LUKASI 22
22
Pogombo da mampepate i Yesu
22:1-2
(Mat. 26:1-5, Mrk. 14:1-2, Yoh. 11:45-53)
1 #
Pa. 12:1-27
Mosumo eo mposusa roti anu bareʼe ndaragi, anu ndapapotoʼo eo Pasa. 2Napepalimo waʼa ntadulako ntadu mpanyomba jaya da mampepate ngkaroo i Yesu maka maeka raya ntau seʼe ri waʼa ntau sondo.
I Yudasi mampobalu i Yesu
22:3-6
(Mat. 26:14-16, Mrk. 14:10-11)
3Raya i Yudasi to Karioti napesuaki i majaʼa. Siʼa sambaʼa ri oyo anaguru-A anu sampuyu pai radua. 4Nceʼe painaka njoʼumo i Yudasi mogombo pai waʼa ntadulako ntopojaga ri Banua i mPue kono da napampepombaika i Yesu ri tau seʼe. 5Maʼai kojo kawongko ndaya ntau seʼe, pai naposintuwui ntau seʼe da mawaika i Yudasi doi. 6Singkono woʼu pai raya i Yudasi, natepuʼumo mampepali tempo anu madago da napampepombaika i Yesu ri tau seʼe ri kabareʼepanya naincani ntau.
Pompatoka pangkoni Pasa
22:7-13
(Mat. 26:17-25, Mrk. 14:12-21, Yoh. 13:21-30)
7Jelamo ri eo mpangkoni roti anu bareʼe ndaragi, eo mpancambale ana bimba anu ndakoni ri posusa Pasa. 8Ndapokaumo i Yesu i Peturu pai i Yohane ndatoʼo, “Ndipalaimo mampatoka da polimbuta mangkoni Pasa.”
9Meoasi tau seʼe, “Ri mbeʼi pampokonomi da kapampatoka?”
10Mesono i Yesu, “Ane mesuamo komi ri raya ngkota, da ndipomberataka sambaʼa tuama mampasaʼa gumba mponombu. Ndilulumo tau setu rantani rata ri banuanya, 11pai da nditoʼoka tumpu banua setu, ndapeoasi i Guru, ‘Ri mbeʼi da polimbu-Ku mangkoni pangkoni Pasa pai waʼa anaguru-Ku?’ 12Da natujuka komi ntumpu banua setu lincu anu bangke ri wawonya, gana-gana parewa anu da ndapake. Iretumo da ndipampatoka pura-pura.”
13Malaimo i Peturu pai i Yohane, pura-pura anu narata ntau seʼe, bareʼe sala ewa anu ndatotoraka i Yesu. Napatokamo ntau seʼe pangkoni Pasa.
Pangkoni Magali
22:14-23
(Mat. 26:26-30, Mrk. 14:22-26, 1 Kor. 11:23-25)
14Butu ratamo tempo da mangkoni pangkoni Pasa setu, motundamo i Yesu pai waʼa anaguru-A da mangkoni. 15Nepa ndatoʼoka tau seʼe, “Da raya-Ku kojo mangkoni pangkoni Pasa seʼi sangkani-ngkani pai komi ri kabareʼepanya Yaku maepe kapari! 16Maka da ndiayamo: Yaku bareʼemo da mangkoni inceʼi rantani posoki pangkoni seʼi ndapatongawa ri Lino Dawoʼu i mPue Ala.”
17Roo setu ndaokotaka i Yesu tabo mpanginu anggoro, nepa ndapasowa pekakai mpontarima kase ri Pue Ala, nepa mompau ndatoʼo, “Timamo inceʼi pai ndipotila-tilamo; 18maka da ndipaincani: montepuʼu seʼi-seʼi Yaku bareʼemo da mangainu anggoro seʼi rantani rata ri tempo katongawamo poparenta i mPue Ala.”
