnira hererena wankshiginihegi ma hogihish‐anaga kerapana‐shagowi‐anaga‐sajahashanahana.
8Egi Abraham naxirag harnira t’unena egi shagji d’ena, wangnunig, egi ma roha, egi wankshig‐warnieja t’umbhirena.
9Egi hinig‐wahira Isaak egi Ishmael xairena Maxpelah nish‐hopoxeja, Hittitra Sophar hinigra Ephron max harnieja e Mamre joweja herena.
10Max e Abraham Heth hinig‐wahira wagiruwina. Eja Abraham xairena egi hijawira Sarah.
11Egi herena Abraham d’arnaga hageja, Maura Abraham hinigra Isaak najojana. Egi Isaak niwagu niambra wajara higairera hijejeja jhina.
12Egi de‐e Ishmael hokiju harnira herena Abraham hinigra, Sarah hinug ware harnira Egipt wankshighisha Hagar higairera e Abraham hagarnira.
13Egi de‐e Ishmael hinig‐wahira rashra hererena: Rash warninera hokiju warninera hirakiruxe hirena. Ishmael jorni hagarninera Nebaiot herena, egi Kedar, egi Adbe‐el egi Mibsam,
14Egi Mishma egi Duma egi Massa,
15Hadar egi Thema, Jetur, Naphish egi Kedema.
16De‐e Ishmael hinig‐wahira hererena, egi de‐e rash warninera, jhinag warninera egi ma wawojhirera, hungra kerepanaishanaga nuphashana wankshig howajehiaka harninena.
17Egi de‐e Ishmael ma wankshig‐hoi harnira herena, ma hogihish‐anaga egi kerepana‐danianaga egi shagowihashana egi naxirag harnira t’unena egi d’ena, egi wankshig warnieja t’umbhirena.
18Egi Hawilah eja rera Shur eja hipa jhirena, Egipt joweja herena, e hahi howarnana Assiria eja howaregi. Egi d’ena wakhinubra harnaj hijarnank’u.
19Egi de‐e Isaak hokiju harnira herena Abraham hinigra. Abraham Isaak hagarninena.
20Egi Isaak ma kerepana‐jopahangaja egi Rebekah khanagshana, Bethuel Sirian wankshig‐hisha Mesopotamia hajhisha hinugra, Laban Sirian wankshig‐hisha hinug‐jabra.
21Egi Isaak Jehowa gitarna hijawira hawau, ninkjang jushgunisha herege esge. Egi Jehowa gitairera giuna, egi Isaak hijawira Rebekah waujganakshana.
22Egi ninkjangnigra ujrogeja hakiwajanankshana, egi Rebekah wena: Deshesgarnagre, jagu‐u waiushe? Egi rarnaga egi Jehowa higiwaxshana.
23Egi Jehowa wagena: Wankshig howajehira nupiwi urajganakshana egi wankshigra nupiwi uj‐hashiniejananka khiruje hirekjanena, egi wankshignanka hisha hiraijera mashjakjanena wankshig hijanejega worujishikjanena, egi jowarajega xunura wagirekjanena.
24Egi jaja hamb hojura higiregi, horuxujre, warejawa ujganakshana.
25Egi jorni hihinabgi shujshana, harnaj hin‐hornashi nisgena egi rashra Esau higairena.
26Egi hageja khinubra hihinabshana, egi Esau sika harnieja harukos‐hankshana, egi rash earnira Jakob higairena. Egi Isaak ma kerepana‐hakewehana jaja Rebekah ninkjang hagarniga.
27Egi hojinjinigra xete harairena. Egi Esau nakikara waruphisha herena, wang gixaija hereisha herena. Egi Jakob wang wogisog hisha herena jhieja jhinakshana.
28Egi Isaak Esau wogixetena, jha girujnake esge. Eshi Rebekah Jakob wogixetena.
29Egi Jakob waruj unankshana, egi Esau gixaija howakirina egi hokikurushag.
30Egi Esau Jakob wagena: Waruj hunk’une ningitarna waruj shuj she‐e, wakikurushag hajege esge. Esge rash earnira Edom higairena.
31Egi Jakob wena: Hamb de‐e wigiruwine jegjuine hashinira.
32Egi Esau wena: Horuxujre jasgegi jekjanegaja egi jagu hituxuruikjeshe jegjuine de‐e.
33Egi Jakob wena: Hamb de‐e wiho hingigire, egi wihogigina, egi Esau jegjuine harnira Jakob wigiruwina.
34Egi Jakob Esau waisgabduj hok’una egi Lentilnipana, egi warujshana egi rajgana egi nashianaga egi kerena. Deshesge hina Esau jegjuine harnira inke washa hiranainina.
Currently Selected:
Hogusra 25: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
