Luhzaz 15
15
Aen Bixliq Dij Mbej Lamq Naeh
1Sowh puj caeu coiq naeh daj sowh puj hoak loang naeh maz haenz Yezsuz biak Yezsuz koanx. 2Dij goanz Fahliqsaiq daj sowh lauxswz zau Sw Dij Sen naeh zoq laemhkoan Yezsuz, paenqdix hax: "Goanz naeh ngaiq hawj puj hoak loang daj dix zaemh yuq, naengz daj paenqdix zaemh jinkaeuj." 3Yezsuz zoq aeu aen bixliq ux daj paenqdix hax: 4"Jixzawh boangx su gawz miz baeg do mbej ux, baeg do naeh, miz do ux lamq, dix toj jizzaz gaeujsip-gaeuj do naeh yuq ndaw doangh, yaq bae cha do lamq naeh, taengdeg cha taen zuxgah. 5Cha taen yaq, dix zoq faengz nyauznyauz mbeg do mbej naeh dauh maz rownz. 6Maz taeng rownz yaq, qingj dungzbownh daj sowh rownz dungzzawj naeh daeuj, daj paenqdix hax: ‘Do mbej gux lamq naeh haeuz cha taen, su goj daj gux zaemh faengz!’ 7Gux haxdoq su, goanz hoak loang ux ndaw zaw gaix, ndaw fax goj zaemh how dix hoakzaqnaeh faengz, how dix faengz naengz faengz nyeuz how gaeujsip-gaeuj goanz puj ndae sowh puj mboq yungq gaix naeh lai.
Aen Bixliq Ngaenz Lamq Naeh
8"Jixzawh miz goanz nyingz ux, miz sip ndeaj ngaenz, sip ndeaj ngaenz naeh, miz ndeaj ux doak bae rawz, dix toj diamj daeng, gvaed ndaw rownz, caqsiq cha, cha taen zux gah. 9Cha taen yaq, dix zoq qingj dungzbownh daj sowh rownz dungzzawj naeh maz, daj paenqdix hax: ‘Ndeaj ngaenz gux doak naeh haeuz cha taen, gaenqsu goj daj gux zaemh faengz.’ 10Gux haxdoq su, goanz hoak loang ux ndaw zaw dix gaix, Laux yuq doqnaj bin dij Sen naeh goj hoakzaqnaeh cho dix faengz."
Aen Bixliq Laux Miz Doiq Lug zaiz Ux Naeh
11 Yezsuz daeuq hax: "Miz goanz ux miz doiq lug zaiz ux. 12Goanz lug zaiz daih ngih naeh daj dez dix hax: ‘Dez, baen sownq gux hoj ndaej naeh hawj gux ndeh.’ Dez doiq naeh zoq baen hawj doiq lug dix. 13Gvaq ndaej jij vaenz ux, lug zaiz daih ngih caeu daengzle za'hoq nauq, ni rownz dix mwz dih gvae. Yuq dih gaengnaeh dix zaijjenz faihfod, luanq hoak luanq bae. 14Dix zaij daengzle gaenq dix miz naeh nauq, dih dix mwz naeh zoah zwz kaeujpyaek mboq yawz, zoah zwzyaeg, dix zoq baenz nanh. 15Yaq dix zoq yuq dih naeh rownz ux hoak lugriangz, rownz naeh nemz dix bae ndaw doangh dawz dij mu. 16Dix dongxyaeg gvaq, daengz sowh naeng chaengj dij mu jin naeh dix naengz zawx jin, daengz sowh naeh naengz mboq miz gawz aeu hawj dix. 17Dix zux nwh taeng, hax: ‘Dih naeh zoah zwzyaeg, gux yaeg daengz zaekgaj tai saw, gaj lugriangz rownz dez gux gaj goanz gaj miz gaenqjin, jin mboq nauq. 18Gangzmaz gux loangzdin dauh mwz dih dez gux naeh, daj dix hax: "Dez, gux hoak loang fax Sen, goj hoak loang mawz, 19mboq paeq hoak lug zaiz mawz, mawz aeu gux hoak lugriangz mawz ndeh!"’ 20Yaq dix zoq loangzdin dauh maz dih dez dix naeh. Dix naengz yuq gvae taeuq, dez dix leztaen dix, zawchaej dix taeuq, lenh bae god hoz dix, goq zup zup dix. 21Dix daj dez dix hax: ‘Dez, gux hoak loang fax Sen, goj hoak loang mawz, mboq paeq hoak lug zaiz mawz.’ 22Gaj dez dix hoakzaqnaeh nemz puj koij: ‘Aeu sowjriz gux gongz rawz ndae nyeuz aeu gongz rawz daeuj hawj dix nungh, aeu daeuj naeuz kvaiq ux, aeu dingqmungz tw mwz mungz dix, nungh haiz hawj dix, 23aeu do moaz ix, do moaz jeng naeh maz kaj, hawj gaenqraeuz zaemh jin zaemh faengz.’ 24Unj, lug zaiz gux daj tai yaq daeuq zaeu, lamq yaq daeuq ndaej dungzlumj." Yaq paenqdix daengzle zoq zaemh nyaeux faengz nyauz.
25"Zwz naeh, goanz lug zaiz dwx naeh yuq ndaw naz, gau dix zaekgaj maz daeux rownz naeh, dix ruxnyinz hiang lownx daj hiang tiauq, 26dix zoq rongx goanz puj koij ux maz, cham goanz puj koij naeh zawh gaeng saeh. 27Goanz puj koij naeh hax: ‘Nongx zaiz mawz dauh maz, dez mawz leztaen dix dauh maz yuq ndae'ndowq, zoq kaj do moaz ix, do moaz aeu leux hoak jeng naeh.’ 28Goanz lug zaiz dwx naeh zoq hoaknyah, mboq venq ndonj mwz rownz. Dez dix daeuj byongz dix mwz rownz. 29Gaj dix daj dez dix hax: ‘Gux kvej mawz lai bi baenzzaqnaeh, mawz yaix hoakrawz gux zoq hoakrawz, gaj mawz mboq sanz aeu hawj gux saek do mbej, hawj gux daj dungzbownh gux dungzgo, hawj piu zaemh nyaeux. 30Gaj goanz lug zaiz mawz naeh, daj puj kaindang zaemh yuq, zaijjenz mawz nauq, dix daeh dauh maz, mawz daeuq gajfa kaj do moaz ix, do moaz aeu leux hoak jeng naeh.’ 31Dez dix daj dix hax: ‘Lug aj, mawz zwzzwz daj gux zaemh yuq, gaenq gux gaeng goj zawh gaenq mawz. 32Gaj nongx zaiz mawz daj tai yaq daeuq zaeu, lamq yaq daeuq ndaej dungzlumj, gaenqraeuz hoj faengz nyauznyauz.’"
Currently Selected:
Luhzaz 15: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
