Hogusra 26
26
1Egi shige hinupaha mara dokewehina, Abraham hamb warnieja jegjira mara dokewehira. Egi Isaak Gerar eja howarena Philistra hung harninera Abimelex.
2Egi Jehowa jantingi‐khina, egi wagena: Inke Egipt eja howaranine, ma‐nige hornigitaikjanera eja jhiaje.
3Ma‐tegi wakuruxare egi harnikishu haunkjanena egi washophi howenikjanena, ne‐ninearnaga egi su hashinira ma de‐e harnaj wornik’unkjanena egi wiho hara hakark’unkjanena Abraham wiho hagigira hianjraga.
4Egi su hashinira woroha wahakjanena wangregi wiragoshgenagre wawikhina. Egi su hashinira ma de‐e harnaj wak’unkjanena, egi su hashinieja howahi manegi wankshig howajehira harnaj washophi howairekjanena.
5Abraham ho‐harnira harnaxgunge esge, egi wohokhu harnira hingiunge, egi u‐washi harnira, egi woshga harnira, egi woehi harnira hingiunge.
6Egi Isaak Gerar eja jhina.
7Egi wankshig ma eja herenanka hijawira higiwaxhirena, egi wena: Hinug‐hajabshana. Hijawiharna era nakewege wena. Deshesge hirege, wankshig ma eja herenagre d’ewinege Rebekah hawau, hinug haja phisha herege esge.
8Egi herena, jaja s’i eja u‐anaga, Philistra hung harninera Abimelex hirohamb‐eja horuxuj rehina, egi hajarna, egi horuxujre, Isaak hijawira Rebekah karakishgajjena.
9Egi Abimelex Isaak gigorna egi wagena: Horuxujre hisgexji hijawiragaja, egi jasgegaja washeshe hinugrajabgi? Egi Isaak wagena: Deshesge hiarege, ningete e hawau jege.
10Egi Abimelex wena: Jagu‐u de‐e wairagish’uwishe? wankshig‐nagre hisha wogiwategnana hijawiraga hakishu mingra, egi woishana un hinagashini rajiwinana.
11Egi Abimelex wankshig warnira harnaj winakewe wahina, wawagena: Hisha wang de‐e hikiogi nigeshge hijawira, jasgegi d’ehirekjanena.
12Egi Isaak ma‐eja max‐hoshurna egi ma‐eja hogihisha hawinj rus‐shana, egi Jehowa washophi howehina.
13Egi wang‐jega rokana jijena egi rokanara dirajena, e hahi hisgeja rokanana.
14Egi jhasga hornihe harnina, egi je hornihe harnina, egi warera roha, egi Philistra khiwassainena.
15Egi ni‐wagura harnaj e hianjra ware warnira wak’airera hianjra Abraham hamb warnieja, Philistra wornassairena, egi makaxra hoixji woshuirena.
16Egi Abimelex Isaak wagena: Hijahi howakarare, hiraijera ne ronikanage esge.
17Egi Isaak eja nigeowarena, egi Gerar hosunj‐eja jhiuna egi eja jhina.
18Egi Isaak shige ni‐wagu k’ena, e hianjra Abraham hamb warnieja wak’arnihera, Abraham d’arnaga hageja Philistra wornassairera, egi ni‐wagu de‐e rash warninera warajshana e hianjra warajra warajshana.
19Egi Isaak ware warnira hosunj‐eja k’airena, egi eja ni‐waguisha hierena ni‐wanaokewe xuisha.
20Egi wanoijge hirakara Gerar‐eja herera Isaak wanoijge hirakara warnira wakitag‐hirena, wairena: Nira ne‐harniwina. Egi ni‐wagujega rashra Hakikitagra higena, wakitag hirege esge.
21Egi ni‐wagu hijaneisha k’airena egi shige wakitag hirena, egi ni‐wagu de‐e rashra Woshigra higena.
22Egi eja gixauarena, egi ni‐wagu hijaneisha k’ena, egi she‐e inke wakitagnina, egi ni‐wagu she‐e rashra Hoixgan giphira higena, egi wena: Shegunegi Jehowa hokarage wanga‐gigiwina egi manegi wangawoja‐kjanihawina.
23Egi eja hiromahana howarena Be‐er‐sheba eja.
24Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.
25Egi eja nab‐haruxaj haura una, egi Jehowa rash harnira rajshana, egi eja jhi kik’una, egi eja Isaak ware warnira ni‐waguisha k’airena.
26Egi Abimelex hirahina Gerar eja howahi, egi hijakorora Ahusath egi manape hornihe harnira manape hung xetera Phikol.
27Egi Isaak wawagena: Jagu‐u hirairajiwishe, hunash’igwige, egi hijahi u‐shawahais‐jege?
28Egi wairena: Hajawina Jehowa harnikishu unjera, esge wahawina, akhi wiho hihikjawina, hojakena hihiwiregi, egi rohira horeishankira hinkin‐kjawina.
29Inke washa hinai‐shganikjawige, inke hinikiowinira shesge, phingigi‐rashana ningiuwina, egi rashguni nigehowakere ningigina. Shegunegi Jehowa washophi howenijena.
30Egi woruj‐xete wagiuna egi waruj‐hiranaga egi rajgainena.
31Egi haininegi hainixji kikawa‐ahirena, egi a‐akhi wihokhinena, egi Isaak kere‐wagigina, egi rashguni hakarairena.
32Egi herena hamb‐eja, Isaak ware warnira hakirirena egi hogirag‐hirena e ni‐wagu k’arnankhi wagairena egi wairena: Ni hiaewina.
33Egi ni‐wagura Sheba higena, esge jhinag de‐e rashra Be‐er‐sheba higarnankshana hamb de‐e hipa.
34Egi Esau ma kerepana‐jopahangaja Judith khanagshana Be‐eri hinugra Hittit wankshig hisha egi shige Bashemath khanagshana Elon hinugra Hittit wankshig hisha.
35Hinuinke najgerategra rokana hirena Isaak egi Rebekah.
Currently Selected:
Hogusra 26: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
