2 Wakorintho 9
9
Uwaruro kwa Wakristo
1Ndamu kwa undu ghwa uwaruri ghwa wandu wa Mlungu siinifweni nimwandikile. 2Kwani namanya moluo mukeshaya kuwarura, nemi neluo nikekukasa kwa undu ghwenyu kwa wandu wa Makedonia, nikeghora kamba wakristo wa Akaya wanakuikile kirani kufuma mwaka ghwadua, na chadi chenyu chikawakumba ngolo. 3Ela nendetuma wana wakwetu eri kukukasa kwetu kwa undu ghwenyu kwa ilagho ilyi sikwakale kutuu, hung'u ni kughora mukuboese selyi kwenyi nighorire; 4eri ilyi nejanya na wandu wa Makedonia na timudoke simokuikile kirani, tifwishikagha waya isi, sigha inyo, kwa kukala tanakukasile nenyo. 5Kwa hung'u, neonile ni kirani nitume awa wana wakwetu kihambiri, weje waike kirani manosi molagile. Nanashaile ghaiko kirani sa manosi ghafunyilo kwa kushaya na si kwa kufungunyizilo.
6Mkumbuke kamba uyu ewandagha kwa uchache ukwashagha uchache na uyu ewandagha kwa ungi ukwashagha ungi. 7Kila mundu afunye selyi eonagha ngoloni kwake, si kwa selyi seshaile ango kwa kufunganyizilo, kwani Mlungu wanashaile uyu efunyagha kwa ngolo ya maboelo. 8Naye Mlungu wadima kumhawa vingi ya vilya mushaile, eri mudime kila ngelo kukala na vindu vingi kwa undu ghwa kila kazi yaloli. 9Selyi Mawandiko gha Kuela ghaghora,
“Iye wahawana kwa ishima, wawahawa wakiwa;
hachi yake yatula kwa kale na kale.”
10Naye Mlungu uyu amuhawagha mwandi mbeu na chakulya chake, ujemuhawa na kumujuzila, nazo zijemuvalila mvono mungi ghwa hachi yenyu. 11Naye ujemudea mkale wazuri kwa kila kindu, kamba Mlungu akaso ni wandu wengi, kwa manosi ghenyu, wepatagha kufuma kwetu. 12Kwani utumishi ughu mudeagha si ghowapatila wandu wa Mlungu ivi washaile tu, ela ghwadea wandu wengi kumuhawa Mlungu asanta. 13Kwa undu ghwa kukatiso ughu utumishi, wengi wemuhawagha Mlungu ubwaa kwa udumusiliki ghwenyu kele Injili ya Kristo muichilagha; na kwa ishima lya manosi ghenyu mwasaranya nawo na wandu wose. 14Na kwa hung'u kwa undu ghwa mashayo wamulombela, kwa kukala Mlungu waonyeza mbazi ichumbagha kwenyu. 15Timuhawe Mlungu asanta kwa inosi lyake silyeghorekagha!
Currently Selected:
2 Wakorintho 9: SAGALLANT
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Kenya, 1993