II Korintho 10
10
1Leka nenga namwene Paolo niwapembesa mwenga kwa kupola mwoyo wake Kristo, nenga wakuseleseka pa miho ginu, koma pangi niyii wakusindimala kwa mwenga: 2ena, niwapembesa kukita pakuya baho nisisindimala pa kuhuwalila kula umu niwalanga kusindimala kuwapindika wangi, wala watiwalangila ngati umu tikagenditi kwa ndingo wa nyama. 3Pakuya haka tigendagenda pa nyama, 4nakukita ngondo kwa ndingo wa nyama (pakuya fya ngondo fitu nakuya fya nyama, koma fya mbafu pa miho ga Mulungu kwa kubomola maboma); 5kibomolile mawalangiko, ni kiyi kyoka kyakukweseka kyakututuwusika kupindika kumanya kwake Mulungu, ni kitolile liholo liyi lyoha pa mateka pa kunjufwanila Kristo; 6na tayari kukilawusa kyangali kuyufwa kwoha, pala kuyufwa kwinu yakufwilanasike. 7Fila fiyii pa miho gako mufilolakesa. Mundu ayi yoha mona ihuwalila kukita ayii wa Kristo, iwalangile kawili pa mwene wakape, kukita umu yombe ayii wake Kristo, tenga nati. 8Pakuya haka nikwilumba kandu ya chengo kitu (kila Bambo akapeliki kwa kuwajengela, nakuya kwa kuwabomola), yaniye wangatoleka lihamu: 9nausi nisiwoneka ngati wakuwayogofya pa mabarua gangu. 10Pakuya, Mabarua gake, wajowa, gayii gakutopa na ga makakala; leka pakutama baho mbili wake ulegeleka, na kajoweko kake kakuyuyuka. 11Mundu wa ntundu uwu awalange iki, kukita, umu tiyii pa lilowe pa mabarua pakutama pandu pingi, wiwi yatiye pa makitiko pakutama baho. 12Pakuya tisindimala lepa kwipawula pagati pa wangi wala wakwilumba: koma wombe wene, pakwilinganisa, ni kwipawulana pawene wayilepe nu luhala. 13Koma tenga yatilumbe lepa kulutila ndingo witu, leka kwa ndingo wa lidete lyakulingila ni ndingo wuwu Mulungu akatigawili lilundu, kuhichila mpaka pa mwenga. 14Pakuya tikalutili lepa ndingo witu, ngati nukuya kuyichila mpaka pa mwenga: ndawa tikafikili mpaka pa mwenga pa evangel ya Kristo: 15kwilumba lepa kulutila ndingo witu, kuku pa mahengo ga wandu wangi; koma kuhuwalila kukita pa kuyonjakaseka kiyitakiso kinu, yatikwisike pa mwenga kwa ndingo wa lidete lyakulingila litu kiyolokile, 16mpaka pa kuwandisa evangel haka kwa malundu lisi lya mwenga, nakuya kwilumba pandu pa mundu yungi pa fila fyakuwikila ngani. 17Koma uyu ilumba, ilumbe pa Bambo. 18Ndawa nukuya uyu iganisa mwene alingika nnofu, koma yula Bambo anganisa.
Currently Selected:
II Korintho 10: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.