19Roo setu ndatima i Yesu roti. Ri karoonya ndapasowa pekakai mpontarima kase, ndaripu-ripusi roti setu pai pale-A, nepa ndawaika tau seʼe, seʼi ndatoʼo, “Inceʼimo koro-Ku [anu ndapepombaika tilami. Ndiwianakamo inceʼi ndipaendo Yaku.” 20#Yer. 31:31-34 Ewanceʼe seʼe ri karoo mangkoni, ndawaika tau seʼe tabo mpanginu anggoro setu seʼi ndatoʼo, “Tabo mpanginu seʼi inceʼemo pojanji i mPue Ala anu dawoʼu, anu ndapakainti pai daa-Ku – daa anu ndabubu tilami.]”
21 #
Pol. 41:10
“Paikanya peole! Tau anu da mampobalu Yaku reʼe ireʼi sangkani-ngkani pai Yaku! 22I Ana Manusia lawi da mate silulu pai anu ndapakanoto mPue Ala; paikanya marugimo tau anu mampobalu!” 23Inceʼe painaka montepuʼumo mombepeoasi tau seʼe sambaʼa-pai sambaʼa, bara isema ungka ri oyo ntau seʼe anu da mowia ewancetu.
Pombetoli kono kaʼisemanya anu ri wawo ngkabangke
22:24-30
24 #
Mat. 18:1, Mrk. 9:34, Luk. 9:46 Mebete pombetoli ri oyo waʼa anaguru i Yesu, kono kaʼisemanya ungka ri oyo ntau seʼe anu sangaya-ngaya da ndadika ri wawo ngkabangke. 25#Mat. 20:25-27, Mrk. 10:42-44 Ndatoʼo i Yesu ri tau seʼe, “Waʼa mokole ri banca anu bareʼe maincani i Pue Ala mamparini palilinya, pai waʼa ntau anu makuasa anu ndatoʼo, ‘Topongkantawi Palili’. 26#Mat. 23:11, Mrk. 9:35 Paikanya komi bareʼe maya ewancetu. Komi banya ewanceʼe, tau anu ri wawo ngkabangkemo ri oyomi sangaya-ngaya da mewali ewa anu maʼai ngkakodinya, pai tadulako sangaya-ngaya da mewali ewa toporioko. 27#Yoh. 13:12-15 Isema anu meruu kabangkenya: tau anu motunda mangkoni ri meja, bara tau anu mamporiokoi siʼa? Manoto tau anu motunda setu. Paikanya Yaku reʼe ri oyomi ewa toporioko.
28Ri mpengaya-ngaya kapari-Ku komi bareʼe bali-bali sangkani-ngkani pai Yaku. 29Ewambeʼi pawaimo i mPapa ri Yaku kuasa da moparenta, ewanceʼe woʼu Yaku da mangawaika komi kuasa setu. 30#Mat. 19:28 Ane ewanceʼe komi maya mawongko-wongko raya pai Yaku ri tempo Yaku mewali Mokole. Pai komi da motunda ri sampuyu pai radua gadera mpoparenta da mamparenta sampuyu pai radua lemba nto Isaraeli.”
Pampakanoto i Peturu da mampesapuka i Yesu
22:31-34
(Mat. 26:31-35, Mrk. 14:27-31, Yoh. 13:36-38)
31“Simo, Simo, pedongeka! Reʼemo tempo ndawai ri Majaʼa da mangaʼuji komi; daʼewa gandu anu ndapapogaʼa pai pelanya anu maʼoe ndapapogaʼa pai anu apa. 32Paikanya Yaku roo mompekakaika siko, Simo, da naka peaya ndayamu bareʼe da bali. Pai ane mewalilimo siko ri Yaku, siko sangaya-ngaya da nupakaroso raya waʼa ngkasangkompomu.”
33Mesono i Peturu natoʼo, “Pue, yaku tikali mesua ri tarunggu pai mate sangkani-ngkani pai Komi Pue!”
34Ndatoʼo i Yesu, “Da nuayamo Peturu,” ri kabareʼepanya mototoroʼo manu wengi seʼi, siko tatogo ngkanimo mampesapuka Yaku.
Dompe, watutu bara penai
22:35-38
35 #
Mat. 10:9-10, Mrk. 6:8-9, Luk. 9:3, 10:4 Roo setu ndatoʼo i Yesu ri tau seʼe, “I owi kupampokau komi bareʼe kuwai komi mangkeni dompe, watutu bara talupa, tampe reʼe bara nunjaa-njaa anu ndipomakura?” Mesono tau seʼe natoʼo, “Bereʼe!”
