2 Wakorintho 10
10
Paulo kutetela kazi yake
1Imi Paulo, namuvoya kwa umbole na kukuseleza kwa Kristo. Imi nio wa mbole ngelo nio nenyo na nanabile ngelo nio kulele nenyo. 2Nendemlomba ngelo tikezanye simwanidee nikale nibile, kwani namanya nadima kukala nibile, kwa walye watiririkanyiragha kamba tanadeagha malagho kiurumengu. 3Ee ni fulo tanakalagha urumenguni, ela isi sitilwanagha kiurumengu kungi. 4Mata tizitumiagha kulwana si mata ya urumengu kungi, ela ni za ndighi za Mlungu tizitumiagha kuhakila ngome. 5Tahakila nganyi na vitangalilo va kukukasa kose kuo kinyume cha kumumanya Mlungu; na tawata mateka maghelelo ghawe eri ghasikile gha Kristo. 6Nesi tio meso kulyitaghanya ideo silyeo lya kusikila, ilyi kusikila kwenyu kwakatila.
7Inyo mondelola agha gheo hambiri kwenyu. Ngera mundungi akumanya putu kamba iye ni wa Kristo, haya samanye kamba selyi kwenyi ewo wa Kristo, niko kwenyi natose tio wa Kristo. 8Kwani sitifwighagha waya hata ngera sani takukasa na ndighi kwa nguma atihawile Bwana. Nguma atihawile ni yemuwaghala inyo na si yemufuchula kungi. 9Simwaghambe kamba nendeshaya kumturusa na barua zangu. 10Kwani wanaghora, “Barua za Paulo zanagwaile na zanabile; ela ngelo ewo ngila mojori nesi ni munyonge na malagho ghake si ilagho lyingi.” 11Wandu sa awo yanafweni wamanye kamba ghalye tighoragha kele barua ngelo siteo, nigho ghenyi tideagha ngelo teja.
12Isi sitidimagha hata kachache kukuika ango kukufwananisa isi wenyi na walye wekukasagha wenyi. Nawo wekekupima wakupima wowenyi na kukufwananisa wowenyi kwa wowenyi na wowenyi siwekumanyagha. 13Ela isi sitikukasagha kuchumba kipimo, sala kwa kipimo Mlungu atiikilile cha kumufikila inyo. 14Isi sitichumbagha mwaka ghwetu sa kuzo sitimfikilile; isi nisi teluo wa hambiri kuja kwenyu na injili ya Kristo. 15Isi sitikukasagha kuchumba kipimo kwa kazi ya wandu wazima, ela ikosereo lyetu kwenyu ni kamba idumusi lyenyu lyijuzilike na kazi yetu kwenyu kele maka yetu ishabuke. 16Nao tichile Ilagho lyaloli kele masanga gheo hambiri yenyu sikweo na kukukasa kwa kukala tadea kazi andu kwa mundu mzima.
17Ela na Mawandiko gha Kuela ghaghora, “Uyu ekukasagha akukase kwa undu ghwa Bwana.” 18Kwani si mundu ekukasagha mwenyi edumusilogho, ela ni uyu ekasogho ni Bwana.
Currently Selected:
2 Wakorintho 10: SAGALLANT
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Kenya, 1993