II Korintho 3
3
1Ati titumbula pa kawili kwilumba? pangi tisowa ati, umu wangi, ma‐barua ga kukeleka kwa mwenga, pangi kipitile pa mwenga? 2Mwenga muyii epistola yitu, yakulembeka mu mioyo yitu, yakumanyika na yakusomeka na wandu woha; 3kulasika kukita muyii epistola ya Kristo, yakutumakilika nu tenga, yakulembeka nakuya ni wino, koma ni Roho wa Mulungu wakulama; nakuya pa mapondo ga maganga, koma pa mapondo ga mioyo ya nyama. 4Ni tiyii nakyo kihuwalilo kya ntundu uwu mwa Kristo pa Mulungu: 5si kukita tilinganila tawete kwiwalanga kandu ngati ka tawete; leka kulinganila kwitu kipitile pa Mulungu; 6nuyombe kawili akatilinganisi wakutumakila wa kilagano kya hino; si kya lilembo, koma kya roho: pakuya lilembo likomesa, koma roho yilamisa. 7Ndawa wona kutumakila kwa kifwa, kulembeka, kusokotewa na maganga, kukafiki nu kukwisika, mpaka wana wa Israel nakuhotola kukikwinulila kyene kya Musa ndawa ya kukwisika kwa kyene kyake; kula kukayili mu kuwusika: 8apa si kutumakila kwa roho yakuye nu kukwisika? 9Pakuya kutumakila kwakupisa uwifu wona kuyii nu kukwisika, kutumakila kwa ugolofu kuyoloka nu kukwisika. 10Pakuya chakaka kila kikakitiki kyene kukwisika, kukakitiki lepa kyene kukwisika pa iki, kuku kukwisika kula kwakulutila ngani. 11Pakuya wona iki kikayili mu kuwusika kikayili kyene kukwisika, iki kyakuhwela kiyii kyene kukwisika kulutila nyamhope.
12Mumu pakuya ni kihuwalilo kya ntundu uwu, tisindimala pa kulongela, 13leka nukuya ngati Musa, uyu alekeleye kifunakilo pa kiwungi kyake, nausi wana wa Israel wasikwinulila kumalakila kula kukayili mu kuwusika: 14koma maholo gawe gakayili manonono; ndawa mpaka pa ligono lya lilino, pa kusoma pa kilagano kya mwandi, kifunakilo kikilakila kitama kyangagubukulika; kila kiwusika pa Kristo. 15Koma mpaka pa ligono lya lilino, apa Musa asomeka, kifunakilo kigona pa mioyo yawe. 16Koma pala yaking’anamuke kwa Bambo, kifunakilo kiwusika. 17Leka Bambo ayii Roho: na apa Roho wa Bambo, ukamba. 18Leka tenga tawoha, ni kyene kyakugubukulika kukilawusa ngati pa lilolelo kukwisika kwa Bambo, ting’anamusika ntundu witu kuhwanangana ni kifwilifwili kikilakila kuhuma pa kukwisika mpaka pa kukwisika, ngati umu kuhuma pa Bambo Roho.
Currently Selected:
II Korintho 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.