2 Wakorintho 2
2
1Kwa hung'u nanaonile seje kwenyu sena na kumuletela furuse. 2Ndamu ilyi namletela inyo furuse nani enideagha niboelo sala ulya mwenyi namufurusisa? 3Niko nikamwandikila, eri ilyi neja sapato ni wasi kwa walye wenideagha niboelo. Kwani namanya fulo zenyi nikakala na maboelo, inyose mkalagha na maboelo. 4Nanamwandikile nio na furuse na kuhariso ni ngolo nikelila na mbori, si kwa undu ghwa kumusirimisa, ela kwa kumumanyisa mashayo mengi nio nagho kwenyu inyose.
Kufwilo waya kwa mkosa
5Ilyi mundungi amudea mumbawe awasilo, sishaile imi niwasilo, ela watidea itose tiwasilo; sishaile nikale nibile kuchumba. 6Azabu ifunyogho ni wengi wenyu yamukata mundu sa uyo 7Kwa hung'u ni kirani mumufwile waya na kumusarusa, eri sahariso na ndighi na kufwa ngolo. 8Kwa hung'u nendemlomba mkale na mashayo naye. 9Kwa undu ughu nanamwandikile barua; kwa kukala neshaile kutima selyi muwatagha mafundiso ghangu ghose. 10Mundu uwo wose mumufwilagha waya, namose nimufwilagha waya. Ngelo yose nafwila waya nafwila waya ghose, Fulo imi sa wa Kristo nafwila waya kwa undu ghwenyu, 11eri nimukinge Shetani sapate ulalo kwetu; kwani wana mikalo yake.
Wasi ghwa Paulo Troa
12Nighenda nifika Troa kuchila Ilagho Lyaloli lya Kristo, mjango ghorughuro ni Bwana kwa kuchila alye. 13Ela nikakala na wasi ngoloni kwa kukala wakwetu Tito simudokile alye. Kwa hung'u nikawalaga wandu nikaghenda Makedonia.
Kusima kwa ngila ya Kristo
14Ela namkasa Mlungu, uyu kwa ngila ya kuwataniso na Kristo atihawagha usimi na aeresagha kwa ngila yetu kumumanya Kristo andu kose sa iruke lyaloli. 15Kwani isi nisi marumba gha Kristo kwa Mlungu ghesaghisogho kwa walye wekilagha na walye wehaitagha. 16Kwani kwa walye wehaitagha ni iruke lya kifwa, ela walye wekilagha ni marashi gha kukala moyo. Ndamu nani edimagha malagho agha? 17Kwani isi sitio sa wandu wengi wedeagha zoghori na ilagho lya Mlungu; Isi sa wandu watumilo ni Mlungu tachila kwa ngolo ielile hambiri ya Mlungu kele Kristo.
Currently Selected:
2 Wakorintho 2: SAGALLANT
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Kenya, 1993