II Korintho 9
9
1Pakukita panani pa kutumakila kwa wawalafu, kilondeka lepa kukita niwalembela: 2Pakuya nimanya ukini winu, wula tihikalila wa mwenga kwa wa Makedonia, kukita Akaya wamaliti kwiwikila ngani makachu; ni wifu winu uwakenyamwisi wingi. 3Koma nitumiti walongo awa, nausi kwilumba kwitu kwa ndawa ya mwenga kusikitika kwa waka pa iki; kukita umu nikajowili, muye wa tayari: 4haka kwali, wangi wa Makedonia wona wahicha pamonga nu nenga, na wawakolili mwenga wa tayari lepa, tenga (nausi tisijowa mwenga) ngatilekaliki lihamu pa kihuwalilo iki. 5Mumu naholiti kyakulondeka kuwapembesa walongo awa, kukita wawachile palongolo, kutendekesa ngani palongolo ukini wula mukalagiti, nausi uye tayari, wakupelekeka, nukuya wakukikisika.
6Leka iki nijowa, uyu apanda pachoko yabene pachoko; na uyu apanda pa ukini yabene pa ukini. 7Mundu ayi yoha akite umu akawikiti mu mwoyo wake; nakuya pa kuniongoneka, haka pa lifinyikiso: pakuya Mulungu agana wakupeleka ni kiheko. 8Leka Mulungu ahotola kuyolokesa neema iyi yoha pa mwenga; nausi mwenga, pakuya wakutupisika pa fyoha, muyoloke pa likitiko liyi lyoha linofu: 9umu yilembekili,
Ayambanisi, apeliki kwa wagaju;
Ugolofu wake uhwela kwa miaka yoha.
10Nu uyu apeleka mbeyu kwa wakupanda, nu nkate kwa kulya, yapeleke ni yayiyolokese mbeyu yinu kwa kupanda, na yayonjakese fipambiko finu fya ugolofu: 11mwenga wakutupilika pa kiyi kyoha mpaka pa ukini woha, wula ukitila pa tenga kusengusa kwa Mulungu. 12Pakuya kutumakila kwa lihengo ili nakuya kwakape kufwilanisa ndemuko sya wawalafu, koma kinjolokile Mulungu pa masenguso ga mahele; 13pakuwona kukita pa kulingika uku kwa kutumakila wankwisisya Mulungu kwa ndawa ya kuyufwa kwa kufumbula kwinu, mpaka pa evangel ya Kristo, ni kwa ndawa ya ukini wa ukokaniso winu kwa wombe na kwa woha; 14na wombe kawili, kipembesile kwa mwenga, wawalalukila mwenga kwa ndawa ya neema ya Mulungu yakulutila yiyii pa mwenga. 15Kusengusa kwa Mulungu ndawa ya kya waka kyake kyangakokoseka.
Currently Selected:
II Korintho 9: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.