I Korintho 9
9
1Si nenga nkamba? si nenga apostolo? si nenga nambweni Yesu Bambo witu? si mwenga makitiko gangu mwa Bambo? 2Wona kwa wangi nenga nukuya apostolo, koma kwa mwenga niyii: pakuya mwenga muyii kyakukomalela kyangu mwa Bambo. 3Malowe ga kupindula kwangu kwa awa wanikota gaga aga. 4Ati tenga tiyilepe ni chengo pa kulya na pa kunywa? 5Ati tiyilepe ni chengo kuntola ndala uyu akela, ngati umu maapostolo wangi, na walongo wa Bambo nu Kefa? 6Pangi nenga nakape nu Barnaba, tiyilepe ni chengo, ati, tisihenga lihengo? 7Askari nani atumakila na mpako mwene wakape? nani apanda mipelesa, ni alya lepa fipambiko fyake? pangi nani adima ng’ombe, ni alya lepa lisiwa lyake? 8Nilongela, ati, ifi kwa ndingo wa wandu? pangi torah kawili yijowa lepa wiwi? 9Pakuya yilembiki pa torah ya Musa, Usipingika libihi pa ndomo wa ng’ombe yiyikubata. Ati ng’ombe ni kindu kwa Mulungu, pangi ajowa wila kwa tenga wakape? 10Ena, kwa tenga yikalembiki: pakukita wakulima ngaalimiti pa kihuwalilo, na wakukuwata pa kihuwalilo kyakuhasangana. 11Wona tenga tikawapandili fya roho, kikulungu kiyii ati wona yatibene fya nyama? 12Wona wangi wakokana pa chengo iki pa mwenga, si tenga kulutila? Koma tikatumili lepa chengo iki; leka titwika fyoha nausi tisipeleka kindu kyakusiwilakisa evangel ya Kristo. 13Mumanya lepa, ati, kukita wala wakuhenga lihengo pa hekalu walyaga fya hekalu, na awa wakutamila mathbahu wapata lilundu lyawe pamonga na mathbahu? 14Wiwi Bambo akatawiki kukita awa wakuyiwandisa evangel wayilamile evangel. 15Koma nenga natumili lepa haka kimonga kya ifi: ni nilemba lepa ifi nausi kikitike wiwi pa nenga: ndawa kiyii kinofu pa nenga nifwe, nausi mundu asikita kuhikalila kwangu kwa waka. 16Pakuya wona niwandisa evangel, niyilepe ni kukihikalila; pakuya lifinyikiso liwikiki bahapa pa nenga; ndawa malilo kwangu wona nilemiti kwiwandisa evangel. 17Pakuya wona nikiteye iki pa kilondo kyangu namwene, niyii ni njombe: koma wona pangali kilondo kyangu, nikamulasiki kyakugoha. 18Mumu kiki njombe yangu? yiyi kukita pakuyiwandisa evangel, niyikite evangel yisilya kyuma, niye wangatumila chengo kyangu pa evangel. 19Ndawa haka nikayili nkamba kwa woha, nikayikiti namwene mbanda wa woha, nausi nipate kulutila. 20Leka kwa waYehudi nikayili ngati mYehudi, nausi nipate waYehudi; kwa wala pasi pa torah, ngati wa pasi pa torah, koma nenga namwene nukuya pasi pa torah, nausi niwapate wala wayii pasi pa torah; 21na kwa wala wangali torah, ngati wangali torah, nukuya pangali torah kwa Mulungu, koma pasi pa torah ya Kristo, nausi niwapate wala wangali torah. 22Kwa wakulegaleka nikayili wakulegaleka, nausi niwapate wakulegaleka: nipatiti kuwayila woha findu fyoha, nausi koha koha niwayokole wangi wangi. 23Leka fyoha nifikita kwa ndawa ya evangel, nausi niye wakuhasangana mumu. 24Mumanya lepa, ati, kukita wakukimbila kintali wakimbila woha, koma yumonga ayitolela fupo? Wiwi mukimbilaye, nausi muyupile ngani. 25Ni ayi yoha uyu akangamala pa kintali ayihotola pa fyoha. Leka awa nausi kukiyupa kikupiku kyakuyanangika; koma tenga, kyangali kuyanangika. 26Mumu nenga nikimbila wila, nukuya ngati wakukangachila; wiwi nikita likondi, si ngati wakutowa mfuki waka: 27koma nikita mbili kufimba‐fimba, ni kuutuwula pa uwanda: nausi kwali apa niwawandasili wangi evangel, nisitagika namwene.
Currently Selected:
I Korintho 9: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.