II Korintho 13
13
1Pakadatu mwanja uwu niyii mu kuhicha kwinu. Pa ndomo pa walungamakiso wawili pangi wadatu lilowe liyi lyoha yaliyimakike. 2Nimaliti kuwakokosela palongolo, ni nijowa palongolo, ngati pala nikayili baho pakawili, wiwi hino pakutama pangi, kwa awa wakakiti sambi palongolo, na kwa wakusigala woha, kukita wona nihicha kawili yaniye wangali lipyana; 3pakuwona kukita mulonda kiwalalilo kya kulasa kukita Kristo alongela pa nenga; uyu kwa mwenga nakulegaleka, koma ayii nasyo mbafu mwa mwenga: 4pakuya akawambiki pa msalaba pa ulegelefu, leka alama pa mbafu ya Mulungu. Pakuya tenga nati tiyii wakulegaleka mwa yombe, koma yatilame pamonga nu yombe pa mbafu ya Mulungu kwa mwenga. 5Mwigese mwawene, pangi muyii pa kiyitakiso; mwilinge mwawene. Pangi mumanya lepa ati pa mwawene, kukita Yesu Kristo ayii mwa mwenga? lema muyii wakupatuka. 6Koma nihuwalila kukita yamumanye kukita tenga sitiya wakupatuka. 7Leka timpembesa Mulungu kukita musikita fiwifu; nakuya nausi tiwoneke wakulingika, koma kukita mukite fila figinikika, haka titama ngati wangalingika. 8Pakuya tihotola lepa kufipindika fya chakaka, leka kwa fya chakaka. 9Pakuya tihekelela apa tilegeleka, nu mwenga muyii wa mbafu: na iki tiluwa kawili, kukita mufwilanasike. 10Kwa ndawa iyi nifilembela ifi pakutama pangi, nausi pakutama baho nisikalapila, kwa ndingo wa chengo kila Bambo akanipili kwa kujengela, nakuya kwa kubombonyola.
11Pakumalakila walongo, muhekelelaye. Muye wakumalakilana; muye wakunyamasika; muye wa maholo gamonga; mutame pa kindamba: nu Mulungu wa kiganano ni kindamba yatame pamonga nu mwenga. 12Mulamusane ni kununa kuwalafu.
13Wawalafu woha wawalamusa.
14Neema ya Bambo Yesu Kristo, nu kugana kwake Mulungu, nu kuhasangana kwake Roho Mbalafu, kuye pamonga nu mwenga mwawoha.
Currently Selected:
II Korintho 13: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.