36Ndatoʼo i Yesu, “Paikanya seʼi-seʼi isema anu mampotumpu dompe bara watutu, sangaya-ngaya da nakeni; pai isema anu bareʼe mampotumpu penai, sangaya-ngaya da napobalu jubanya da naolika penai. 37#Yes. 53:12 Maka, da ndiayamo, pau Ncura Magali anu ewaseʼi katetoʼonya, ‘Siʼa ndapasiwia pai sambaʼa tau majaʼa,’ inceʼe sangaya-ngaya da mewali ri woto ngkoro-Ku. Maka nunjaa anu ndaʼuki ri Sura Magali kakononya Yaku ntongonyamo mewali wawaseʼi.”
38Natoʼo waʼa anaguru i Yesu, “Pue, ndipeole, ireʼi reʼe radua mata penai.”
Mesono i Yesu ndatoʼo, “Madagomo!”
I Yesu mekakai ri Buyu ngKaju Lana
22:39-46
(Mat. 26:36-46, Mrk. 14:32-42)
39Malai i Yesu ungka ri kota, ewa anu ndapobiasamo njoʼu ri Buyu ngKaju Lana, pai waʼa anaguru-A njoʼu woʼu sangkani-ngkani pai Sira. 40Kajela njairia, ndatoʼoka tau seʼe, “Ndipekakaimo, da naka komi bareʼe masalaa ane komi ndapebutuka.”
41Ungka lairia malai Sira lawa sakodi ungka ri tau seʼe, tempo-temponya sampewunu mbatu kalawanya, 42nepa mombukotu mekakai ndatoʼo, “Papa, ane maya, ndipakalawa ungka ri yaku kapari anu sangaya-ngaya da kupomberata seʼi. Paikanya neʼe malulu pepokono-Ku, paikanya podo malulu pepokono mPapa.” (43Sambaʼa malaʼeka rata ri Sira mampakaroso Sira. 44Maʼai kojo kapari ndaya i Yesu, painaka ndapari-pari kojo mekakai Poperepe inia molepe ri tana ewa daa.)
45Roo mekakai, mewalili woʼu i Yesu ri waʼa anaguru-A. Ndarata tau seʼe ntongo ngkayore ua maʼai kasusa ndaya ntau seʼe. 46Nepa ndatoʼoka tau seʼe, “Wenu komi jayore? Ndipembangumo pai ndipekakaimo da naka komi bareʼe panangi ri pompebutuka.”
I Yesu ndasoko
22:47-53
(Mat. 26:47-56, Mrk. 14:43-50, Yoh. 18:3-11)
47Ntongo mompaupa i Yesu, jelamo waʼa ntau anu sondo. Tau seʼe nawawanaka i Yudasi, sambaʼa ri anaguru i Yesu. Ungka lairia njoʼu i Yudasi madadu i Yesu nepa naeki Sira. 48Paikanya ndatoʼo i Yesu ri siʼa, “Yudasi, bara ua paeki setu siko da mampobalu i Ana Manusia?”
49Butu nakita waʼa anaguru i Yesu anu njau njairia nunjaa anu da mewali setu, natoʼo ntau seʼe, “Pue, da kaewamo pai mata mpenai!” 50Nepa sambaʼa ungka ri oyo ntau seʼe mampomai anamayunu i ntadu mpanyomba bangke pai penai painaka ware talinganya tondo mokana.
51Paikanya ndatoʼo i Yesu, “Madagomo!” Nepa ndajama talinga ntau setu ndapakaʼosa.
52Roo setu ndatoʼo i Yesu ri waʼa ntadulako ntadu mpanyomba pai waʼa ntadulako ntopojaga Banua i mPue, sangkani pai waʼa ntadulako nto Yahudi anu rata njairia da mancoko Sira, “Ara Yaku seʼi tau majaʼa, painaka komi rata mancoko Yaku mangkeni penai pai tarasulu? 53#Luk. 19:47, 21:37 Sandeme-sandeme Yaku njau sangkani-ngkani pai komi ri Banua i mPue, wenu bareʼe ndisoko Yaku. Paikanya inceʼimo temponya komi da mowia, tempo ngkuasa mbani anu monggale.”
