I Korintho 16
16
1Leka panani pa kiwungano kya wawalafu, umu nikataukili makanisa ga pa Galatia, wiwi nu mwenga namu nikitaye. 2Pa ligono lyakutumbula lya juma ayi yoha wa mwenga awikile pa kikokoli, umu alinganileye, nausi kiwungano kisiwunganika pamonga apa nifika. 3Leka apa nifika, awa yamulingile wanofu pa ma‐epistola, wawa yaniwatume kupeleka fya waka finu mpaka ku Yerusalem: 4ni wona ilinganila nibite nenga nani kuku, yawabite pamonga nu nenga. 5Leka yaniwachile mwenga, apa yanilutalile pa Makedonia; 6pakuya nilutalila pa Makedonia; koma kwinu yanihwele kwali, pangi yanitame kifuku kyoha, nausi munipelekese kunibita mwanja uku. 7Pakuya nilonda lepa kuwawona, hino pakulutalila; ndawa nihuwalila kuhwela pa mwenga kwa lukumbi, Bambo wona ayitakila. 8Koma yanihwele pa Efeso mpaka Pentekote; 9ndawa pa ndyango ukulungu ni pakuhengela lihengo padinduliki kwa nenga, ni wayili wakupindika wa mahele.
10Ni wona ayicha Timoteo, mulolaye kukita aye kwinu pangali woga; pakuya ahenga lihengo lya Bambo, umu nenga kawili: mumu mundu asimhepa. 11Leka mumpelekesaye pa mwanja wake pa kindamba, nausi anichile nenga: ndawa nindindalila pamonga na walongo. 12Koma panani pa Apollo ndongo yula, nikampembisi nyamhope kuwachila mwenga pamonga na walongo: leka kilondo kikayili lepe kukita ayiche hino; leka yayiche apa apate lukumbi lunofu.
13Mutamaye miho, muyimaye pa kiyitakiso, mukitaye kigosi, mukangamalaye. 14Fyoha ifi mufikita mukitaye pa kiganano.
15Leka hino niwapembesa mwenga, walongo (muwamanya wa pa nyumba ya Stefano, kukita wayii fipambiko fyakutumbula fya Akaya, ni kukita wayiwikiti kuwatumakila wawalafu), 16kukita mwenga namu muyiwike pasi pa wandu ngati awa, na pasi pa mundu ayi yoha uyu ahenga lihengo ni ahenga mpaka pa kutonda. 17Ni nihekelela pa kuyicha kwake Stefano ni Fortunato ni Akaiko: pakukita wakafwelanisi fila fyakulemuka kwinu. 18Pakuya wakapumwisi roho wangu ni winu: mumu muwamanyise wa ntundu uwu.
19Makanisa ga pa Asia gawalamusa mwenga. Akula nu Priskilla wawalamusa nyamhope mwa Bambo, pamonga ni kanisa ili liyii pa nyumba yawe. 20Walongo woha wawalamusa. Mulamusane ni kununa kuwalafu.
21Uku ni kulamusa kwangu nenga Paolo kwa kiwoko kwangu namwene. 22Mundu wona angana lepa Bambo, alapalasike. Bambo witu ayicha. 23Neema ya Bambo Yesu Kristo yiye pamonga nu mwenga. 24Kiganano kyangu kiye pamonga nu mwenga mwawoha mwa Kristo Yesu. Amen.
Currently Selected:
I Korintho 16: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.