Sakariyas 3
3
Uswe sik Fun Taganyun
1Yawi nafalag angku Uswe, sik fun taganyun, nu malindug sis Yawi at tagfabarita at daga salubangan. Ay Satanas nu malindug sit siyun baliwa fag tigyangan laman glong mauri. 2Ay roro Yawi at tagfabarita nalong sas Satanas te, “Nut sis Yawi, at nafili fulan Erusalem, nasalan wo Satanas, anway Yawi at nafalfas Uswe siginan at fakatabanan kata sik famaigang at nabul siginan sad afuy.”
3Uswe gina malindug sis tagfabarita at daga salubangan mafurat way at balukas. 4Ay nu katanya, at tagfabarita nalong sa tibak ngay tagfabarita at malindug sat daga salubangan te, “Buli wan at mafurat fag balukas siginan anya.” Ay kanya nalong sas Uswe te, “Nabul akwan am asalanan. Ay katsi gfasulun kwa sa emu sik bagu fag balukas.” 5Ay nalong aw te, “Futusi at alfuyu sik masine fag famutus.” Kaduge Yawi at tagfabarita malindug sanya nafasulun wa fiya sik balukas ay nafutus sik masine fag famutus sit alfuyu.
6Ay Yawi at tagfabarita nalong sas Uswe te, 7“Yawi at Madaragang nalong te, ‘Nu maning tuwo ku ngay suguwan ay ku ngay balyavtan, gfatanud aw sa emu ku bale anggan at ngay faglanuwan. Ay kaumsig aw nu kakbang o sa ku daga salubangan kata ka fag ngay tagfabarita at malindug ste. 8O, Uswe, at fun taganyun ay anggan am iba fag ngay taganyun, dungugani. Am, sik fagsafulan am te, e masine ban at kumgurungan. Nanfasaful aw ku fanuguwan at ngayan te, Sanga.#3:8 Sanga: Sik ngayan sas Mesias (taw Israel at fagfanyaun fag fun). 9Uswe, linggati ku nafatungkud fag batu sim daga salubangan. Kanya e fituk mata.#3:9 mata: ay ate, bulbug. Ay ka fag batu matagisan, ay sik menit#3:9 sik menit: ay ate, sayginan. way nu gfalyam aw taw Israel at ngay asalanan. 10Ay ginanya ban fag menit mabayan nu gbanwan am. Ay gewani ay fasabale laman malunggung sis daga tanuman wat ubas ay sis daga kayu igus. Aw wan Yawi at Madaragang tagelongan.’ ”
Currently Selected:
Sakariyas 3: TAWEAST
Highlight
Share
Compare
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