I Peturu mampesapuka i Yesu
22:54-62
(Mat. 26:57-58,69-75, Mrk. 14:53-54,66-72, Yoh. 18:12-18,25-27)
54Tau seʼe mangancoko i Yesu nepa nakeni ri banua ntadu mpanyomba bangke. I Peturu maluluwaka lawa-lawa. 55Ri tongo-tongo ncoma setu njaumo apu ndapatuwu ri dampu, i Peturu njoʼu motunda maneru sangkani-ngkani pai waʼa ntau anu mantolilimi apu setu. 56Sambaʼa anamayunu weʼa mangkita i Peturu motunda ri wiwi dampu setu; nepa napatomata anamayunu weʼa setu i Peturu, natoʼo, “Tau seʼi woʼu ingena njau sangkani-ngkani pai i Yesu!”
57Paikanya mesapu i Peturu. Natoʼo, “Yaku bareʼe liu-liu kuincani tau setu!”
58Bareʼe masae, tau anu sambaʼanya mangkita i Peturu natoʼo, “Siko woʼu sambaʼa anu ungka ri tau seʼe!”
Paikanya mesono i Peturu natoʼo, “Bareʼe, banya yaku!”
59Tempo-temponya sajaa ungka lairia, sambaʼa tau anu ntaninya marimbo pompaunya natoʼo, “Lawi tau seʼi anaguru i Yesu, maka siʼa to Galilea!”
60Paikanya mesono i Peturu natoʼo, “Nunjaa anu nutinako ndaya, yaku bareʼe kuincani!”
Tempo setu seʼe, ntongo mompaupa i Peturu, mototoroʼo manu. 61Meeli i Yesu mampeole i Peturu. Nepa tekaendo i Peturu anu roomo ndatoʼo i mPue ri siʼa, “Ri kabareʼepanya mototoroʼo manu ri wengi seʼi, siko tatogo ngkanimo nupesapuka Yaku.” 62Painaka mesuwu i Peturu ungka lairia motumangi kancodu-ncodu.
I Yesu ndabobaki pai ndapasinggiri
22:63-65
(Mat. 26:67-68, Mrk. 14:65)
63Waʼa ntau anu majagai i Yesu, mampasinggiri pai mabobaki Sira. 64Nadampo ntau seʼe mataa nepa ndapeoasi ri Sira, “Koisa toʼo bara incema anu mawombo siko?” 65Maria woʼu pau pompetikodi anu natoʼosi ntau seʼe ri Sira.
I Yesu ri suara Majalisi Agama
22:66-71
(Mat. 26:59-66, Mrk. 14:55-64, Yoh. 18:19-24)
66Bangke reme mowuro-wuro, waʼa ntadulako nto Yahudi, waʼa ntadulako ntadu mpanyomba pai waʼa guru agama mompasambaka, nepa nakeni i Yesu ri suara Majalisi Agama ntau seʼe. 67Natoʼo ntau seʼe ri Sira, “Toʼokamo kami, bara sikomo seʼi Mokole Tadungkadago?”
Mesono i Yesu ndatoʼo, “Mau kutoʼoka komi, komi lawi bareʼe da ndiaya.
68Pai ane Yaku mompeoasi ri komi, komi seʼe lawi bareʼe da mesono. 69Paikanya montepuʼu seʼi-seʼi, i Ana Manusia da motunda ri tondo mokana mPue Ala Anu Makuasa.”
70Natoʼo ntau seʼe pura-pura, “Ane ewancetu, siko seʼi Ana mPue Ala?”
Mesono i Yesu ndatoʼo, “Ewancetu pantoʼomi.”
71Natoʼo ntau seʼe, “Bareʼemo reʼe yowenya sabi! Tadongemo paunya ngkalionya!”
Currently Selected:
LUKASI 22: LAIPMF
Highlight
Share
Copy
Want to have your highlights saved across all your devices? Sign up or sign in
