I Korintho 8
8
1Panani pa fila fyalekaliki nyambiko kwa fifwilifwili: Timanya kukita tawoha tiwalalila. Kumanya kukita kukwisa, koma kiganano kijengela. 2Koma wona mundu ahola kukita amanya kindu, akona nukumanya umu ngaalinganili kumanya; 3koma wona mundu angana Mulungu, yuyu amanyika nako. 4Mumu panani pa fila fyalekaliki nyambiko kwa fifwilifwili, timanya kukita kifwilifwili pawaka kindu pa ndima, ni kukita pawaka Mulungu lema yumonga. 5Pakuya haka wayii wakukemaleka wakamulungu, pangi kunani pangi pa ndima; ngati umu wayii wakamulungu wingi na wakabambo wingi; 6koma kwa tenga Mulungu yumonga waka, yuyu Dadi, kipitile pa uyu findu fyoha, na tenga kwa yombe; nu Bambo yumonga, Yesu Kristo, pa yombe findu fyoha, na tenga pa yombe. 7Leka pa wandu woha payilepe kumanya kula: koma wangi, wakusyowelela mpaka hino ni fifwilifwili, walya kindu ngati kyakulekaleka nyambiko kwa kifwilifwili; na chengo kya pa mwoyo wawe, pakuya kya ulegalefu, kiwipisika. 8Koma kyakulya nukutiyimika kwa Mulungu: haka, wona tilya lepa, tisowa lepa; haka, wona tilya, tifuluka lepa. 9Koma mulolaye kukita chengo iki kisiya kwinu kyakukuwasa kwa wakulegaleka. 10Pakuya wona mundu akuwona wakumanya, na utama pasi pandu pa kifwilifwili, si chengo kyake kya pa mwoyo, wona ayii wakulegaleka, yakiyigilasiwe kulya fila fidumulike kwa fifwilifwili? 11Wiwi pa kumanya kwako uyu wakulegaleka atagika, 12ndongo pa mihalo yake Kristo akafwili. Leka wiwi, kuwakitila walongo sambi, ni kuhoma fyengo fyawe fya pa mwoyo fya ulegalefu, munkitila Kristo sambi. 13Kwa iki, wona kyakulya kinkuwasa ndongo wangu, yanilye lepa nyama mpaka miaka ni miaka, nausi nisinkuwasa ndongo wangu.
Currently Selected:
I Korintho 8: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.