Bisalu Bibilumbi 12
12
Jacques amaboku na Pierre amakotusu otsugu
1Kaga Herode amalasa bisi dibundu maguga na 2amaruma yiri Jacques aboku na dijenga, diwendi rie: Jacques eni amaba muana nguji Jean. 3Anolaba yiri baJuif bamalaba ubueji amaruma yiri ususu alasu maguga; kabogu Pierre amagaangu. (Dimaba mu temu feta jimapa magambu na dufunusu.) 4Kabogu Herode amamukotisa o tsugu te na feta Paque jiuvioga. Amakelusu na mabuli mana mabagora, dibuli dibuli dimaba na gora jina. 5Mu diambu dieni bisi dibundu bamakevega usambilanga.
Pierre amapalusu
6Mukolu mosi Herode mbe asakadila temu uvosa diambu, Pierre amaba atungu na bapanga na amawenda yilu va gari bagora babeji. Bagora basusu abamakelisanga tsugu bamaba va gusu kana. 7Yiansa yiFumu yimasundila ulabana na tsugu jiotsu jimaba yika yijalala veli! Yiansa yieni yimakungisa Pierre novosa rie: Rambuga, lensa norelama!
Vana vana bapanga bandi bamanyanguga. 8Mbana yiansa yimamutsingula rie: Warisa tsanda na duara bapondu. Anomana uduara yiansa yieni yimabuela rie: Duara na yijungi. Tʼwendi!
9Pierre amamuduka tumba ne nana amalaba nderi ndosi edori. 10Banovioga bakelisi abatega na bamubeji, bamatola o diguyi dibudilu dimusiengi. Dunasundila udibuga na bamapala. Banosupuga o nsila yiansa yimasila Pierre.
11Pierre anotsagumuga amavosa rie: Mbana nyimalaba yiri dingensa Fumu atsisindiga yiansa yiandi, mangolu maHerode na mabaJuif mamasuka.
12Kabogu amawenda o ndagu Marie nguji Jean Marc, o batu bapuela bamasambilanga. 13Amadukisa na musalitsi umugetu, diina diandi Rhode, amawagula. 14Anogulu diufi diPierre amalaba nsangu jineni. Asamaledibula diguyi tumba amawenda mbangu na amavosa rie: Pierre aji va gusu kana. 15Bamavosa rie: Ufura guifuri.
Tumba jandi rie: Dingensa aji vana. Jogu rie: Tsiri jandi, yiansa yiandi.
16Tumba Pierre amadukisanga, kabogu bamadibuia diguyi. Banomulaba bamakambulu puela. 17Pierre amabavotsa na amabatsingula nana Fumu amamupalisila o tsugu. Mbana mbe asakabasila amavosa rie: Tsingulanu misamu miami ombu Jacques nombu baana bataji basusu.
Mbana amabaganina na amayenawenda.
18Wisi unotebuga bagora bamakambulu puela, jogu rie: Pierre aka? 19Herode jaʼ beni amabanda umuromba, anolaba yiri amarina amaruma yiri bagora baboku. Mbana Herode amagusuga o Judee uyetsana o Cesaree.
Dufu duHerode
20Herode amaba na kabu jineni na bisi Tyr na bisi Sidon; kabogu bamawenda ombu gandi uyemulenda. Bamalelenda Blastus, jandi amakelisanga bima biotsu bindagu kaga. Mbana bamawivula Herode duvotsu mu mbari bamadila biguji o yiari yiandi.
21Yilumbu ayimavangunu Herode amaduara biduaru biandi bibukaga na amatsana va yitsiga yiandi yibufumu va gusu batu botsu uyemoga nogu. 22Batu bamalaba ubueji na bamagamuganga rie: Adidi diufi diNsambi, tisri diufi dimutu!
23Vana vana yiansa yiFumu yimamudimba buali buusuranga na amakutu na bayinyi na amafu mu mbari amabonga diduma diNsambi.
24Mambu maNsambi mamaviolila unyava.
25Barnabas na Saul banotolisa mutindu bamagabusila o Jerusalem na Jean Marc amawenda nogu.
Currently Selected:
Bisalu Bibilumbi 12: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
