II Korintho 8
8
1Kawili, walongo, tiwamanyisa neema ya Mulungu yila yipelakiwi pa makanisa ga pa Makedonia; 2umu pakulingika kukulungu kwa mahumbuso, kumema kwa luheko lwawe nu ugaju wawe ukanyolokili mpaka pa ukafi wa ukini wawe. 3Pakuya kwa ndingo wa mbafu syawe, nilasa ulungamakiso, ena, ni kulutila mbafu syawe, kihagulile wene, 4kitipembelile tiyupe neema iyi nu kuhasangana kwa kutumakila kwa wawalafu: 5ni nakuya umu tahuwalili, koma wakapeliki wawene palongolo kwa Bambo, na kwa tenga pa kilondo kyake Mulungu. 6Mpaka tikampembisi Tito, kukita umu akatumbulili palongolo, wiwi amalakise pa mwenga neema iyi kawili. 7Koma umu muyolokela pa kiyi kyoha, pa kiyitakiso, pa lilowe, pa kumanya, pa luyumalakilo, ni pa kugana kwinu pa tenga, mulole kukita muyoloke pa neema iyi kawili. 8Nilongela nakuya kwa ndingo wa luwimbi, koma kulingisa pa kulalukila kwa wangi fya chakaka fya kugana kwinu. 9Pakuya mumanya neema ya Bambo witu Yesu Kristo, kukita haka akayili nkafi, leka pa mihalo ya mwenga akakitiki nkiwa, nausi mwenga pa ukiwa wake muye wakafi. 10Ni pa iki nipeleka lipaulo lyangu: pakuya iki kiwaniambila, mwenga wakutumbula mwaka wa makachu, nakuya kukita kwakape koma kawili kulonda. 11Leka hino mumalakisaye pakukita nakwombe; kukita umu makeko ga palongolo gakayili baho, mumalakise kipitile pa ifi muyii nafyo. 12Pakuya wona kulonda kuyii baho, kiyupika kwa ndingo wa iki ayii nakyo, nakuya kwa ndingo wa iki ayii nakyo lepa. 13Nakuya nausi wangi watangatilike nu mwenga muhumbusike: 14koma pa kimonga‐monga; kuyoloka kwinu pa lukumbi ulu kwa kusowiti kwawe nausi kuyoloka kwawe kuye kwa kusowiti kwinu; nausi kiye kimonga‐monga: 15umu yilembekili, Uyu akakokanisi fya mahele, akayolwiki lepa; na uyu akakokanisi fyakuwalangika, akalemwiki lepa.
16Leka kusengusa kwa Mulungu, uyu ayingisa mu mwoyo wa Tito kugana kukulakula kwa mwenga. 17Pakuya chakaka akayitakili mapembeso gitu; koma pakuya mwene wakugana muni, akalutiti mpaka pa mwenga kihagulile mwene. 18Ni tikatumiti pamonga nako ndongo witu uyu malumbo gake gayii pa evangel pa makanisa goha; 19leka nakuya iki kyakape, koma yuyu ahaguliki ni makanisa kugenda pamonga nu tenga pa neema iyi, yakutumakalika nu tenga kwa kukwisika kwake Bambo, ni kwa kulasa kulonda kwitu: 20kiyepile pa iki, kukita mundu asitipisa wawifu kwa ndawa ya ukini uwu wakutumakalika nu tenga: 21pakuya tiholalela fya liginiko, nakuya pa miho ga Bambo wakape, leka pa miho ga wandu kawili. 22Ni titumiti nawombe ndongo witu uyu tindingiti nnofu pingi pa findu fya mahele, koma hino wakulalukila muni ayii, pa kihuwalilo kikulungu kila ayii nakyo pa mwenga. 23Na wona mundu akota ya Tito, ayii wakuhasangana nu nenga ni wakukitana nu nenga kwa mwenga; pangi walongo witu, wayii maapostolo wa makanisa, kukwisika kwake Kristo. 24Mumu muwalasile pa miho ga makanisa lilasiko lya kugana kwinu, ni kwilumba kwitu kwa ndawa ya mwenga.
Currently Selected:
II Korintho 8: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.