Sakariyas 13
13
E Falyam Taw Israel at ngay Asalanan
1-2Yawi at Madaragang nalong te, “Ginanya ban fag menit, e fasure sik bukbuwan safa sas Dabid at kadagdagan ay sas fagayu taw Erusalem, laman gfalyam at ngay asalanan ay at fagmafuratun. Ay mul akwan siginans taw Israel at ngay fagsegan laman wa gdog gfaamatang anya. Ay mayan akyangay at yud matuyan fag ngay taglong ay at ke ngay mafurat fag falad sanya. 3Ay roro sanya nu e gfalukanan yay gugat glong te, ‘Aw, sik taglong aw,’ at magurang wa fiya fiya glong te, ‘Fatei wan,’ teway kanya kamuwagan way nu gelongan ay at foyungan siginan unus Yawi. Ay nu gfatunglus yay gugat nu glong te, ‘Aw, sik taglong aw,’ at magurang wa fiya fiya at tumubuk anya. 4Ay ka fag ngay taglong mapla wa ban sa at ngay naelongan sa baliwas Diyus at nafalag sa anya. Ay wa mafasulun sik taglong fag balukas at fangawat balan sigyu laman nanfalukanan. 5Fangkabat lumong way te, ‘Siginan ngay aw alay sik tagfantanuman akway. Bunakwa sik taglong.’ 6Ay nu e minto te, ‘Taw ay fagefamagaun si ay bilug,’ kanya malus te, ‘Intayuk ami siginan em ngay fagwes at bale.’ ”
At ngay Tagtanud Umkate ay at ngay Tupa Sumaruwayan wan
7Yawi at Madaragang nalong te, “Famasadani sik fiso! Ay fatei ku tagtanud tupa ku fanuguwan. Fatei anya ay at ngay tupa sumaruwayan wan, at masuwad, ku ngay taw at yud e kwa. Ay gfaurianan aw anya. 8Ay sas fagdaul talun Israel fag tuluk afud at duwak afud umkate wan. 9Ay at sawad fag sadik afud nanfasine aw kata nu gfasine sik pilak sasad afuy laman sumaful te, matuyan. Nanfaskud aw anya te, go matuyan ay go yaya, kata nu gfaskud sik gintu sasad afuy. Ay umkakbang angku ay malus aw. Ay lumong aw te, ‘Kanya ku ngay taw.’ Ay kanya lumong yangay te, ‘Yawi em Diyus.’ ”
Currently Selected:
Sakariyas 13: TAWEAST
Highlight
Share
Compare
Copy
Want to have your highlights saved across all your devices? Sign up or sign in
Copyright © 2023 by OMF International, Philippines