I Korintho 13
13
1Wona nilongela ni njowelo sya wandu ni sya wamalaika, leka nilema kutama ni kiganano, nikitiki nkuwa kulindimila waka, pangi mabekete gakuywawa waka. 2Ni wona nilweta, ni nimanya fyakuhyetu fyoha ni kumanya kwoha; ni wona niyii nakyo kiyitakiso kyoha, mpaka kuhamisa madunda, leka nilema kutama ni kiganano, niyilepe kindu. 3Na wona nipeleka fyoha niyii nafyo kulisa, na wona niufumbukisa mbili wangu nausi utinyisike mwoto, leka nilema kutama ni kiganano, nukunipatila kandu. 4Kiganano kikwisinga, ni kyene lukolo; kiganano nakuwona wifu: kiganano nakwilumba lepa, 5nakwikwisa, kyangali kuhimuka, kyangalondalonda fyake mwene, kyangawina mwoyo, kyangawalanga fiwifu; 6kihekelela lepa pangali ugolofu, koma kihekelela pamonga na fya chakaka; 7kitwika fyoha, kikela fyoha, kihuwalila fyoha, kiyumalakila fyoha. 8Kiganano kilemuka lepa: koma pangi fya kulweta, yafiwusike; pangi njowelo, yasipumulile; pangi kupata kumanya, yakuwusike. 9Pakuya timanya lilundu lilundu, ni pa lilundu lilundu tilweta; leka apa yakifike kyakumalakilana, 10kila kya lilundu lilundu yakiwusike. 11Baho nikayili na nkeke nalongelaga ngati na nkeke, naholaga ngati na nkeke, nawalangaga ngati na nkeke: baho nikitiki na nkulungu, niwusiti fila fya kikeke. 12Pakuya hino tilolela kwa lilolelo, pa lusumu; koma lukumbi lula kyene ni kyene: hino nimanya lilundu lilundu; koma lukumbi lula yanimanya ngani mumulamula umu nimanyika. 13Koma hino kihwela kiyitakiso, kihuwalilo, kiganano, ifi fidatu; leka kikulungu kya ifi kiganano.
Currently Selected:
I Korintho 13: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.